MATEO 6

Ti cascasaba idiay bantay (canayon)—Ti pananglimos, ti panagcararag, ti panagayunar.

1Agannadcayo ta saancayo nga agaramid iti kinalintegyo iti sangoanan dagiti tao, tapno pagpasindayawyo: ta no saan, awan ti gungunayo ken Amayo nga adda sadi langit.

2Ngarud intono manglimosca, dicanto pagunien ti tangguyob iti sangoanam, a cas iti aramiden dagiti aginsisingpet cadagiti sinagoga ken cadagiti calcalsada, tapno madayawda cadagiti tattao. Pudno cunac cadacayo: Inawatdan ti gungunada.

3Ngem sica intono manglimosca, saan coma a maammoan ti macatigidmo ti aramiden ti macanawanmo;

4Tapno ti limosmo nalimed: ket ni Amam a macakita iti nalimed, gungunaannacanto.

5Ket intono agcararagcayo, saancay a cas cadagiti managinsisingpet; ta isuda ayatenda ti agcararag cadagiti sinagoga, ken cadagiti lanlansangan dagiti daldalan a sitatacder, tapno makita ida dagiti tattao. Pudno cunac cadacayo: Inawatda ti gungunadan.

6Ngem sica, inton agcararagca, sumrecca iti siledmo, ket inton nairikepen ti ruangan, agcararagca ken Amam nga adda iti nalimed: ket ni Amam a macakita iti nalimed #Luc. 14:14.gungunaannacanto.

7Ngem iti panagcararagyo dicay aramaten dagiti awan capapayanna a panangulit-ulit, a cas ti aramiden dagiti Gentil; a #1 Ar. 18:26, 29.panunutenda a maipangagdanto, gapu cadagiti adu a sasaoda.

8Dicay ngarud tuladen ida; #bil. 32.ta ni Amayo ammona no aniada dagiti masapulyo no dicay pay dawaten kencuana.

9Dacayo, ngarud, agcararagcayo a castoy: #Luc. 11:2-4.Amami, nga addaca sadi langit, madaydayaw coma ti Naganmo.

10 # Mat. 3:2. Umay coma ti pagariam. #Mat. 26:39, 42.Maaramid coma ti pagayatam #Sal. 103:20, 21.cas sadi langit casta met ditoy daga.

11Itedmo cadacam ita ti taraonmi iti inaldaw.

12Ket #Mat. 18:21-35.pacawanennacami cadagiti ut-utangmi, a cas met panamacawanmi cadagiti nacautang cadacami.

13 # Mat. 26:41. Mar. 14:38. Luc. 22:40, 46. Ket dinacam iyeg iti pannacasulisog, no di ket isalacannacami iti #Mat. 13:19. Juan 17:15.dakes.#Dagiti paset a masaracan nga adda iti uneg ti parentesis ( ) saan ida a masaracan cadagiti adu a lal-lacay a Biblia ken inikcat iti Biblia a maisurat iti saot Ingles. (A. Rev. V.)

14Ta no #Mar. 11:25, 26.pacawanenyo dagiti tao cadagiti pammaldaangda, pacawanennacayto met ni Amayo a nailangitan.

15Ngem no #Sant. 2:13.saanyo a pacawanen dagiti tattao cadagiti pammaldaangda, ni Amayo dinacayto met pacawanen cadagiti pammaldaangyo.

16Ket intono #Isa. 58:5.agayunarcayo, saancay a cas la cadagiti managinsisingpet a naliday ta baliwanda ti rupada, tapno agparangda a nagayunar cadagiti tattao. Pudno cunac cadacayo: Inawatda ti gungunada.

17Ngem sica, inton agayunarca, #2 Sam. 12:20.lanaam ti ulom ket agdiramosca;

18Tapno di maiparang cadagiti tattao nga agayunarca, no di ken Amam nga adda iti nalimed: ket ni Amam, a macakita iti nalimed, gungunaannacanto.

