EXODO 15
15
Ang Ambahanon ni Moises kag ni Miriam
1Niyan si Moises kag ang katawohan sang Israel nag ambahan sining ambahanon#Bug. 15:3. sa Ginoo, nga nagasiling,
“Magaamba ako sa Ginoo, kay nagdaug sia sing mahimayaon;
gintagbong niya sa dagat ang kabayo kag ang iya manugsakay.
2Ang Ginoo akon kusug kag ambahanon,
kag sia nangin-akon kaluwasan;#Sal. 118:14; Isa. 12:2.
ini akon Dios, kag dayawon ko sia,
Dios sang akon amay, kag pakataason ko sia.
3Ang Ginoo hangaway;
ang Ginoo ang iya ngalan.
4“Ang mga kangga ni Faraon kag ang iya kasoldadosan gintagbong niya sa dagat;
kag ang iya pinili nga mga pangolo nalugdang sa Dagat nga Mapula.
5Ang mga baha nagatabon sa ila;
naglugdang sila sa mga kadadalman kaangay sa bato.
6Ang imo too nga kamut, O Ginoo, mahimayaon sa gahum,
ang imo too nga kamut, O Ginoo, nagadugmok sang kaaway.
7Sa kadaku sang imo pagkataas ginadaug mo ang imo mga kasumpung;
ginapadala mo ang imo kasingkal, ginaupus niya sila subong sang ginalaban.
8Sa pusnga sang imo ilong nagtumpok ang mga tubig,
ang mga baha nagtindug subong sang tinumpok;
ang mga kadadalman nagtig-a sa alibutud sang dagat.
9Ang kaaway nagsiling, ‘lagson lambuton,
bahinbahinon ko ang inagaw, busgon ko sa ila ang akon handum.
gabuton ko ang akon espada, laglagon sila sang akon kamut.’
10Ginhuyup mo sila sang imo hangin, ang dagat nagtabon sa ila;
natugdang sila subong sang tingga sa gamhanan nga mga tubig.
11“Sin-o bala ang kaangay mo sa tunga sang mga dios, O Ginoo?
Sin-o bala ang kaangay mo, mahimayaon sa pagkabalaan,
makahaladluk sa mga kadaan, nagahimo sing mga kalatingalahan?
12Gin-untay mo ang imo too nga kamut,
ang duta naglamon sa ila.
13“Ikaw sa imo malig-on nga paghigugma nagdumala sang katawohan nga gintubus mo,
gintuytuyan mo sila sa imo kusug tubtub sa imo balaan nga puluy-an.
14Ang mga katawohan nakabati, nagakurug sila;
mga kasakit nagdakup sa mga pumuluyo sang Filistia.
15Karon ang mga puno sang Edom naurongan;
ang mga pangolo sang Moab, ang pagkibang nagdakup sa ila;
ang tanan nga pumuluyo sang Canaan natunaw.
16Ang kahanguyus kag kakugmat naholog sa ila;
bangud sang kadaku sang imo butkon, matinong sila subong sang bato,
tubtub nagtabok ang imo katawohan, O Ginoo,
tubtub nagtabok ang katawohan nga nabakal mo.
17Pasudlon mo sila, kag itanum sila sa bukid sang imo panublion,
ang duug, O Ginoo, nga imo ginhimo nga puluy-an mo,
ang santuario, O Ginoo, nga gintukud sang imo mga kamut.
18Ang Ginoo magahari sa gihapon kag sa gihapon.”
19Kay sang nagsugbo sa dagat ang mga kabayo ni Faraon pati ang iya mga kangga kag ang iya mga manugkabayo, ginpabalik sang Ginoo ang mga tubig sang dagat sa ibabaw nila; apang ang katawohan sang Israel naglakat sa mamala nga duta sa tunga sang dagat. 20Niyan si Miriam, nga manalagna, ang utud ni Aaron, nag-uyat sing pandarita; kag naggowa ang tanan nga babayi sa olihi niya nga may mga pandarita kag sinaut.
