JOSUE 23
23
Ang Tulin ni Josue sa Katawohan
1Sa tapus ang madamu nga mga adlaw, sang nakahatag ang Ginoo sing kapahuwayan sa Israel gikan sa tanan niya nga mga kaaway palibut, kag si Josue tigulang na kag sobol sa panuigon, 2ginpatawag ni Josue ang bug-os nga Israel, ang ila mga tigulang kag ang ila mga pangolo, ang ila mga hukom kag ang ila mga manugdumala, kag nagsiling sa ila, “Ako tigulang na kag sobol sa panuigon; 3kag nakakita kamo sang tanan nga nahimo sang Ginoo nga inyo Dios sa sini tanan nga pungsud bangud sa inyo, kay ang Ginoo nga inyo Dios amo ang nagpakig-away tungud sa inyo. 4Yari karon, nabahinbahin ko sa inyo sa papalad ini nga mga pungsud nga nabilin, nga panublion nga sa inyo mga kabikahan, kutub sa Jordan pati ang tanan nga pungsud nga ginlaglag ko tubtub sa Daku nga Dagat nayon sa katundan. 5Ang Ginoo nga inyo Dios magasobol sa ila gikan sa atubangan ninyo, kag magatabog sa ila gikan sa itololok ninyo; kag kamo magatag-iya sang ila duta, sono sa ginpamolong sa inyo sang Ginoo nga inyo Dios. 6Busa magpakaisug gid kamo sa pagbantay kag sa paghimo sang tanan nga nasulat sa tolon-an sang kasogoan ni Moises, nga dili kamo maglipas gikan sini sa too ukon sa wala, 7nga dili kamo magsimpon sa sini nga mga pungsud nga nabilin sa tunga ninyo, kag dili kamo magsambit sang ngalan sang ila mga dios, ukon magpasumpa tungud sa ila, ukon mag-alagad sa ila, ukon magyaub kamo sa ila, 8kondi magtapik sa Ginoo nga inyo Dios subong sang nahimo ninyo tubtub sini nga adlaw. 9Kay gintabog sang Ginoo gikan sa atubangan ninyo ang dalagku kag makusug nga mga pungsud; apang nahanungud sa inyo, wala sing tawo nga nakatindug sa atubangan ninyo tubtub sini nga adlaw. 10Isa ka tawo sa inyo magalagas sing isa ka libo,#Deut. 32:30. kay ang Ginoo nga inyo Dios amo ang nagapakig-away tungud sa inyo,#Deut. 3:22. sono sa ginpamolong niya sa inyo. 11Busa andami ninyo sing maayo ang inyo kaugalingon, nga higugmaon ninyo ang Ginoo nga inyo Dios. 12Kag kon magbalik kamo, kag magtapik sini nga nabilin nga mga pungsud nga nabilin sa tunga ninyo, kag magpangasawa sa ila, kag maghiusa sa ila kag sila sa inyo, 13kilalaha ninyo sing totoo nga ang Ginoo nga inyo Dios indi na magtabog sini nga mga pungsud gikan sa itololok ninyo; kondi sila manginsiod kag mangintiglapak sa inyo, manginhanut sa inyo mga kilid, kag mangintunuk sa inyo mga mata, tubtub nga mawala kamo sa sini nga maayo nga duta nga ginhatag sa inyo sang Ginoo nga inyo Dios.
14“Kag karon sa sini nga adlaw nagalakat ako sa dalanon sang bug-os nga duta, kag nakahibalo kamo sa bug-os ninyo nga mga tagiposoon kag sa bug-os ninyo nga mga kalag, nga wala sing isa ka butang nga nakulang sa tanan nga butang nga maayo nga ginpamolong nahanungud sa inyo sang Ginoo nga inyo Dios; ang tanan nahanabu sa inyo, wala sing isa ka butang nga nakulang sa ila. 15Apang subong nga nag-abut sa inyo ang tanan nga butang nga maayo nga ginpamolong sa inyo sang Ginoo nga inyo Dios, sa amo dalhon sang Ginoo sa inyo ang tanan nga butang nga malaut, tubtub nga malaglag niya kamo sa sini nga duta nga maayo nga ginhatag sa inyo sang Ginoo nga inyo Dios, 16kon maglapas kamo sang katipan sang Ginoo nga inyo Dios, nga iya ginsogo sa inyo, kag magkadto kamo kag mag-alagad sa iban nga mga dios kag magyaub kamo sa ila. Niyan ang kaakig sang Ginoo magadabdab batok sa inyo, kag mawala kamo sing madali sa duta nga maayo nga ginhatag niya sa inyo.”
