MGA SALMO 122
122
Pangamuyo tungud sa Paghidait sang Jerusalem
Ambahanon sa mga Pagtaklad. Salmo ni David.
1Nagkasadya ako sang nagsiling sila sa akon,
“Magkadto kita sa balay sang Ginoo!”
2Ang aton mga tiil nagatindug
sa sakup sang imo mga gawang, O Jerusalem!
3Jerusalem, nga ginpatindug
subong sang banwa nga nabilog sing tingub,
4diin nagataklad ang mga kabikahan,
ang mga kabikahan sang Ginoo,
nga sa pagsolondan tungud sa Israel,
sa pagpasalamat sa ngalan sang Ginoo.
5Kay didto napahamtang ang mga trono sa paghukom,
ang mga trono sang panimalay ni David.
6Pangamuyo tungud sa paghidait sang Jerusalem!
“Magauswag ang mga nagahigugma sa imo!
7Magmay paghidait sa sulud sang imo mga kuta,
kag kauswagan sa sulud sang imo mga palacio!”
8Tungud sa akon mga utud kag kaupdanan
magasiling ako karon, “Magmay paghidait sa sulud nimo!”
9Tungud sa balay sang Ginoo nga aton Dios,
magapangita ako sang kaayohan mo.
Currently Selected:
MGA SALMO 122: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
