2-Ягья 1
1
Саламар
1Агъсакъалдин патай заз рикӀивай кӀани, хкянавай ханумдиз#1:1 «Ханум» гафуни инал кьилдин са паб ваъ, иманийрин кӀватӀал, «хкянавай вахан веледар» ибаради къунши кӀватӀалдин векилар къалурзава. ва адан веледриз. Тек са заз ваъ, гьакъикъатдин гъавурда акьазвайбуруз виридаз куьн кӀан я. 2Вучиз лагьайтӀа гьакъикъат чахъ галаз ава ва ам даим яз чахъ галазни амукьда.
3Гьакъикъатдалдини муьгьуьббатдалди Аллагь тир Бубадилай ва Адан Хва Иса Месигьдилай атай берекат, регьим ва саламатвал датӀана чахъ галаз санал хьурай.
КӀанивилин тагьким
4Ви аялрин арада, Бубади чаз тагьким гайивал, гьакъикъатдив кьадайвал уьмуьр тухузвайбур хьунал зун гзаф шад хьана. 5Гила, ханум, за ваз цӀийи тагьким кхьизвач, им чаз сифтедилай авай тагьким я: чаз садаз сад кӀан жен. 6И кӀанивал адакай ибарат я хьи, чна Адан тагьким кьилиз акъудун герек я. Квез сифтедилай гьа и тагькимдин ван атанва. Гьа тагькимдалди гьерекатни ая.
Месигьдиз вафа хуьз хьухь
7Иса Месигь инсандин бедендаваз атанвайди кьабул тийизвай гьиллебазар дуьньядал гзаф пайда хьанва. 8Килиг гьа, чна зегьмет чӀугуна кӀватӀай затӀар квадармир ва куь зегьметдин эвездай бегьем савкьват къачуз алахъ! 9Ни Месигьди чирайвал уьмуьр тухузвачтӀа, маса рекьерай физватӀа, адахъ Аллагь авач. Вуж Адан тарсариз вафа хуьз амукьзаватӀа, адахъ гьам Буба, гьамни Хва ава, яни Аллагь ава. 10Са вуж ятӀани куь патав Иса Месигьдин ваъ, маса тарсар гваз атайтӀа, куьне ам кӀвализ ахъаймир ва адаз салам гумир. 11Ни ахьтин касдиз салам гузватӀа, ам гьа касдин пис кӀвалахрив шерик жезва.
Эхиримжи гаф
12Захъ квез лугьудай гафар мад гзаф ава, амма заз абур чарчин ва девитдин куьмекдалди лугьуз кӀанзавач. Куь патав атана, квехъ галаз чин-чинал рахуник за умуд кутазва, чи шадвал бегьемди жедайвал.
13Ваз ви хкянавай вахан веледрин патай саламар!
Currently Selected:
2-Ягья 1: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024