MGA SALMO 148
148
Ang Bug-os nga Tinuga Ginlaygayan sa Pagdayaw sa Ginoo
1Dayawa ninyo ang Ginoo!
Dayawa ninyo ang Ginoo kutub sa kalangitan,
dayawa sia sa mga kataasan!
2Dayawa ninyo sia, tanan nga iya manugtunda,
dayawa ninyo sia, tanan nga iya kasoldadosan!
3Dayawa ninyo sia, adlaw kag bulan,
dayawa sia, kamo tanan nga bitoon sang kapawa!
4Dayawa sia, kamo kalangitan sang kalangitan,
kag kamo nga mga tubig nga yara sa ibabaw sang kalangitan!
5Magdayaw sila sang ngalan sang Ginoo!
Kay nagsogo sia kag natuga sila.
6Gintukud man niya sila sa gihapon kag sa gihapon;
naghimo sia sing mando nga indi magtaliwan.
7Dayawa ang Ginoo kutub sa duta,
kamo nga mga gadya kag tanan nga kadadalman,
8kalayo kag hielo, nga daw bato, nieve kag alisngaw,
mamadlus nga hangin, nga nagatuman sang iya polong!
9Kabukiran kag tanan nga kabakoloran,
mabungahon nga kakahoyan kag tanan nga cedro!
10Mga kasapatan kag tanan nga kahayupan,
nagasaug nga mga butang kag nagalupad nga kapispisan!
11Mga hari sang duta kag tanan nga mga katawohan,
mga principe kag tanan nga hukom sang duta!
12Mga pamatan-on nga lalaki kag mga ulay,
mga tigulang nga lalaki kag mga bata!
13Magdayaw sila sang ngalan sang Ginoo,
kay ang iya ngalan lamang amo ang ginapakataas;
ang iya himaya yara sa ibabaw sang duta kag sang mga langit.
14Ginbayaw niya ang sungay sang iya katawohan,
ang pagdayaw sang tanan niyang balaan,
sang katawohan sang Israel nga malapit sa iya.
Dayawa ninyo ang Ginoo!
Currently Selected:
MGA SALMO 148: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
