DAGITI PROVERBIO 5
5
Ti peggad ti ayat a saan a nadalus.
1Anacco, imatangam ti kinasiribco; iyallingagmo ta lapayagmo iti pannacaawatco:
2Tapno masalacnibam ti kinamanakem ken #Mal. 2:7.dagiti bibigmo masalimetmetanda ti pannacaammo.
3 #
Sal. 55:21. Prov. 2:16. Ta dagiti bibig ti manangallilaw a babai agtedtedda iti diro, ket ti ngiwatna nalamlamuyot ngem lana:
4Ngem iti panungpalan #Ecle. 7:26.napait a cas iti mula nga ajinco, natadem a cas campilan a dua ti tademna.
5 #
Prov. 7:27. Dagiti sacana agpababada ken patay; dagiti addangna maicapetda ken Tanem;
6Iti casta isu dina saraken ti napalanas a dalan ti biag; dagiti dalanna aglikiglikigda, ket saana a mabigbig.
7Ita ngarud, annacco, dumngegcayo caniac, ket dicayo pagtalawan dagiti sasao ti ngiwatco.
8Ilisim ti dalanmo iti adayu kencuana, ket dica umasideg iti ruangan ti balayna;
9Di la ket ta maitedmo ta dayawmo cadagiti sabsabali, ken dagiti tawenmo iti nadawel;
10Di la ket ta dagiti gangannaet agpennecda ita pigsam, ket dagiti pagbannogam mararitda iti balay ti gangannaet,
11Ket sica agladingitca iti camaudianan a tungpalmo, intono ti lasagmo ken ti bagim marunotda,
12Ket macunamto, Apay aya a ginurac idi ti sursuro, ken toy pusoc #Prov. 1:25; 12:1.linaisna ti pannacatubngar;
13Ken iti diac panagtulnog idi iti timec dagiti manursuro caniac, ken diac met panangyallingag itoy lapayagco cadagidi nangisuro caniac!
14Nganngani nairamanac ti amin a dakes iti tengnga ti gimong ken tallaong.
15Uminumca iti danum cadagiti tangkem met laeng, ken tumbog a danum cadagiti bubonmo met laeng.
16Maiparbeng aya nga agwarasto coma ti danum cadagiti calcalsada?
17Maipaayda coma kenca laeng, a saan ket a cadagiti gangannaet a naicuyog kenca.
18Mabendicionan coma ti ubbogmo; ket pagrag-oam ti #Mal. 2:4.asawa ti kinaagtutubom.
19 #
C. ni Sal. 2:7; 3:5. Cas naayat a caba-ian nga ugsa, ket macaayayo nga ugsa a caba-ian, dagiti barucongna pennekendaca coma a cancanayon; ket macayawanca coma nga agnanayon iti ayatna.
20Ta apay, anacco, a macayawancanto iti babai a gangannaet, ken aracupemto ti barucong ti gangannaet?
21Ta dagiti daldalan ti tao addada iti #2 Cron. 16:9. Os. 7:2. Heb. 4:13.saclang dagiti mata ni Jehova; ket palanasenna dagiti amin a pagnaanna.
22Dagiti kinadakesna met laeng #Sal. 9:15.kemmegendanto ti nadangkes, ket matengngelto cadagiti singdan ti basolna.
23 #
Job 4:21; 36:12. Matayto gapu ti caawan ti sursuro; ket iti cadackel ti kinamaagna maiwawanto.
Currently Selected:
DAGITI PROVERBIO 5: TB1973
Highlight
Copy
Compare
Share
Want to have your highlights saved across all your devices? Sign up or sign in
Ti Biblia © 1973 Philippine Bible Society
