NEHEMIAS 13
13
Ang mga Pagbalhin nga Nahimo ni Nehemias
1Sadtong adlaw nagbasa sila sa tolon-an ni Moises sa palamatin-an sang katawohan; kag didto nasapwan nga nasulat nga ang Amonhon kag ang Moabnon dili dapat magsulud sa pagtilipon sang Dios sing dayon; 2bangud nga wala nila pagsugataa ang mga anak sang Israel sing kalan-on kag tubig, kondi ginhinakayan si Balaan batok sa ila sa pagpakamalaut sa ila#Num. 22:1-6.—apang ang aton Dios nagbaylo sang pagpakamalaut sa pagpakamaayo.#Deut. 23:3-5. 3Sang pagkabati nila sang kasogoan, ginpain sa Israel ang tanan nga nagsalakut nga kadam-an.
4Karon sa una sini, si Eliasib nga sacerdote, nga gintangdo sa ibabaw sang mga hulut sang balay sang aton Dios, nga nagpakighimata kay Tobias, 5nag-aman kay Tobias sang dakung hulut nga ginbutangan nila sang mga halad-nga-kalan-on, sang incienso, sang mga gamit, kag sang mga ikapulo sang uyas, sang bag-ong alak, kag sang lana, nga ginhatag tungud sa sogo sa mga Levinhon, sa mga manug-amba, kag sa mga manugbantay sang gawang, kag sang halad-nga-binayaw nga sa mga sacerdote. 6Apang sa bug-os sining tion wala ako sa Jerusalem, kay sa tuig nga ikakatloan kag duha ni Artajerjes nga hari sang Babilonia nagkadto ako sa hari. Kag sa tapus ang pila ka adlaw nagpangayo ako sing pahanugut sa hari, 7kag nag-abut ako sa Jerusalem, kag nakahangup sang malaut nga ginhimo ni Eliasib tungud kay Tobias, sa pag-aman sa iya sing hulut sa mga luwang sang balay sang Dios. 8Kag naakig ako sing tama, busa ginpanghaboy ko ang tanan nga kasangkapan sang balay ni Tobias gikan sa hulut. 9Niyan nagsogo ako kag gintinloan nila ang mga hulut; kag ginsulud ko didto liwat ang mga gamit sang balay sang Dios, pati sang mga halad-nga-kalan-on kag sang incienso.
10Nahantupan ko nga ang mga bahin sang mga Levinhon#Deut. 12:19. wala mahatag sa ila; sa bagay nga ang mga Levinhon kag ang mga manug-amba, nga naghimo sang buluhaton, nagpalagyo ang tagsatagsa pakadto sa iya latagon. 11Gani nagpakigsuay ako sa mga manugdumala, kag nagsiling, “Ngaa bala nga ang balay sang Dios ginpatumbayaan?” Kag gintipon ko sila sing tingub, kag ginpahamtang sila sa ila duug. 12Niyan ang bug-os nga Juda nagdala sa mga bahandian sang ikapulo sang uyas, sang bag-ong alak, kag sang lana.#Mal. 3:10. 13Kag naghimo ako sing mga manugtipig sang mga bahandian si Selemias nga sacerdote, si Sadoc nga escriba, kag si Pedaya gikan sa mga Levinhon, kag madason sa ila si Hanan nga lalaking anak ni Zacur, lalaking anak ni Matanias, kay ini sila ginpakamatutum; kag ang ila hilikuton amo ang pagpanagtag sa ila mga utud. 14Dumduma ako, O Dios ko, nahanungud sini, kag indi pagpanasa ang akon maayo nga mga buhat nga nahimo ko sa balay sang akon Dios kag sa iya mga tulumanon.
15Sa sadtong mga adlaw nakita ko sa Juda ang pila ka tawo nga nagalinas sa mga linasan sang uvas sa adlaw nga inugpahuway, kag nagatipon sing mga linaylay kag ginapakulo sa mga asno; subong man ang alak, ang mga uvas, ang mga igos, kag ang tanan nga bagay sang mga lulan, nga ginpasulud nila sa Jerusalem sa adlaw nga inugpahuway;#Ex. 20:8-10; Deut. 5:12-14; Jer. 17:21-22. kag nagpamatuud ako batok sa ila sa adlaw nga nagbaligya sila sing kalan-on. 16May nagpuyo man sa sulud nga mga tawo sang Tiro, nga nagdala sing isda kag sang tanan nga inugbaligya kag nagbaligya sa adlaw nga inugpahuway sa katawohan sang Juda, kag sa Jerusalem. 17Niyan nagpakigsuay ako sa mga dungganon sang Juda kag nagsiling sa ila, “Ano bala ining malaut nga butang nga inyo ginahimo, nga ginapasipalahan ang adlaw nga inugpahuway? 18Wala bala maghimo ang inyo mga ginikanan sing subong sini, kag wala bala magdala ang aton Dios sini tanan nga malaut sa aton kag sa sining banwa? Apang nagadala kamo sing labi pa nga kasingkal sa Israel tungud sa pagpasipala sang adlaw nga inugpahuway.”
