OSEAS 1
1
Ang Dimatutum nga Asawa kag mga Anak ni Oseas
1Ang polong sang Ginoo nga nag-abut kay Oseas nga anak ni Beri, sa mga adlaw ni Uzias,#2 Hari 15:1-7; 2 Cron. 26:1-23. ni Jotam,#2 Hari 15:32-38; 2 Cron. 27:1-8. ni Acas,#2 Hari 16:1-20; 2 Cron. 28:1-27. kag Ni Ezequias,#2 Hari 18:1–20:21; 2 Cron. 29:1–32:33. ang mga hari sang Juda, kag sa mga adlaw ni Jeroboam#2 Hari 14:23-29. nga anak ni Joas, ang hari sa Israel.
2Sang pagpamolong sang Ginoo kay Oseas sing una, ang Ginoo nagsiling kay Oseas, “Lakat, pangasawa ka gikan sa pagkamakihilawason kag mga anak sang pagkamakihilawason, kay ang duta nagahimo sing daku nga pagkamakihilawason tungud sa pagbiya sa Ginoo.” 3Gani naglakat sia kag nagpangasawa kay Gomer nga anak ni Diblaim, kag nagpanamkon sia kag nag-anak sa iya sing lalaki.
4Kag nagsiling sa iya ang Ginoo, “Hingalani sia nga Jezreel; kay sa indi lamang madugay, kag akon timalusan ang dugo ni Jezreel sa panimalay ni Jehu,#2 Hari 10:11. kag pauntaton ko ang ginharian sang panimalay sang Israel. 5Kag sa sadtong adlaw, balion ko ang pana sang Israel sa nalupyakan sang Jezreel.”
6Nagpanamkon sia liwat kag nag-anak sing babayi. Kag ang Ginoo nagsiling sa iya, “Hingalani sia nga Lo-ruhama,#1:6 Kon sayoron Ang wala nakaagum sing kalooy. kay indi na gid ako magkalooy sa panimalay sang Israel, nga patawaron ko pa sila sa bisan anong bagay. 7Apang magakalooy ako sa panimalay sang Juda, kag luwason ko sila tungud sa Ginoo nga ila Dios; indi magluwas sa ila tungud sa pana, ukon sa espada, ukon sa inaway, ukon sa mga kabayo, ukon sa mga manugkabayo.”
8Karon sang nalutas niya si Lo-ruhama, nagpanamkon sia kag nag-anak sing lalaki. 9Kag ang Ginoo nagsiling, “Hingalani sia nga Lo-ami,#1:9 Kon sayoron Indi akon katawohan. kay kamo indi akon katawohan kag ako indi mangin-inyo Dios.”
10Wala sing sapayan ang kadamuon sang katawohan sang Israel manginsubong sang balas sang dagat, nga indi masukub ukon maisip; kag sa diin ginsiling sa ila, “Indi kamo akon katawohan,” isiling sa ila, “Mga anak kamo sang Dios nga buhi.”#Roma 9:26. 11Kag ang katawohan sang Juda kag ang katawohan sang Israel tiponon sing tingub, kag magatangdo sa ila kaugalingon sing pangolo; kag magataklad gikan sa duta, kay mangindaku ang adlaw sang Jezreel.
Currently Selected:
OSEAS 1: ABHIL82
Highlight
Share
Compare
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
