EZEQUIEL 2
2
Ang Pagtawag kay Ezequiel
1Kag nagsiling sia sa akon, “Anak sang tawo, tindug ka, kag magapamolong ako sa imo.” 2Kag ang Espiritu nagsulud sa akon sang nagpamolong sia sa akon, kag nagpatindug sa akon; kag nabatian ko sia nga nagpamolong sa akon. 3Kag nagsiling sia sa akon, “Anak sang tawo, ginapadala ko ikaw sa katawohan sang Israel, sa mga pungsud nga mabinatoon, nga nagbato sa akon; sila kag ang ila mga ginikanan naglalis sa akon tubtub gid sining adlaw. 4Ang katawohan lampingasan kag matig-a sing tagiposoon: ginapadala ko ikaw sa ila; kag isiling mo sa ila, ‘Amo ining ginasiling sang Ginoong Dios.’ 5Kag kon magpamati sila ukon indi (kay sila panimalay nga mabinatoon) magakilala sila nga may manalagna sa tunga nila. 6Kag ikaw, anak sang tawo, dili magkahadluk sa ila, ukon magkahadluk sa ila mga polong, bisan ang mga sapinit kag mga talongon yara sa imo kag nagapuyo ka sa mga iwiiwi; dili magkahadluk sa ila mga polong ukon magkahangawa sa ila mga panolok, kay panimalay sila nga mabinatoon. 7Kag ipamolong mo sa ila ang akon mga polong, kon magpamati sila ukon indi; kay mabinatoon gid sila.
8“Apang ikaw, anak sang tawo, pamatii ang isiling ko sa imo; dili ka magmabinatoon kaangay sinang panimalay nga mabinatoon; ngangaha ang imo baba, kag kaona ang ihatag ko sa imo.” 9Kag sang nagtolok ako, yari karon, ang isa ka kamut nauntay sa akon, kag, yari karon, isa ka linukut nga tolon-an yara sa iya; 10kag ginhumlad niya ini sa atubangan nakon; kag nasulatan ini sa sulud kag sa gowa,#Bug. 5:1. kag may nasulat sa sini nga mga panalabiton kag paglalaw kag pagkakailo.
Currently Selected:
EZEQUIEL 2: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society