JOSUE 22
22
Ang Halaran sa Ubay sang Jordan
1Niyan gintawag ni Josue ang mga Rubenhon, kag ang mga Gadhanon, kag ang katunga nga kabikahan ni Manases, 2kag nagsiling sa ila, “Kamo nagbantay sang tanan nga ginsogo sa inyo ni Moises nga alagad sang Ginoo, kag ginpamatian ninyo ang akon tingug sa tanan nga akon ginsogo sa inyo;#Num. 32:20-32; Jos. 1:12-15. 3wala ninyo pagbayai ang inyo mga utud sa sining malawig nga mga adlaw tutub sa sining adlaw, kondi nga ginbantayan ninyo ang tinuli sang sogo sang Ginoo nga inyo Dios. 4Kag karon ang Ginoo nga inyo Dios naghatag sing kapahuwayan sa inyo mga utud, sono sa iya ginpamolong sa ila; busa karon balik kamo kag pauli sa inyo mga layanglayang sa duta nga inyo kaugalingon, nga ginhatag sa inyo sa tabok sang Jordan ni Moises nga alagad sang Ginoo. 5Andami ninyo sing makugihon sa paghimo sang sogo kag sang kasogoan nga ginsogo sa inyo ni Moises nga alagad sang Ginoo sa paghigugma sa Ginoo nga inyo Dios, kag sa paglakat sa tanan niyang dalanon, kag sa pagbantay sang iya mga sogo, kag sa pagtapik sa iya, kag sa pag-alagad sa iya sa bug-os ninyong tagiposoon kag sa bug-os ninyong kalag.” 6Gani ginpakamaayo sila ni Josue, kag ginpalakat sila; kag nagpauli sila sa ila mga layanglayang.
7Karon sa katunga nga kabikahan ni Manases naghatag si Moises sing panublion sa Basan; apang sa isa ka katunga naghatag si Josue sa tunga sang ila mga utud sa tabok sang Jordan nayon sa katundan. Labut pa sang ginpapauli sila ni Josue sa ila mga layanglayang, ginpakamaayo niya sila, 8kag nagsiling sa ila, “Pauli kamo sa inyo mga layanglayang nga may madamung manggad, kag madamu gid nga kahayupan, nga may pilak, bulawan, saway, kag salsalon, kag madamu gid nga mga panapton; bahinbahina ninyo ang inagaw gikan sa inyo mga kaaway sa inyo kauturan.” 9Gani ang mga anak ni Ruben kag ang mga anak ni Gad kag katunga nga kabikahan ni Manases nagpauli, nga nagtaliwan gikan sa katawohan sang Israel sa Silo, nga yara sa duta sang Canaan, sa pagkadto sa duta sang Galaad, sa duta nga ila kaugalingon nga ginpanag-iyahan nila, sono sa sogo sang Ginoo paagi kay Moises.
10Kag sang nag-abut sila sa ginsakpan sang Jordan, nga yara sa duta sang Canaan, ang mga anak ni Ruben kag ang mga anak ni Gad kag ang katunga nga kabikahan ni Manases nagpatindug didto sing halaran sa ubay sang Jordan, daku nga halaran nga tolokon. 11Kag ang katawohan sang Israel nakabati nga ginasiling, “Yari karon, ang mga anak ni Ruben kag ang mga anak ni Gad kag ang katunga nga kabikahan ni Manases nagpatindug sing isa ka halaran sa tampad sang duta sang Canaan, sa ginsakpan sang Jordan, sa tabok nga iya sang katawohan sang Israel.” 12Kag sang nakabati sini ang katawohan sang Israel, nagtipon ang bug-os nga katilingban sang katawohan sang Israel sa Silo, sa pagtaklad sa pagpakig-away batok sa ila.
