EZEQUIEL 15
15
Ang Jerusalem Kaangay sa Walay Pulus nga Balagon nga Uvas
1Kag nag-abut sa akon ang polong sang Ginoo: 2“Anak sang tawo, ano bala ang balagon nga uvas labi pa sa bisan anong kahoy, ang balagon nga sanga nga yara sa tunga sang mga kahoy sang talon? 3Magakuha bala sa iya sing kahoy sa paghimo sing bisan anong buluhaton? Magakuha bala ang mga tawo sa iya sing palpal nga sab-itan sang bisan anong suludlan? 4Yari karon, ginagatong ini sa kalayo; ang kalayo nag-upud sang duha ka ukbung sini, kag ang tunga sini nasonog, mapuslanon bala ini sa bisan anong buluhaton? 5Yari karon, sang bilog pa ini, indi magamit sa ano nga buluhaton; daw ano ka kubus pa gid, kon nalamon ini sang kalayo kag masonog, magamit pa bala ini sa bisan anong buluhaton! 6Busa amo ini ang ginasiling sang Ginoong Dios: Subong sang kahoy sang balagon sa tunga sang mga kahoy sang talon, nga ginagatong ko sa kalayo, sa amo ihatag ko ang mga pumuluyo sang Jerusalem. 7Kag ituhoy ko ang akon nawung batok sa ila; magagowa sila sa kalayo, apang ang kalayo magalamon sa ila; kag makilala ninyo nga Ako amo ang Ginoo, kon ituhoy ko ang akon nawung batok sa ila. 8Kag pamingawon ko ang duta, bangud nga naglapas sila, nagasiling ang Ginoong Dios.”
Currently Selected:
EZEQUIEL 15: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