21Kag si Miriam nag-amba sa ila:
“Ambahan kamo sa Ginoo, kay nagdaug sia sing mahimayaon;
ang kabayo kag ang iya manugsakay ginpilak niya sa dagat.”
Ang Tubig nga Mapait sa Mara
22Niyan gintuytuyan ni Moises ang Israel gikan sa Dagat nga Mapula, kag nagpadayon sila sa kamingawan sang Sur; naglakat sila sing tatlo ka adlaw sa kamingawan kag wala makakita sing tubig. 23Sang nag-abut sila sa Mara, indi sila makainum sang tubig sang Mara kay mapait ini; busa ginhingalanan ini Mara.#15:23 Kon sayoron Kapaitan. 24Kag nagkumud ang katawohan batok kay Moises, nga nagasiling, “Ano bala ang amon imnon?” 25Kag nagtuaw sia sa Ginoo; kag ginpakitaan sia sang Ginoo sing kahoy, kag ginhaboy niya ini sa tubig, kag ang tubig nagtam-is.
Didto naghimo ang Ginoo sa ila sing palatukuran kag pagsolondan kag didto gintilawan niya sila, 26nga nagsiling, “Kon kamo magpamati sing matalupangdon gid sa tingug sang Ginoo nga inyo Dios, kag maghimo sang matadlong sa iya mga mata, kag magpamati sang iya mga sogo kag magbantay sang tanan niyang palatukuran, indi ako magbutang sa imo sang bisan anong balatian nga ginbutang ko sa mga Egiptohanon; kay Ako amo ang Ginoo, nga manug-ayo sa inyo.”
27Niyan nag-abut sila sa Elim, diin may napulog duha ka tuburan sang tubig kag kapitoan ka palma; kag nagpahamtang sila sing dologan didto sa luyo sang tubig.
Currently Selected:
EXODO 15: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
EXODO 15
15
Ang Ambahanon ni Moises kag ni Miriam
1Niyan si Moises kag ang katawohan sang Israel nag ambahan sining ambahanon#Bug. 15:3. sa Ginoo, nga nagasiling,
“Magaamba ako sa Ginoo, kay nagdaug sia sing mahimayaon;
gintagbong niya sa dagat ang kabayo kag ang iya manugsakay.
2Ang Ginoo akon kusug kag ambahanon,
kag sia nangin-akon kaluwasan;#Sal. 118:14; Isa. 12:2.
ini akon Dios, kag dayawon ko sia,
Dios sang akon amay, kag pakataason ko sia.
3Ang Ginoo hangaway;
ang Ginoo ang iya ngalan.
4“Ang mga kangga ni Faraon kag ang iya kasoldadosan gintagbong niya sa dagat;
kag ang iya pinili nga mga pangolo nalugdang sa Dagat nga Mapula.
5Ang mga baha nagatabon sa ila;
naglugdang sila sa mga kadadalman kaangay sa bato.
6Ang imo too nga kamut, O Ginoo, mahimayaon sa gahum,
ang imo too nga kamut, O Ginoo, nagadugmok sang kaaway.
7Sa kadaku sang imo pagkataas ginadaug mo ang imo mga kasumpung;
ginapadala mo ang imo kasingkal, ginaupus niya sila subong sang ginalaban.
8Sa pusnga sang imo ilong nagtumpok ang mga tubig,
ang mga baha nagtindug subong sang tinumpok;
ang mga kadadalman nagtig-a sa alibutud sang dagat.
9Ang kaaway nagsiling, ‘lagson lambuton,
bahinbahinon ko ang inagaw, busgon ko sa ila ang akon handum.
gabuton ko ang akon espada, laglagon sila sang akon kamut.’
10Ginhuyup mo sila sang imo hangin, ang dagat nagtabon sa ila;
natugdang sila subong sang tingga sa gamhanan nga mga tubig.