13Niyan ang katawohan sang Israel nagpadala sa mga anak ni Ruben kag sa mga anak ni Gad kag sa katunga nga kabikahan ni Manases, sa duta sang Galaad, kay Finees nga anak ni Eleazar nga sacerdote, 14kag sang napulo ka principe kaupud niya, isa ka principe sa tagsa ka baranggay sa tagsa ka kabikahan sang Israel, ang tagsa sa ila pangolo sang kabaranggayan sang mga linibo sang Israel. 15Kag nag-abut sila sa mga anak ni Ruben, sa mga anak ni Gad, kag sa katunga nga kabikahan ni Manases sa duta sang Galaad, kag nagsiling sila sa ila, 16“Amo ini ang ginasiling sang bug-os nga katilingban sang Ginoo, ‘Ano bala nga paglapas ining ginhimo ninyo batok sa Dios sang Israel sa pagtalikod sining adlaw sa pagsonod sa Ginoo, nga nagpatindug kamo sa inyo sing halaran sa pagbato sining adlaw sa Ginoo?#Deut. 12:6. 17Diotay pa bala katama sa aton ang kalautan sang Peor nga wala pa kita makapaininlo sang aton kaugalingon gikan sini tubtub sining adlaw, bisan nag-abut ang kalamatay sa katilingban sang Ginoo,#Num. 25:1-9. 18nga kinahanglan kamo magtalikod sining adlaw sa pagsonod sa Ginoo? Kag kon nagabato kamo karon nga adlaw sa Ginoo buwas maakig sia batok sa bug-os nga katilingban sang Israel. 19Busa, kon ang duta nga inyo kaugalingon dimatinlo, niyan tabok kamo sa duta nga kaugalingon sang Ginoo diin nahamtang ang kayangkayang sang Ginoo, kag magpanag-iya kamo sa tunga namon; apang dili kamo magbato sa Ginoo, ukon magbato sa amon, sa pagpatindug sa inyo sing halaran luwas sang halaran sang Ginoo nga aton Dios. 20Wala bala makalapas si Acan nga anak ni Zera sa napahanungud nga butang, kag nag-abut ang kaakig sa bug-os nga katilingban sang Israel? Kag yadtong tawo wala mawala nga isa lamang sa iya kalautan.’”#Jos. 7:1-26.
21Niyan ang mga anak ni Ruben, ang mga anak ni Gad kag ang katunga nga kabikahan ni Manases nagsabat kag nagpamolong sa mga pangolo sang mga linibo sang Israel, 22“Ang Makagagahum, ang Dios, ang Ginoo! Ang Makagagahum, ang Dios, ang Ginoo! Sia nakahibalo, kag makahibalo ang Israel! Kon ini pagbato ukon paglapas batok sa Ginoo, indi mo kami pagluwason sini nga adlaw 23sa amon pagpatindug sing halaran sa pagtalikod sa pagsonod sa Ginoo; ukon sa paghalad sing mga halad-nga-sinonog ukon halad-nga-kalan-on ukon sa pagdolot sa sini sing mga halad sang mga halad-sa-paghidait, timalusan ini sang Ginoo. 24Indi, kondi ginhimo namon ini sa pag-andam, kag sa katuyoan, nga sa tion nga palaabuton basi ang inyo mga anak magsiling sa amon mga anak, ‘Ano bala ang labut ninyo sa Ginoo, ang Dios sang Israel? 25Kay ang Ginoo naghimo sang Jordan nga dulunan namon kag ninyo, kamo nga mga anak ni Ruben kag mga anak ni Gad; wala kamo sing bahin sa Ginoo.’ Gani basi nga ang inyo mga anak magpauntat sang amon mga anak sa pagkahadluk sa Ginoo. 26Busa nagsiling kami, ‘Mag-aman kita karon sa pagpatindug sing halaran, indi nga sa halad-nga-sinonog, ukon sa halad, 27kondi ini manginsaksi sa tunga namon kag ninyo, kag sa tunga sang aton mga kaliwatan sa olihi naton, nga nagahimo kami sang pag-alagad sa Ginoo sa atubangan niya upud sang amon mga halad-nga-sinonog kag mga halad kag mga halad-sa-paghidait; agud nga ang inyo mga anak indi magsiling sa amon mga anak sa tion nga palaabuton, “Kamo wala sing bahin sa Ginoo.’” 28Busa nagsiling kami, Kon magsiling sila sang amo sa amon ukon sa amon mga kaliwatan sa tion nga palaabuton, magasiling kami, ‘Tan-awa ninyo ang huwaran sang halaran sang Ginoo, nga ginhimo sang aton mga ginikanan, indi tungud sa halad-nga-sinonog, ukon sa halad, kondi ini saksi sa tunga namon kag ninyo.’ 29Malayo ini sa amon nga magbato kami sa Ginoo, kag magtalikod sining adlaw pagsonod sa Ginoo, sa pagpatindug sing halaran nga sa halad-nga-sinonog, sa halad-nga-kalan-on, ukon sa halad, luwas sang halaran sang Ginoo nga aton Dios nga yara sa atubangan sang iya kayangkayang!”
