ISAIAS 52
52
Ang Dios Nagaluwas sang Israel gikan sa Kabihagan
1Magmata, magmata,
suklub ka sang imo kusug, O Sion;
suklub ka sang imo mga bayo nga matahum,
O Jerusalem, ang banwa nga balaan;#Bug. 21:2, 27.
kay kutub karon indi na magsulud sa imo
ang dicircuncidado kag ang dimatinlo.
2Panuk-ap ka sang yab-ok, magtindug;
maglingkod sa imo trono, O Jerusalem;
panginpalus ka sa mga gapus sang imo liog,
O bihag nga babayi nga anak sang Sion.
3Kay amo ini ang ginasiling sang Ginoo: “Sa walay bisan ano ginbaligya kamo; kay sa walay cuarta gawaron kamo. 4Kay amo ini ang ginasiling sang Ginoong Dios: Ang akon katawohan nagdulhog sang una sa Egipto sa pagpanlugayaw didto, kag ang mga Asiriahanon nagpigus sa ila sa walay kabangdanan. 5Busa karon, ano bala ang akon ginahimo diri, nagasiling ang Ginoo, sa ginatan-aw nga ang akon katawohan ginakuha sa wala sing bisan ano? Ang mga nagagahum sa ila nagatiabaw, nagasiling ang Ginoo, kag sa dalayon ginapasipalahan ang akon ngalan sa bug-os nga adlaw.#Roma 2:24. 6Busa ang akon mga katawohan makakilala sang akon ngalan; busa makakilala sila sa sadto nga adlaw nga amo ako ang nagapamolong; yari karon, ako ini.”
7Daw ano katahum sa mga bukid
ang mga tiil sang nagadala sang maayong mga balita,
nga nagabantala sang paghidait,#Nah. 1:15; Roma 10:15; Efe. 6:15. nga nagadala sang maayong mga balita sang kaayohan,
nga nagabantala sang kaluwasan,
nga nagasiling sa Sion, “Ang imo Dios nagahari.”
8Ang tingug sang imo mga manugbantay, nagabayaw sila sang tingug,
sing tingub nagaamba sila;
kay makakita sila sa mata kag mata
kon ang Ginoo magbalik sa Sion.
9Magkalipay kamo sing tingub,
kamo nga mga nawagwag nga duug sang Jerusalem;
kay ginalipay sang Ginoo ang iya katawohan,
ginatubus niya ang Jerusalem.
10Ginhublasan sang Ginoo ang iya butkon nga balaan
sa mga mata sang tanan nga pungsud;
kag ang tanan nga ukbung sang duta nakakita
sang kaluwasan sang Dios naton.
11Halin kamo, halin kamo, gowa kamo gikan diri,
dili kamo magtandug sang butang nga dimatinlo;#2 Cor. 6:17.
gowa kamo gikan sa tunga niya, paninloi ang inyo kaugalingon,
kamo nga nagadala sang mga gamit sang Ginoo.
12Kay indi kamo maggowa sa dalidali,
kag indi kamo maglakat sa pagpalagyo,
kay ang Ginoo magauna sa inyo,
kag ang Dios sang Israel amo ang sa olihi ninyo.
Ang Pag-antus sang Alagad sang Ginoo
13Yari karon, ang akon alagad magauswag,
pakataason sia kag bayawon,
kag manginmataas gid.
14Kaangay sa madamu nga nagkatingala sa imo—
ang iya nawung nasamaran sing tama, labi pa sa bisan kay sin-ong tawo,
kag ang iya dagway labi pa sa mga anak sang mga tawo—
15sa amo makibut niya ang madamung pungsud;
ang mga hari magakium sang ila mga baba bangud sa iya;
kay ang wala sa ila masugid makita nila,
kag ang wala nila mabatii mahangpan nila.#Roma 15:21.
Currently Selected:
ISAIAS 52: ABHIL82
Highlight
Share
Compare
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
