DAGITI ARAMID 27

Maibaon idiay Italia ni Pablo.—Ti pannacarbana.

1Ket idi naipato nga aglayagcami a mapan idiay Italia, inyawatda ni Pablo agraman sabsabali pay a tattao a balud iti maysa a capitan nga agnagan Julio, iti compania ni Augusto.

2Ket idi limmugancami iti maysa a barangay a taga Adrumeto a nganngani aglayag cadagiti disso iti igid ti Asia, nagluascami a naicuyog cadacami ni #D. Ara. 19:29.Aristarco maysa a Macedonio a taga #D. Ara. 20:4.Tesalonica.

3Ket iti sumuno nga aldaw simmangladcam idiay Sidon: ket #D. Ara. 24:23; 28:16.naimbag ti pakinakem ni Julio ken Pablo, ket impalubosna kencuana a mapan cadagiti gagayyemna tapno umawat ti naimbag a nakem;

4Ket idi a nagluascami a nanipud sadiay naglayagcam iti malingdan ti Chipre, gapu ta dagiti angin maisungatda.

5Ket idi nalabasanmi ti baybay iti sangoanan ti Cilicia ken Pamfilia, simmangladcami idiay Mira, maysa nga ili ti Licia.

6Ket nacasarac daydi capitan #D. Ara. 28:11.ti maysa a barangay idiay a taga Alejandria nga aglayag a mapan idiay Italia, ket inlugannacami kencuana.

7Ket naglayagcami a nabannayat iti adu nga aldaw, ket narigat ti pannacagtengmi iti sangoanan ti Gnido, agsipud ta dinacam baybayan di angin, naglayagcam iti malingdan ti Creta iti batog ti Salmon;

8Ket idi a mamarparaigidcami a narigat, dimtengcam iti maysa a disso a managan ti naimbag a Sangsangladan, ket iti asidegna adda ti Ili a Lasea,

9Ket idi napalabas ti adu nga aldaw ken idinto a napeggaden ti panaglayag, ta nalabesen, ti Fiesta #Lev. 23:27, 29.ti #Fiesta a maaramid cadagiti bulan ti Septiembre ken Octubre.Panagayunar ni Pablo binalacadanna ida.

10Ket kinunana: Lallaki, makitac a ti panaglayag mangyegto ti rigrigat ken adu a pagdacsan, saan laeng nga iti carga ken iti barangay, no di ket cadagiti biagtayo pay.

11Ngem daydi capitan adadda a pinatina daydi piloto ken daydi makincua idi barangay, ngem daydi sinao ni Pablo.

12Ket agsipud ta saan a nasayaat daydi pagsangladan, dagidi ad-adu imbalacadda a pumanawda idiay, bareng macasangladda idiay Fenix ket agsardengda idiay, isu a sangladan ti Creta a sumango iti amianan a daya ken iti abagatan a daya.

13Ket idi nagangin bassit ti abagat ket impapanda a nagunoddan ti tartarigagayanda, ingngatoda dagiti sinepete naglayagda ket nagpaigidda iti asideg ti Creta.

14Ngem saan unay nagbayag, bimmaba nanipud sadiay ti maysa a baguio a managan Euroclidon:

15Ket idi a naitayab di barangay ket saan a matngelan a sarangten ti angin, binaybay-anmi ket sinonsonnacami ti angin.

16Ket idi a timmaray di barangay iti malingdan ti maysa a bassit a puro a managan Cauda, gistay dicam naibaud di bote:

17Ket idi nga ingngatoda inaramidda dagiti pamuspusan a pangparaut idi barangay; ket agsipud ta amakenda idi ti maisadsad idiay Sirte, imbabada dagiti layag ket castada a nasonson iti angin.

18Ket idi a busurennacami ti napigsa unay a bagio, iti sumuno nga aldaw #Jon. 1:5.rinugianda nga intappuac ti carga:

19Ket iti maicatlo nga aldaw babaen dagiti imimada iniccatda dagiti aruaten ti barangay.

20Ket idi saan a naglawag ti init ken dagiti bitbituen iti adu nga aldaw, ket nagtuloy ti napigsa nga angin napucaw aminen ti inanamami a maisalacan.

21Ket agsipud ta nabayagen a dida mangan timmacder ni Pablo iti nagtengaanda ket kinunana: O Lallaki, no dimngegcay coma caniac, ket saancay coma a naglayag nanipud Creta, naliclicam coma daytoy a rigat ken pagdacsan.