30Sang nakabati si Finees nga sacerdote kag ang mga principe sang katilingban, ang mga pangolo sang mga linibo sang Israel nga kaupud niya, sang mga polong nga ginpamolong sang mga anak ni Ruben kag sang mga anak ni Gad kag sang mga anak ni Manases, ini nagpahamuut sa ila sing maayo. 31Kag si Finees nga anak ni Eleazar nga sacerdote nagsiling sa mga anak ni Ruben kag sa mga anak ni Gad kag sa mga anak ni Manases, “Sining adlaw nahibaloan naton nga ang Ginoo yari sa tunga naton, bangud nga wala ninyo mahimo ining paglapas batok sa Ginoo; karon ginluwas ninyo ang katawohan sang Israel gikan sa kamut sang Ginoo.” 32Niyan si Finees nga anak ni Eleazar nga sacerdote, kag ang mga principe, nagpauli gikan sa mga anak ni Ruben kag gikan sa mga anak ni Gad sa duta sang Galaad pakadto sa duta sang Canaan, sa katawohan sang Israel, kag ginbalitaan sila. 33Kag ang butang nagpahamuut sang katawohan sang Israel; kag ang katawohan sang Israel nagpakamaayo sa Dios kag wala na sila magpamolong sa pagtaklad sa pagpakig-away sa ila, sa paglaglag sang duta nga ginapuy-an sang mga anak ni Ruben kag sang mga anak ni Gad. 34Ang mga anak ni Ruben kag ang mga anak ni Gad naghingalan sang halaran nga Ed;#22:34 Kon sayaron Saksi. “Kay,” nagsiling sila, “saksi ini sa tunga naton nga ang Ginoo Dios.”
Currently Selected:
JOSUE 22: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
JOSUE 22
22
Ang Halaran sa Ubay sang Jordan
1Niyan gintawag ni Josue ang mga Rubenhon, kag ang mga Gadhanon, kag ang katunga nga kabikahan ni Manases, 2kag nagsiling sa ila, “Kamo nagbantay sang tanan nga ginsogo sa inyo ni Moises nga alagad sang Ginoo, kag ginpamatian ninyo ang akon tingug sa tanan nga akon ginsogo sa inyo;#Num. 32:20-32; Jos. 1:12-15. 3wala ninyo pagbayai ang inyo mga utud sa sining malawig nga mga adlaw tutub sa sining adlaw, kondi nga ginbantayan ninyo ang tinuli sang sogo sang Ginoo nga inyo Dios. 4Kag karon ang Ginoo nga inyo Dios naghatag sing kapahuwayan sa inyo mga utud, sono sa iya ginpamolong sa ila; busa karon balik kamo kag pauli sa inyo mga layanglayang sa duta nga inyo kaugalingon, nga ginhatag sa inyo sa tabok sang Jordan ni Moises nga alagad sang Ginoo. 5Andami ninyo sing makugihon sa paghimo sang sogo kag sang kasogoan nga ginsogo sa inyo ni Moises nga alagad sang Ginoo sa paghigugma sa Ginoo nga inyo Dios, kag sa paglakat sa tanan niyang dalanon, kag sa pagbantay sang iya mga sogo, kag sa pagtapik sa iya, kag sa pag-alagad sa iya sa bug-os ninyong tagiposoon kag sa bug-os ninyong kalag.” 6Gani ginpakamaayo sila ni Josue, kag ginpalakat sila; kag nagpauli sila sa ila mga layanglayang.
