MGA SALMO 129
129
Pangamuyo nga Daugon ang mga Kaaway sang Sion
Ambahanon sa mga Pagtaklad.
1“Sa madamu nga tion ginpapiotan nila ako kutub sa akon pagkapamatan-on,”
ang Israel karon magsiling—
2“Sa madamu nga tion ginpapiotan nila ako kutub sa akon pagkapamatan-on,
apang wala sila maglandas batok sa akon.
3Ang mga manug-arado nag-arado sa akon likod;
ginpalawig nila ang ila mga idas.”
4Ang Ginoo matarung;
gin-utud niya ang mga lubid sang malauton.
5Pakahuy-an sila kag patalikdon
ang tanan nga nagadumut sa Sion!
6Manginsubong sila sang hilamon sa ibabaw sang atop,
nga nagakalaya sa wala pa magtubo,
7nga sa sini ang manuggalab wala nagapuno sang iya kamut
ukon sia nga nagabugkos sang mga linaylay sang iya sabak,
8kag ang mga nagalabay wala magsiling,
“Ang pagpakamaayo sang Ginoo manginsa inyo!
Ginapakamaayo namon kamo sa ngalan sang Ginoo!”
Currently Selected:
MGA SALMO 129: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
