Якьуб 1
1
Саламар
1Аллагьдин ва Ребби Иса Месигьдин лукӀ Якьубан патай дуьнья тирвал чкӀанвай цӀикьвед тайифадиз хийирар хьурай.
Синагъ ва темягь
2Стхаяр-вахар, куьн жуьреба-жуьре синагърал ацалтайла, гзаф шад хьухь. 3Квез чизва, куь иман синагъ авуни дурум хьунухь арадал гъизва, 4дурум хьунухь лагьайтӀа, квехъ акьван гзаф хьурай хьи, куьн акьулбалугъбур, битавбур ва са жуьрединни нукьсанар квачирбур жедайвал. 5Квекай са низ ятӀани камал бес жезвачтӀа, къуй ада ам виридаз, са туьгьметни тийиз, гъил ахъадаказ гузвай Аллагьдивай тӀалабрай – адаз гунни ийида. 6Амма тӀалабзавайди, са шакни тавуна, агъурай, вучиз лагьайтӀа шак ийизвайди гару гваз фена чукӀурзавай гьуьлуьн лепедиз ухшар я. 7Къуй ахьтин касди Реббидивай са вуч ятӀани къачуда лагьана фикир тавурай. 8Ам, вуч ийиз хьайитӀани, вири крара кьве пад язавай, кьве руьгь авай инсан я.
9Кесибрин агъуз жергедай тир стхади вичин виниз дережадал дамахрай. 10Амма девлет авайда вичин агъуз дережадал дамахрай, вучиз лагьайтӀа ам, чуьлдин цуьк хьиз, квахьда. 11Рагъ экъечӀзава ва ада вичин ифиндив набатат кьурурзава, адан цуьк авахьзава, ва вири иервал квахьзава. Девлет авай касни вичин крарин челек-фелекда гьакӀ шуьткьведа.
12Синагъдик квайди бахтавар я. Синагъдиз дурум гайила, ада Аллагьди Вич кӀанзавай виридаз гуда лагьана хиве кьур уьмуьрдин таж къачуда. 13Темягь тухвана рекьяй акъуддай кардал ацалтайла, лугьуз тахьуй: «Им Аллагьди зи темягь тухуз тазвайди я». Писвиливай Аллагьдин темягь тухуз жедач ва Ада садни темягь тухвана рекьяй акъатдайвал ийизвач. 14Гьар са кас темягь тухвана рекьяй акъудзавайди адан вичин хсуси эрзиманар я, абуру ам гваз физва ва адан темягь тухузва. 15Ахпа гьевес бугъаз жезва ва адалай гунагь жезва, хьайи гунагьди, лагьайтӀа, ажал гъизва.
16Играми зи стхаяр-вахар, куьне куьн алцурармир. 17Вири дугъри ва тамам савкьватар виняй, дегиш тежедай ва дегишвилин гьич хъенни авачир Бубадилай, цавун чирагърин Халикьдилай, къвезвайди я. 18Вичи халкьай затӀарин арада чакай сифтегьан бегьер хьун патал, Ада Вичи Вичин къаст тирвал чун гьакъикъатдин гафуналди аладна.
Гафар ва ийизвай крар
19Играми зи стхаяр-вахар, гъавурда акьукь: къуй гьар сад, рахунрихъ ва я хъел къалурунихъ алгъидалди#1:19 Алгъун – юкь агъузун., яб акалунихъ гелкъуьрай. 20Хъел квайла инсанди Аллагьдиз гьахъ-михьи яз аквазвай кар ийидач. 21Гьавиляй гьар жуьредин чиркинвал ва писвилерин гзафвал гадара ва квек кутазвай, куьн хиласдай къуват авай гаф муьтӀуьгъвилелди кьабула.
22И жигьетдай квекай тек са гафуниз яб гузвайбур ваъ, гьакӀни ам кьилиз акъудзавайбур хьухь, тахьайтӀа куьне куьн алцурарзава. 23Гафуниз яб гуз, ам кьилиз акъуд тийизвайди гуьзгуьдиз килигзавай инсандиз ухшар я: 24ам вичиз килигна ва къекъечӀна, вич гьихьтинди ятӀа гьасятда адан рикӀелай алатна. 25Амма азадвал гузвай тамам Къанун кьатӀузвайда, Къанундилай алат тавуна, ван хьайи гафар рикӀелай алуд тавуна, адав кьадай крар ийизва, адаз вичин крара нуьсрет гуда.
26Вич муъмин яз гьисабиз, амма вичин мез идара ийиз тежезвайда вичи вич алцурарзава, ахьтин касдин муъминвал хийир авачирди я. 27Аллагьдин, чи Бубадин, вилик михьи ва рехне квачир муъминвал етимриз ва хендедайриз абурун муьгьтежвилера куьмек гуникай ва жув и дуьньядикай михьи яз хуьникай ибарат я.