7Karon sa katunga nga kabikahan ni Manases naghatag si Moises sing panublion sa Basan; apang sa isa ka katunga naghatag si Josue sa tunga sang ila mga utud sa tabok sang Jordan nayon sa katundan. Labut pa sang ginpapauli sila ni Josue sa ila mga layanglayang, ginpakamaayo niya sila, 8kag nagsiling sa ila, “Pauli kamo sa inyo mga layanglayang nga may madamung manggad, kag madamu gid nga kahayupan, nga may pilak, bulawan, saway, kag salsalon, kag madamu gid nga mga panapton; bahinbahina ninyo ang inagaw gikan sa inyo mga kaaway sa inyo kauturan.” 9Gani ang mga anak ni Ruben kag ang mga anak ni Gad kag katunga nga kabikahan ni Manases nagpauli, nga nagtaliwan gikan sa katawohan sang Israel sa Silo, nga yara sa duta sang Canaan, sa pagkadto sa duta sang Galaad, sa duta nga ila kaugalingon nga ginpanag-iyahan nila, sono sa sogo sang Ginoo paagi kay Moises.
10Kag sang nag-abut sila sa ginsakpan sang Jordan, nga yara sa duta sang Canaan, ang mga anak ni Ruben kag ang mga anak ni Gad kag ang katunga nga kabikahan ni Manases nagpatindug didto sing halaran sa ubay sang Jordan, daku nga halaran nga tolokon. 11Kag ang katawohan sang Israel nakabati nga ginasiling, “Yari karon, ang mga anak ni Ruben kag ang mga anak ni Gad kag ang katunga nga kabikahan ni Manases nagpatindug sing isa ka halaran sa tampad sang duta sang Canaan, sa ginsakpan sang Jordan, sa tabok nga iya sang katawohan sang Israel.” 12Kag sang nakabati sini ang katawohan sang Israel, nagtipon ang bug-os nga katilingban sang katawohan sang Israel sa Silo, sa pagtaklad sa pagpakig-away batok sa ila.
13Niyan ang katawohan sang Israel nagpadala sa mga anak ni Ruben kag sa mga anak ni Gad kag sa katunga nga kabikahan ni Manases, sa duta sang Galaad, kay Finees nga anak ni Eleazar nga sacerdote, 14kag sang napulo ka principe kaupud niya, isa ka principe sa tagsa ka baranggay sa tagsa ka kabikahan sang Israel, ang tagsa sa ila pangolo sang kabaranggayan sang mga linibo sang Israel. 15Kag nag-abut sila sa mga anak ni Ruben, sa mga anak ni Gad, kag sa katunga nga kabikahan ni Manases sa duta sang Galaad, kag nagsiling sila sa ila, 16“Amo ini ang ginasiling sang bug-os nga katilingban sang Ginoo, ‘Ano bala nga paglapas ining ginhimo ninyo batok sa Dios sang Israel sa pagtalikod sining adlaw sa pagsonod sa Ginoo, nga nagpatindug kamo sa inyo sing halaran sa pagbato sining adlaw sa Ginoo?#Deut. 12:6. 17Diotay pa bala katama sa aton ang kalautan sang Peor nga wala pa kita makapaininlo sang aton kaugalingon gikan sini tubtub sining adlaw, bisan nag-abut ang kalamatay sa katilingban sang Ginoo,#Num. 25:1-9. 18nga kinahanglan kamo magtalikod sining adlaw sa pagsonod sa Ginoo? Kag kon nagabato kamo karon nga adlaw sa Ginoo buwas maakig sia batok sa bug-os nga katilingban sang Israel. 19Busa, kon ang duta nga inyo kaugalingon dimatinlo, niyan tabok kamo sa duta nga kaugalingon sang Ginoo diin nahamtang ang kayangkayang sang Ginoo, kag magpanag-iya kamo sa tunga namon; apang dili kamo magbato sa Ginoo, ukon magbato sa amon, sa pagpatindug sa inyo sing halaran luwas sang halaran sang Ginoo nga aton Dios. 20Wala bala makalapas si Acan nga anak ni Zera sa napahanungud nga butang, kag nag-abut ang kaakig sa bug-os nga katilingban sang Israel? Kag yadtong tawo wala mawala nga isa lamang sa iya kalautan.’”#Jos. 7:1-26.