22Uray ita balacadancayo a manginanamacayo: ta awanto ti mapucaw a biag cadatayo, no di laeng ti barangay.

23Ta #D. Ara. 18:9; 23:11.itay rabii nagtacder iti dinnac ti angel ti Dios a makincua caniac, #Rom. 1:9. 2 Tim. 1:3.ken pagrucbabac,

24A cuncunana: Pablo, dica agbuteng: masapul a maisaclangca iti sangoanan ni Cesar: ket adtoy ti Dios impaayna ti biag cadagiti isu-amin a nakipaglayag kenca.

25Gapuna, O lallaki, manginanamacayo; #Luc. 1:45. Rom. 4:20, 21. 2 Tim. 1:12.ta siac, mamatiac iti Dios a maaramidto cas ti naisao caniac.

26Ngem #D. Ara. 28:1.masapul a maisadsadtayo iti maysa a puro.

27Ket idi immay ti maicasangapulo ket uppat a rabii, idi agsublisublicam idiay taaw nga Adriatico, iti asideg ti tenga ti rabii dagidi marinero impapanda nga addada nga umasideg iti maysa a daga:

28Ket nagsondada, ket naammoanda a duapulo ngadpa ti caadalemna; ket idi madamdama bassit nagsondada manen ket naammoanda a sangapulo ket lima ngodpa.

29Ket agsipud ta amkenda ti maisadsad cadagiti cadilian imbabada iti cutit dagiti uppat nga sinepete a tartarigagayanda a bumigat.

30Ket dagidi marinero idi gayagayenda ti agtalaw iti barangay, nga imbabada ti #bil. 16.bote iti baybay, a pinagpambarda a cayatda nga ibaba dagiti sinepete iti masangoanan.

31Ni Pablo kinunana idi capitan ken cadagiti soldado: No dagitoy saanda nga agbati ditoy barangay, dicay mabalin ti maisalacan.

32Idin dagiti soldado pinugsatda dagidi tali ti bote ket binaybay-anda a simmina.

33Ket idi nangrugi a bimmigat, ni Pablo binagbagaanna ida amin tapno manganda, a cunana: Ita maicasangapulo ket uppat nga aldawen nga agur-uraycayo, nagituredcayo ti bisin nga awan a pulos ti kinnanyo.

34Gapuna, dawatec cadacayo nga agtaraoncayo; ta daytoy maipaay iti salun-atyo; ta awanto ti mapucaw #1 Ar. 1:52. Mat. 10:30. Luc. 12:7; 21:18.uray maysa man la coma a booc ti olo ti uray siasino cadacayo;

35Ket idi nasaona daytoy, nangala ti tinapay, ket #Mat. 15:36.nagyaman iti Dios iti sangoananda amin: ket pinisna, ket rinugianna ti nangan.

36Idin isuda amin bimmileg ti nakemda ket nagtaraonda met.

37Ket dagupmi amin a tao idi barangay, dua gasut pito pulo ket innem.

38Ket idi napnecda a nangan, pinalag-ananda di barangay nga intappuacda di trigo iti baybay.

39Ket idi bimmigaten, saanda nga ammo ti daga; ngem maammirisda idi ti maysa a sangladan nga adda cadaratanna, isu a nagnunumoanda, no mabalinda, a pangisadsadan idi barangay.

40Ket idi nga imbacalda dagidi sinepete, binaybay-anda ida idi baybay ket binucraanda met dagidi galot dagidi timon; ket idi nga ingngatoda iti angin daydi layag ti unaan, nagturongda iti igid.

41Ket idinto a nacagtengda iti maysa a disso a pagtumpungan ti dua nga ayus, #2 Cor. 11:25.insadsadda ti barangay: ket daydi una adda a saan a macagaraw, ngem daydi cutit mawarawara idi gapu iti pigsa dagidi dalluyon.

42Ket ti panggep dagidi soldado papatayenda dagidi balud, di la ket ta adda aglangoy cadacuada ken agtalawda.

43Ngem daydi capitan, agsipud ta cayatna, nga isalacan ni Pablo, pinawilanna ti gandatda ket imbilinna a dagiti macabalin nga aglangoy umunada a tumappuk ket sumang-atda iti daga.

44Ket dagiti dadduma agpatawda cadagiti tabla, ket dagiti sabsabali agpatawda cadagiti aruaten ti barangay. Ket casta ti naaramid a naisalacanda #bil. 22.amin a simmang-atda, iti daga.

Currently Selected:

DAGITI ARAMID 27: TB1973

Highlight

Compare

Copy