Currently Selected:
Якьуб 1: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Якьуб 1
1
Саламар
1Аллагьдин ва Ребби Иса Месигьдин лукӀ Якьубан патай дуьнья тирвал чкӀанвай цӀикьвед тайифадиз хийирар хьурай.
Синагъ ва темягь
2Стхаяр-вахар, куьн жуьреба-жуьре синагърал ацалтайла, гзаф шад хьухь. 3Квез чизва, куь иман синагъ авуни дурум хьунухь арадал гъизва, 4дурум хьунухь лагьайтӀа, квехъ акьван гзаф хьурай хьи, куьн акьулбалугъбур, битавбур ва са жуьрединни нукьсанар квачирбур жедайвал. 5Квекай са низ ятӀани камал бес жезвачтӀа, къуй ада ам виридаз, са туьгьметни тийиз, гъил ахъадаказ гузвай Аллагьдивай тӀалабрай – адаз гунни ийида. 6Амма тӀалабзавайди, са шакни тавуна, агъурай, вучиз лагьайтӀа шак ийизвайди гару гваз фена чукӀурзавай гьуьлуьн лепедиз ухшар я. 7Къуй ахьтин касди Реббидивай са вуч ятӀани къачуда лагьана фикир тавурай. 8Ам, вуч ийиз хьайитӀани, вири крара кьве пад язавай, кьве руьгь авай инсан я.
9Кесибрин агъуз жергедай тир стхади вичин виниз дережадал дамахрай. 10Амма девлет авайда вичин агъуз дережадал дамахрай, вучиз лагьайтӀа ам, чуьлдин цуьк хьиз, квахьда. 11Рагъ экъечӀзава ва ада вичин ифиндив набатат кьурурзава, адан цуьк авахьзава, ва вири иервал квахьзава. Девлет авай касни вичин крарин челек-фелекда гьакӀ шуьткьведа.
12Синагъдик квайди бахтавар я. Синагъдиз дурум гайила, ада Аллагьди Вич кӀанзавай виридаз гуда лагьана хиве кьур уьмуьрдин таж къачуда. 13Темягь тухвана рекьяй акъуддай кардал ацалтайла, лугьуз тахьуй: «Им Аллагьди зи темягь тухуз тазвайди я». Писвиливай Аллагьдин темягь тухуз жедач ва Ада садни темягь тухвана рекьяй акъатдайвал ийизвач. 14Гьар са кас темягь тухвана рекьяй акъудзавайди адан вичин хсуси эрзиманар я, абуру ам гваз физва ва адан темягь тухузва. 15Ахпа гьевес бугъаз жезва ва адалай гунагь жезва, хьайи гунагьди, лагьайтӀа, ажал гъизва.
16Играми зи стхаяр-вахар, куьне куьн алцурармир. 17Вири дугъри ва тамам савкьватар виняй, дегиш тежедай ва дегишвилин гьич хъенни авачир Бубадилай, цавун чирагърин Халикьдилай, къвезвайди я. 18Вичи халкьай затӀарин арада чакай сифтегьан бегьер хьун патал, Ада Вичи Вичин къаст тирвал чун гьакъикъатдин гафуналди аладна.
Гафар ва ийизвай крар
19Играми зи стхаяр-вахар, гъавурда акьукь: къуй гьар сад, рахунрихъ ва я хъел къалурунихъ алгъидалди#1:19 Алгъун – юкь агъузун., яб акалунихъ гелкъуьрай. 20Хъел квайла инсанди Аллагьдиз гьахъ-михьи яз аквазвай кар ийидач. 21Гьавиляй гьар жуьредин чиркинвал ва писвилерин гзафвал гадара ва квек кутазвай, куьн хиласдай къуват авай гаф муьтӀуьгъвилелди кьабула.
22И жигьетдай квекай тек са гафуниз яб гузвайбур ваъ, гьакӀни ам кьилиз акъудзавайбур хьухь, тахьайтӀа куьне куьн алцурарзава. 23Гафуниз яб гуз, ам кьилиз акъуд тийизвайди гуьзгуьдиз килигзавай инсандиз ухшар я: 24ам вичиз килигна ва къекъечӀна, вич гьихьтинди ятӀа гьасятда адан рикӀелай алатна. 25Амма азадвал гузвай тамам Къанун кьатӀузвайда, Къанундилай алат тавуна, ван хьайи гафар рикӀелай алуд тавуна, адав кьадай крар ийизва, адаз вичин крара нуьсрет гуда.
26Вич муъмин яз гьисабиз, амма вичин мез идара ийиз тежезвайда вичи вич алцурарзава, ахьтин касдин муъминвал хийир авачирди я. 27Аллагьдин, чи Бубадин, вилик михьи ва рехне квачир муъминвал етимриз ва хендедайриз абурун муьгьтежвилера куьмек гуникай ва жув и дуьньядикай михьи яз хуьникай ибарат я.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024