Currently Selected:
JOSUE 23: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
JOSUE 23
23
Ang Tulin ni Josue sa Katawohan
1Sa tapus ang madamu nga mga adlaw, sang nakahatag ang Ginoo sing kapahuwayan sa Israel gikan sa tanan niya nga mga kaaway palibut, kag si Josue tigulang na kag sobol sa panuigon, 2ginpatawag ni Josue ang bug-os nga Israel, ang ila mga tigulang kag ang ila mga pangolo, ang ila mga hukom kag ang ila mga manugdumala, kag nagsiling sa ila, “Ako tigulang na kag sobol sa panuigon; 3kag nakakita kamo sang tanan nga nahimo sang Ginoo nga inyo Dios sa sini tanan nga pungsud bangud sa inyo, kay ang Ginoo nga inyo Dios amo ang nagpakig-away tungud sa inyo. 4Yari karon, nabahinbahin ko sa inyo sa papalad ini nga mga pungsud nga nabilin, nga panublion nga sa inyo mga kabikahan, kutub sa Jordan pati ang tanan nga pungsud nga ginlaglag ko tubtub sa Daku nga Dagat nayon sa katundan. 5Ang Ginoo nga inyo Dios magasobol sa ila gikan sa atubangan ninyo, kag magatabog sa ila gikan sa itololok ninyo; kag kamo magatag-iya sang ila duta, sono sa ginpamolong sa inyo sang Ginoo nga inyo Dios. 6Busa magpakaisug gid kamo sa pagbantay kag sa paghimo sang tanan nga nasulat sa tolon-an sang kasogoan ni Moises, nga dili kamo maglipas gikan sini sa too ukon sa wala, 7nga dili kamo magsimpon sa sini nga mga pungsud nga nabilin sa tunga ninyo, kag dili kamo magsambit sang ngalan sang ila mga dios, ukon magpasumpa tungud sa ila, ukon mag-alagad sa ila, ukon magyaub kamo sa ila, 8kondi magtapik sa Ginoo nga inyo Dios subong sang nahimo ninyo tubtub sini nga adlaw. 9Kay gintabog sang Ginoo gikan sa atubangan ninyo ang dalagku kag makusug nga mga pungsud; apang nahanungud sa inyo, wala sing tawo nga nakatindug sa atubangan ninyo tubtub sini nga adlaw. 10Isa ka tawo sa inyo magalagas sing isa ka libo,#Deut. 32:30. kay ang Ginoo nga inyo Dios amo ang nagapakig-away tungud sa inyo,#Deut. 3:22. sono sa ginpamolong niya sa inyo. 11Busa andami ninyo sing maayo ang inyo kaugalingon, nga higugmaon ninyo ang Ginoo nga inyo Dios. 12Kag kon magbalik kamo, kag magtapik sini nga nabilin nga mga pungsud nga nabilin sa tunga ninyo, kag magpangasawa sa ila, kag maghiusa sa ila kag sila sa inyo, 13kilalaha ninyo sing totoo nga ang Ginoo nga inyo Dios indi na magtabog sini nga mga pungsud gikan sa itololok ninyo; kondi sila manginsiod kag mangintiglapak sa inyo, manginhanut sa inyo mga kilid, kag mangintunuk sa inyo mga mata, tubtub nga mawala kamo sa sini nga maayo nga duta nga ginhatag sa inyo sang Ginoo nga inyo Dios.
14“Kag karon sa sini nga adlaw nagalakat ako sa dalanon sang bug-os nga duta, kag nakahibalo kamo sa bug-os ninyo nga mga tagiposoon kag sa bug-os ninyo nga mga kalag, nga wala sing isa ka butang nga nakulang sa tanan nga butang nga maayo nga ginpamolong nahanungud sa inyo sang Ginoo nga inyo Dios; ang tanan nahanabu sa inyo, wala sing isa ka butang nga nakulang sa ila. 15Apang subong nga nag-abut sa inyo ang tanan nga butang nga maayo nga ginpamolong sa inyo sang Ginoo nga inyo Dios, sa amo dalhon sang Ginoo sa inyo ang tanan nga butang nga malaut, tubtub nga malaglag niya kamo sa sini nga duta nga maayo nga ginhatag sa inyo sang Ginoo nga inyo Dios, 16kon maglapas kamo sang katipan sang Ginoo nga inyo Dios, nga iya ginsogo sa inyo, kag magkadto kamo kag mag-alagad sa iban nga mga dios kag magyaub kamo sa ila. Niyan ang kaakig sang Ginoo magadabdab batok sa inyo, kag mawala kamo sing madali sa duta nga maayo nga ginhatag niya sa inyo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society