MGA SALMO 118
118
Pagpasalamat bangud sa Kaluwasan sang Ginoo
1O magpasalamat sa Ginoo, kay maayo sia;
kay ang iya malig-on nga paghigugma nagapadayon sa gihapon!#1 Cron. 16:34; 2 Cron. 5:13; 7:3; Esd. 3:11; Sal. 100:5; 106:1; 107:1; 136:1; Jer. 33:11.
2Magsiling karon ang Israel,
“Ang iya malig-on nga paghigugma nagapadayon sa gihapon.”
3Magsiling karon ang panimalay ni Aaron,
“Ang iya malig-on nga paghigugma nagapadayon sa gihapon.”
4Magsiling karon ang mga nagakahadluk sa Ginoo,
“Ang iya malig-on nga paghigugma nagapadayon sa gihapon.”
5Gikan sa akon kasakitan nagpanawag ako sa Ginoo;
ang Ginoo nagsabat sa akon kag nagbutang sa akon sa malapad nga duug.
6Kaupud sang Ginoo sa akon luyo wala ako sing kahadluk.
Ano bala ang mahimo sang tawo sa akon?#Heb. 13:6.
7Ang Ginoo yari sa akon luyo sa pagbulig sa akon;
busa makita ko ang akon handum sa mga nagadumut sa akon.
8Maayo pa nga magdangup sa Ginoo
sang magsalig sa mga tawo.
9Maayo pa nga magdangup sa Ginoo
sang magsalig sa mga principe.
10Ang tanan nga pungsud naglikup sa akon;
sa ngalan sang Ginoo utdon ko sila!
11Ginlikupan, nila ako, ginlikupan nila ako;
sa ngalan sang Ginoo utdon ko sila!
12Ginlikupan nila ako kaangay sang mga putyokan,
ginapalong sila subong sang kalayo sang katonokan;
sa ngalan sang Ginoo utdon ko sila!
13Gintiklod mo ako sing tama, agud nga mapukan ako,
apang ang Ginoo nagtabang sa akon.
14Ang Ginoo kusug ko kag ambahanon;
sia nangin-akon kaluwasan.#Ex. 15:2; Isa. 12:2.
15Ang tingug sang kasadya kag kaluwasan
yara sa mga layanglayang sang mga matarung:
“Ang too sang Ginoo nagahimo sing maisganon,
16ang too nga kamut sang Ginoo ginabayaw,
ang too nga kamut sang Ginoo nagahimo sing maisganon!”
17Indi ako mapatay, kondi mabuhi,
kag magapahayag sang mga binuhatan sang Ginoo.
18Ginsilotan ako sing tama sang Ginoo,
apang wala niya ako pag-itugyan sa kamatayon.
19Buksi sa akon ang mga gawang sang pagkamatarung,
agud nga magasulud ako sa ila
kag magapasalamat ako sa Ginoo.
20Amo ini ang gawang sang Ginoo;
ang matarung magasulud sini.
21Magapasalamat ako sa imo kay ikaw nagsabat sa akon
kag nangin-akon kaluwasan.
22Ang bato nga ginsikway sang mga manunukud
nanginpangolo sang pamag-ang.#Luc. 20:17; Binu. 4:11; 1 Ped. 2:7.
23Ini buhat sang Ginoo;
makatilingala ini sa aton mga mata.#Mat. 21:42; Mar. 12:10-11.
24Amo ini ang adlaw nga ginhimo sang Ginoo;
kita magakalipay kag magakasadya sa sini.
25Luwasa kami, ginapakilooy namon sa imo, O Ginoo!
O Ginoo, nagapakilooy kami sa imo, padala karon sing kauswagan!#Mat. 21:9; Mar. 11:9; Juan 12:13.
26Bulahan ang nagakari sa ngalan sang Ginoo!#Mat. 21:9; 23:29; Mar. 11:9; Luc. 13:35; 19:38; Juan 12:13.
Kami nagpakamaayo sa imo gikan sa balay sang Ginoo.
27Ang Ginoo amo ang Dios,
kag sia naghatag sa aton sing kapawa.
Igaid sang mga lubid ang halad,
sa mga sungay sang halaran!
28Ikaw akon Dios, kag magapasalamat ako sa imo;
ikaw akon Dios, pakataason ko ikaw.
29O pasalamat sa Ginoo, kay maayo sia;
kay ang iya malig-on nga paghigugma nagapadayon sa gihapon!
Currently Selected:
MGA SALMO 118: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
