MGA SALMO 124
124
Pagdayaw bangud sa Pagluwas gikan sa mga Kaaway
Ambahanon sa mga Pagtaklad. Salmo ni David.
1Kon wala kuntani ang Ginoo nga yara sa aton luyo,
ang Israel magsiling karon—
2kon wala kuntani ang Ginoo nga yara sa aton luyo,
sang nagtindug batok sa aton ang mga tawo,
3niyan kuntani nalamon nila kita sing buhi,
sang nagdabdab ang ila kasingkal batok sa aton;
4niyan kuntani ang mga tubig nagtabon sa aton,
kuntani ang ilig naglapaw sa aton kalag;
5niyan kuntani ang mga tubig nga bugalon
naglapaw sa aton kalag.
6Pakamaayohon ang Ginoo,
nga wala maghatag sa aton
subong nga inagaw sa ila mga ngipon!
7Ang aton kalag nakapalagyo subong sang pispis
gikan sa siod sang mga manugpamispis;
ang siod nabugto,
kag nakapalagyo kita.
8Ang aton bulig yara sa ngalan sang Ginoo,
nga naghimo sang langit kag duta.
Currently Selected:
MGA SALMO 124: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