19Sang nag-amat sa dulum sa mga gawang sang Jerusalem sa wala pa ang adlaw nga inugpahuway, nagsogo ako nga takpan ang mga ganhaan, kag nagsogo nga indi sila pagbuksan tubtub nga lumigad ang adlaw nga inugpahuway. Kag ginbutang ko sa mga gawang ang pila sang akon mga alagad, nga walay pasudlon nga lulan sa adlaw nga inugpahuway. 20Niyan ang mga manugpatikang kag mga manugbaligya sang tanan nga sari sang mga inugbaligya nagdayon sa gowa sang Jerusalem sa makaisa ukon makaduha. 21Apang nagpamatuud ako batok sa ila kag nagsiling sa ila, “Ngaa bala nagadayon kamo sa palibut sang kuta? Kon buhaton ninyo ini liwat dakpon ko kamo.” Kutub sadtong tion wala na sila mag-abut sa adlaw nga inugpahuway. 22Kag nagsogo ako sa mga Levinhon nga magpaninlo sila kag nga magkari sila kag magbantay sang mga gawang, sa pagpakabalaan sang adlaw nga inugpahuway. Dumduma sa akon, O Dios ko, ini man kag pasayloha ako sono sa pagkadaku sang imo malig-on nga paghigugma.
23Sa sadto man nga mga adlaw nakita ko ang mga Judio nga nakapangasawa sing mga babayi gikan sa Asdod, gikan sa Amon, kag gikan sa Moab; 24kag ang ila mga anak nagpamolong sing alang-alang sa hambal sang Asdod, kag indi makahambal sing hinudio, kondi sono sa hambal sang tagsa ka katawohan. 25Kag nagpakigsuay ako sa ila kag ginpakamalaut sila kag ginbunal ang iban sa ila kag gingabut ang ila bohok; kag ginpasumpa sila tungud sa Dios, nga nagasiling, “Dili ninyo pag-ihatag ang inyo mga anak nga babayi sa ila mga anak nga lalaki, ukon magkuha sang ila mga anak nga babayi nga sa inyo mga anak nga lalaki, ukon sa inyo kaugalingon.#Ex. 34:11-16; Deut. 7:1-5. 26Wala bala makasala tungud sining mga butang si Salomon nga hari sang Israel? Sa madamung pungsud walay hari nga kaangay sa iya, kag hinigugma sia sang iya Dios,#2 Sam. 12:24-25. kag ginhimo sia sang Dios nga hari sa bug-os nga Israel; walay sapayan bisan sia ginpapakasala sang mga babayi nga dumuloong.#1 Hari 11:1-8. 27Niyan magapamati bala kami sa inyo sa paghimo sini tanan nga daku nga malaut sa paglapas batok sa aton Dios sa pagpangasawa sing mga babayi nga dumuloong?”
28Kag ang isa sang mga lalaking anak ni Joiada nga lalaking anak ni Eliasib nga pinakamataas nga sacerdote, umagad ni Sanbalat#Neh. 4:1. nga Horonhon; busa gintabog ko sia gikan sa akon. 29Dumduma sila, O Dios ko, bangud nga gindagtaan nila ang pagkasacerdote kag ang katipan sang pagkasacerdote kag sang mga Levinhon.
30Sa sini gintinloan ko sila gikan sa tanan nga dumuloong, kag nagtangdo sing mga tinulin sang mga sacerdote kag sang mga Levinhon, ang tagsatagsa sa iya buluhaton; 31kag nga sa gatong-sa-paghalad, sa mga tion nga pinat-ud, kag nga sa nahaunang mga bunga. Dumduma ako, O Dios ko, nga sa kaayohan.
Currently Selected:
NEHEMIAS 13: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society