11“Sin-o bala ang kaangay mo sa tunga sang mga dios, O Ginoo?
Sin-o bala ang kaangay mo, mahimayaon sa pagkabalaan,
makahaladluk sa mga kadaan, nagahimo sing mga kalatingalahan?
12Gin-untay mo ang imo too nga kamut,
ang duta naglamon sa ila.
13“Ikaw sa imo malig-on nga paghigugma nagdumala sang katawohan nga gintubus mo,
gintuytuyan mo sila sa imo kusug tubtub sa imo balaan nga puluy-an.
14Ang mga katawohan nakabati, nagakurug sila;
mga kasakit nagdakup sa mga pumuluyo sang Filistia.
15Karon ang mga puno sang Edom naurongan;
ang mga pangolo sang Moab, ang pagkibang nagdakup sa ila;
ang tanan nga pumuluyo sang Canaan natunaw.
16Ang kahanguyus kag kakugmat naholog sa ila;
bangud sang kadaku sang imo butkon, matinong sila subong sang bato,
tubtub nagtabok ang imo katawohan, O Ginoo,
tubtub nagtabok ang katawohan nga nabakal mo.
17Pasudlon mo sila, kag itanum sila sa bukid sang imo panublion,
ang duug, O Ginoo, nga imo ginhimo nga puluy-an mo,
ang santuario, O Ginoo, nga gintukud sang imo mga kamut.
18Ang Ginoo magahari sa gihapon kag sa gihapon.”
19Kay sang nagsugbo sa dagat ang mga kabayo ni Faraon pati ang iya mga kangga kag ang iya mga manugkabayo, ginpabalik sang Ginoo ang mga tubig sang dagat sa ibabaw nila; apang ang katawohan sang Israel naglakat sa mamala nga duta sa tunga sang dagat. 20Niyan si Miriam, nga manalagna, ang utud ni Aaron, nag-uyat sing pandarita; kag naggowa ang tanan nga babayi sa olihi niya nga may mga pandarita kag sinaut.
21Kag si Miriam nag-amba sa ila:
“Ambahan kamo sa Ginoo, kay nagdaug sia sing mahimayaon;
ang kabayo kag ang iya manugsakay ginpilak niya sa dagat.”
Ang Tubig nga Mapait sa Mara
22Niyan gintuytuyan ni Moises ang Israel gikan sa Dagat nga Mapula, kag nagpadayon sila sa kamingawan sang Sur; naglakat sila sing tatlo ka adlaw sa kamingawan kag wala makakita sing tubig. 23Sang nag-abut sila sa Mara, indi sila makainum sang tubig sang Mara kay mapait ini; busa ginhingalanan ini Mara.#15:23 Kon sayoron Kapaitan. 24Kag nagkumud ang katawohan batok kay Moises, nga nagasiling, “Ano bala ang amon imnon?” 25Kag nagtuaw sia sa Ginoo; kag ginpakitaan sia sang Ginoo sing kahoy, kag ginhaboy niya ini sa tubig, kag ang tubig nagtam-is.
Didto naghimo ang Ginoo sa ila sing palatukuran kag pagsolondan kag didto gintilawan niya sila, 26nga nagsiling, “Kon kamo magpamati sing matalupangdon gid sa tingug sang Ginoo nga inyo Dios, kag maghimo sang matadlong sa iya mga mata, kag magpamati sang iya mga sogo kag magbantay sang tanan niyang palatukuran, indi ako magbutang sa imo sang bisan anong balatian nga ginbutang ko sa mga Egiptohanon; kay Ako amo ang Ginoo, nga manug-ayo sa inyo.”
27Niyan nag-abut sila sa Elim, diin may napulog duha ka tuburan sang tubig kag kapitoan ka palma; kag nagpahamtang sila sing dologan didto sa luyo sang tubig.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society