MGA SALMO 135
135
Ang Pagkadaku sang Ginoo kag ang Pagkawalaypulus sang mga Diosdios
1Dayawon ninyo ang Ginoo.
Dayawa ninyo ang ngalan sang Ginoo,
dayawa sia, O kamo nga mga alagad sang Ginoo,
2kamo nga nagatindug sa balay sang Ginoo,
sa mga luwang sang balay sang amon Dios!
3Dayawa ninyo ang Ginoo, kay maayo ang Ginoo;
mag-amba sing mga pagdayaw sa iya ngalan, kay matahum ini!
4Kay ang Ginoo nagpili kay Jacob nga sa iya gid,
kay Israel nga iya kaugalingon.
5Kay nakilala ko nga ang Ginoo daku,
kag ang Ginoo naton labaw sa tanan nga dios.
6Ang bisan ano nga nahamut-an sang Ginoo ina nahimo niya,
sa langit kag sa duta,
sa kadagatan kag sa tanan nga kadadalman.
7Sia nagapatub-ok sang mga usbong gikan sa mga ukbung sang duta,
nga nagahimo sang mga kilat nga sa ulan
kag nagapagowa sang hangin gikan sa iya mga bahandian.
8Sia nagpatay sang mga panganay sang Egipto,
gikan sa tawo kag sa sapat;
9nga nagpadala sing mga tanda kag mga kalatingalahan
sa tunga mo, O Egipto,
kay Faraon kag sa tanan niyang alagad;
10nga naglaglag sing madamung pungsud
kag nagpatay sing mga hari nga gamhanan,
11kay Sihon nga hari sang mga Amornon,
kag kay Og nga hari sang Basan,
kag sang tanan nga ginharian sang Canaan,
12kag naghatag sang ila duta nga panublion,
panublion sa Israel nga iya katawohan.
13Ang imo ngalan, O Ginoo, nagapadayon sa gihapon,
ang imo handumanan nga ngalan, O Ginoo, sa bug-os sang tanan nga kaliwatan.
14Kay hukman sang Ginoo ang iya katawohan,
kag magmahinuklogon sa iya mga alagad.
15Ang mga diosdios sang mga pungsud pilak kag bulawan,
ang buhat sang mga kamut sang mga tawo.
16May mga baba sila, apang wala sila nagahambal,
may mga mata sila, apang indi makakita,
17may mga dulunggan sila, apang indi makabati,
kag wala sing ginhawa sa ila mga baba.
18Ang mga nagahimo sa ila manginkaangay sa ila!—
Hoo, ang tagsatagsa nga nagasalig sa ila!#Sal. 115:4-8; Bug. 9:20.
19O panimalay ni Israel, pakamaayoha ninyo ang Ginoo!
O panimalay ni Aaron, pakamaayoha ninyo ang Ginoo!
20O panimalay ni Levi, pakamaayoha ninyo ang Ginoo!
Kamo nga nagakahadluk sa Ginoo, pakamaayoha ninyo ang Ginoo!
21Pakamaayohon ang Ginoo gikan sa Sion,
nga nagapuyo sa Jerusalem!
Dayawa ninyo ang Ginoo!
Currently Selected:
MGA SALMO 135: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
