GENESIS 40
40
Ibucsilan ni Jose dagiti Darepdep dagiti cadduana a Balud.
1Ket naaramid nga, iti calpasan dagitoy, nacabasolda ti #Neh. 1:11.mamacpacan ti ari sadi Egipto ken ti pagtintinapayenna a maicaniwas ken apoda nga ari ti Egipto.
2Ket ni Faraon nacapungtot cadagiti dua nga oficialna, nga isuda ti cangatoan cadagiti mamacpacan ken ti pangoloen dagiti agtintinapay.
3 #
Gen. 39:20, 23. Ket pinabaludna ida ti balay ti #Gen. 37:36.capitan dagiti agbanbantay, iti pagbaludan, isu nga yan ni Jose a nabalud idi.
4Ket ti capitan dagiti agbanbantay intalecna ida ken Jose, ket inserservianna ida: ket nagtaengda iti sumagmamano nga al-aldaw iti pagbaludan.
5Ket nagtagtagainepda a dua iti maymaysa a rabii, ti tumunggal maysa adda idi tagtagainepna, ti tumunggal maysa cas mayannurot iti caulogan ti parmatana, ti mamacpacan ken ti agtintinapay ti ari sadi Egipto, nga addada idi a sibabalud iti pagbaludan.
6Ket ni Jose immay cadacuada iti bigat, ket kinitana ida, ket, adtoy, nalidayda idi.
7Ket inintuudna cadagiti ad-adipen ni Faraon a cadduana iti pagbaludan iti balay ni apona, a kinunana, #Neh. 2:2.Apayapay naliday ita dagiti ruprupayo.
8Ket kinunada kencuana, #Gen. 41:15.Nagtagtagainepcami iti parparmata, ket awan ti macaipalawag. Ket ni #Gen. 41:16. Dan. 2:28, 47.Jose kinunana cadacuada, Saan aya a dagiti panangipalawag addada iti biang ti Dios? saoenyo caniac, dawatec cadacayo.
9Ket ti pangoloen dagiti mamacpacan sinaritana ti tagtagainepna ken Jose, ket kinunana kencuana, Iti tagainepco, adtoy, adda idi ti sangapuon nga uvas iti sangoc;
10Ket iti dayta nga uvas adda idi tallo a sangsanga: ket cas nagsaringitda ket rimmuar dagiti sabsabongna; ket dagiti raraayna nagbungada cadagiti naloom nga uvas:
11Ket ti vaso ni Faraon adda idi iti imac; ket innalac dagiti uvas, ket pinespesco ida iti vaso ni Faraon, ket intedco ti vaso iti ima ni Faraon.
12Ket ni Jose kinunana kencuana, #bil. 18. Gen. 41:12. Dan. 2:36.Daytoy ti cayuloganna: dagiti #Gen. 41:26.tallo a sangsanga talloda nga al-aldaw;
13Iti uneg dagiti tallo nga al-aldaw, ni Faraon itan-ocnanto ti #2 Ar. 25:27. Sal. 3:4. Jer. 52:31.olom, ket isublinacanto iti saadmo: yawatmonto ti copa ni Faraon iti imana, cas ar-aramidem idi mamacpacanca kencuana.
14Ngem laglagipennac intono nagasat ti casasaadmo, ket dawatec a caasiannac, ket isasaonac ken Faraon, ket aonennac cadi itoy a balay:
15Ta iti pudno, tinacawdac sadiay daga dagiti Hebreo: #Gen. 37:28; 39:20.ket awan met ditoy ti inaramidco a nangicabilanda caniac iti pagbaludan.
16Idi ti pangoloen dagiti agtintinapay nakitana a nasayaat ti pannacaibucsilna, kinunana ken Jose, Siac addaac met idi iti tagtagainepco, ket adtoy, tallo a lablabba ti tinapay a napudaw addada idi iti rabaw ti oloc:
17Ket iti daydi labba a makinngato adda idi amin a cancanen a naluto a maipaay ken Faraon: ket dagiti tumatayab kinnanda ida iti labba nga adda idi iti oloc.
18Ket ni Jose simmungbat, ket kinunana, #bil. 12.Daytoy ti cababagasna: dagiti tallo a lablabba isuda dagiti tallo nga al-aldaw;
19 # bil. 13. Iti uneg dagiti tallo nga al-aldaw ni Faraon paputulannacanto ket paibitinnacanto iti maysa a cayo; ket dagiti tumatayab ibusendanto kenca ti lasagmo.
20Ket naaramid nga, iti maicatlo nga aldaw, isu ti aldaw a #Mat. 14:6. Mar. 6:21.nacayanacan ni Faraon, nagday a cadagiti isu-amin nga ad-adipenna: ket #bil. 13, 19.pinaalana ti pangoloen dagiti mamacpacan ken ti pangoloen dagiti agtintinapay cadagiti ad-adipenna.
21Ket #bil. 13.insublina ti #Neh. 2:1.pangoloen dagiti mamacpacan iti annongna; ket inyawatna ti vaso iti ima ni Faraon:
22 # bil. 19. Ngem pinabitayna ti pangoloen dagiti agtintinapay: cas pinalawag idi ni Jose cadacuada.
23Nupay casta ti mamacpacan a pangoloen saanna a nalagipen ni Jose, ngem nalipatanna.
Currently Selected:
GENESIS 40: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