Ti cascasaba idiay bantay (canayon): Ti gupit idiay langit ti mata a nadalus: dagiti dua nga Apo; ti agawa iti panagbiag.

19Saancayo nga agurnong cadagiti gupgupit nga agpaay cadacayo ditoy daga, isu a ti sanga ken ti lati dadaelenda ida, ken isu a dagiti mannanacaw calienda ket tacawenda;

20Ngem #Mat. 19:21. Luc. 12:33, 34.agurnongcayo cadagiti gupgupit sadi langit, isu a ti sanga ken ti lati dida dadaelen ken isu a dagiti mannanacaw dida calien ken tacawen:

21Ta no adino ti yan ti gupityo, addanto met idiay ti pusoyo.

22Ti pagsilawan ti bagi isu #bil. 23. Luc. 11:34, 35.ti mata: gapuna, no ti matam nadalusto, amin a bagim nalawagto.

23Ngem no ti matam #Mat. 20:15.dakes, amin a bagim nasipngetto: no ti silaw ngarud nga adda kenca nacudrep, Nagdackelan ket ti sipngeten!

24 # Luc. 16:13. Awan ti tao a macabalin nga agservi iti dua nga appo; ta guraennanto ti maysa ket ayatennanto ti sabali, wenno sumurotto iti maysa ket umsienna ti sabali: dicay mabalin ti agservi iti Dios ken iti #Luc. 16:9, 11, 13.kinabacnang.

25 # Aginga bil. 33. Luc. 12:22-31. Gapuna cunac cadacayo: #bil. 27, 28, 31, 34. Sal. 55:22. Fili. 4:6. Heb. 13:5. 1 Ped. 5:7.Dicay naagawa iti maipaay iti biagyo, no ania ti canenyonto wenno ania ti inumenyonto; ket uray ti bagiyo, no ania ti icawesyonto: Saan aya a nangnangrona ti biag ngem iti pagtaraon, ken ti bagi ngem iti cawes?

26Imutectecanyo dagiti tumatayab ti langit, a dida agmula, dida agani ket dida agurnong cadagiti camcamalig: ket ni Amayo a nailangitan taraonanna ida: Saancayo aya a napatpateg unay ngem isuda?

27Ngem. Asino cadacayo ti macabalin, a gapu iti panagagawana a mabalinna a nayonan ti #Sal. 39:5.sangcasico ti rucod ti catayagna?

28Ket ti maipapan iti pagan-anay. Apayapay naagawacayo? Usigenyo dagiti lirlirio iti talon, no casano ti panagdackelda: saanda nga agaramid ket dida met mambi;

29Ngem cunac cadacayo, nga uray pay ni #1 Ar. 10:4-7.Salomon agraman ti isu-amin a kinadayagna, saan a nacawesan a cas iti maysa cadacuada.

30Ket no ti Dios casta ti panangawesna iti root cadagiti cataltalonan nga ita agbiag, ket inton bigat maisungrod iti dalican. Saan aya a nangnangrona a dacayo ti cawesannanto, #Mat. 8:26; 14:31; 16:8. Luc. 12:28.O dacayo a bassitan pammati?

31Dicay ngarud agagawa a cuncunayo: Ania ti canenminto, wenno ania ti inumenminto, wenno ania ti pagpagan-anayminto?

32Ta dagiti Gentil ipangpangronada a sapulen amin dagitoy a banbanag a #bil. 8.ni Amayo a nailangitan ammona ti pannacasapulyo amin cadagitoy.

33Ngem #1 Ar. 3:11-14. Sal. 37:25. Mar. 10:30. 1 Tim. 4:8.birukenyo nga umuna ti pagarian ti Dios ken ti kinalintegna, ket isu-amin dagitoy a banbanag mainayondanto cadacayo.

34Saancayo ngarud nga agagawa iti maipay iti aldaw a sumaganad ta ti aldaw a sumaganad agawaannanto ti maipaay kencuana: Umdas ti dakes nga adda iti tunggal aldaw.

Currently Selected:

MATEO 6: TB1973

Highlight

Copy