21Niyan ang mga anak ni Ruben, ang mga anak ni Gad kag ang katunga nga kabikahan ni Manases nagsabat kag nagpamolong sa mga pangolo sang mga linibo sang Israel, 22“Ang Makagagahum, ang Dios, ang Ginoo! Ang Makagagahum, ang Dios, ang Ginoo! Sia nakahibalo, kag makahibalo ang Israel! Kon ini pagbato ukon paglapas batok sa Ginoo, indi mo kami pagluwason sini nga adlaw 23sa amon pagpatindug sing halaran sa pagtalikod sa pagsonod sa Ginoo; ukon sa paghalad sing mga halad-nga-sinonog ukon halad-nga-kalan-on ukon sa pagdolot sa sini sing mga halad sang mga halad-sa-paghidait, timalusan ini sang Ginoo. 24Indi, kondi ginhimo namon ini sa pag-andam, kag sa katuyoan, nga sa tion nga palaabuton basi ang inyo mga anak magsiling sa amon mga anak, ‘Ano bala ang labut ninyo sa Ginoo, ang Dios sang Israel? 25Kay ang Ginoo naghimo sang Jordan nga dulunan namon kag ninyo, kamo nga mga anak ni Ruben kag mga anak ni Gad; wala kamo sing bahin sa Ginoo.’ Gani basi nga ang inyo mga anak magpauntat sang amon mga anak sa pagkahadluk sa Ginoo. 26Busa nagsiling kami, ‘Mag-aman kita karon sa pagpatindug sing halaran, indi nga sa halad-nga-sinonog, ukon sa halad, 27kondi ini manginsaksi sa tunga namon kag ninyo, kag sa tunga sang aton mga kaliwatan sa olihi naton, nga nagahimo kami sang pag-alagad sa Ginoo sa atubangan niya upud sang amon mga halad-nga-sinonog kag mga halad kag mga halad-sa-paghidait; agud nga ang inyo mga anak indi magsiling sa amon mga anak sa tion nga palaabuton, “Kamo wala sing bahin sa Ginoo.’” 28Busa nagsiling kami, Kon magsiling sila sang amo sa amon ukon sa amon mga kaliwatan sa tion nga palaabuton, magasiling kami, ‘Tan-awa ninyo ang huwaran sang halaran sang Ginoo, nga ginhimo sang aton mga ginikanan, indi tungud sa halad-nga-sinonog, ukon sa halad, kondi ini saksi sa tunga namon kag ninyo.’ 29Malayo ini sa amon nga magbato kami sa Ginoo, kag magtalikod sining adlaw pagsonod sa Ginoo, sa pagpatindug sing halaran nga sa halad-nga-sinonog, sa halad-nga-kalan-on, ukon sa halad, luwas sang halaran sang Ginoo nga aton Dios nga yara sa atubangan sang iya kayangkayang!”
30Sang nakabati si Finees nga sacerdote kag ang mga principe sang katilingban, ang mga pangolo sang mga linibo sang Israel nga kaupud niya, sang mga polong nga ginpamolong sang mga anak ni Ruben kag sang mga anak ni Gad kag sang mga anak ni Manases, ini nagpahamuut sa ila sing maayo. 31Kag si Finees nga anak ni Eleazar nga sacerdote nagsiling sa mga anak ni Ruben kag sa mga anak ni Gad kag sa mga anak ni Manases, “Sining adlaw nahibaloan naton nga ang Ginoo yari sa tunga naton, bangud nga wala ninyo mahimo ining paglapas batok sa Ginoo; karon ginluwas ninyo ang katawohan sang Israel gikan sa kamut sang Ginoo.” 32Niyan si Finees nga anak ni Eleazar nga sacerdote, kag ang mga principe, nagpauli gikan sa mga anak ni Ruben kag gikan sa mga anak ni Gad sa duta sang Galaad pakadto sa duta sang Canaan, sa katawohan sang Israel, kag ginbalitaan sila. 33Kag ang butang nagpahamuut sang katawohan sang Israel; kag ang katawohan sang Israel nagpakamaayo sa Dios kag wala na sila magpamolong sa pagtaklad sa pagpakig-away sa ila, sa paglaglag sang duta nga ginapuy-an sang mga anak ni Ruben kag sang mga anak ni Gad. 34Ang mga anak ni Ruben kag ang mga anak ni Gad naghingalan sang halaran nga Ed;#22:34 Kon sayaron Saksi. “Kay,” nagsiling sila, “saksi ini sa tunga naton nga ang Ginoo Dios.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society