NUMEROS 17
17
Ang Sungkud ni Aaron
1Ang Ginoo nagsiling kay Moises, 2“Ipamolong sa katawohan sang Israel, kag kuha ka sa ila sing mga sungkud, isa sa tagsa ka baranggay, gikan sa tanan nilang principe sono sa ila mga kabaranggayan, napulog duha ka sungkud. Isulat mo ang ngalan sang tagsa ka tawo sa iya sungkud, 3kag isulat mo ang ngalan ni Aaron sa sungkud ni Levi. Kay mangin-isa lamang ka sungkud sa tagsa ka pangolo sang ila kabaranggayan. 4Niyan ibutang mo sila sa layanglayang nga tiliponan sa atubangan sang pagpamatuud, diin nagapakigkita ako sa inyo. 5Kag ang sungkud sang lalaki nga akon pilion magapanalingsing; sa amo pauntaton ko ang mga pagkumud sang katawohan sang Israel, nga ginkumud nila batok sa inyo.” 6Si Moises nagpamolong sa katawohan sang Israel; kag ang tanan nga mga principe nila naghatag sa iya sing mga sungkud, isa sa tagsa ka principe, sono sa ila mga kabaranggayan, napulog duha ka sungkud; kag ang sungkud ni Aaron yara sa tunga sang mga sungkud nila. 7Kag ginbutang ni Moises ang mga sungkud sa atubangan sang Ginoo sa layanglayang sang pagpamatuud.
8Kag sa adlaw nga madason nagsulud si Moises sa layanglayang sang pagpamatuud; kag yari karon, ang sungkud ni Aaron nga sa panimalay ni Levi nanalingsing kag nanglumbay, kag namulak, kag namunga sing mga almendra nga loto. 9Niyan gindala sa gowa ni Moises ang tanan nga mga sungkud gikan sa atubangan sang Ginoo sa tanan nga katawohan sang Israel; kag gintan-aw nila, kag ginkuha sang tagsa ka tawo ang iya sungkud. 10Kag ang Ginoo nagsiling kay Moises, “Iuli ang sungkud ni Aaron sa atubangan sang pagpamatuud,#Heb. 9:4. nga tipigan subong nga tanda batok sa mga anak nga malalison, agud nga mapauntat mo ang ila mga pagkumud batok sa akon, agud nga indi sila mapatay.” 11Amo ini ang ginhimo ni Moises; sono sa ginsogo sa iya sang Ginoo, amo ang ginhimo niya.
12Kag ang katawohan sang Israel nagsiling kay Moises, “Yari karon, nagakawala kami, tapus na kami, tapus na kami tanan. 13Ang tagsatagsa nga nagapalapit, nga nagapalapit sa kayangkayang sang Ginoo mapatay. Mawala bala kami tanan?”
Currently Selected:
NUMEROS 17: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
