2 TIMOTEO 3
3
Ang Pamatasan sang mga Tawo sa Katapusan nga mga Adlaw
1Apang hangpa ini, nga sa katapusan nga mga adlaw magaabut ang makahalanguyus nga mga tion. 2Kay ang mga tawo magamahigugmaon sang kaugalingon, mahigugmaon sang cuarta, bugalon, palabilabihon, mapasipalahon, malalison sa mga ginikanan, dimapinasalamaton, dibalaan, 3walay pasunaid, dimalogpayan, mapatopatoon, dimapinugungon, mabangis, madumut sa kaayohan, 4maluib, dasodaso, nagahabuk sa pagpadayaw, mahigugmaon sa kinasadya sa baylo sang sa Dios, 5nga may dagway sang pagkadiosnon apang nagapanghiwala sang gahum sini. Likawi ang subong nga mga tawo. 6Kay sa ila amo ang mga nagasulud sa mga balay kag nagapamihag sang maluyang mga babayi, nalulanan sang mga sala kag naguyguy sang nagakalainlain nga mga balatyagon, 7nga nagapamati bisan kay sin-o kag indi gid makadangat sa pagkilala sang kamatooran. 8Subong nga si Jannes kag si Jambres nagsumpung kay Moises,#Ex. 7:11. amo man sila nagasumpung sang kamatooran, mga tawong dunut sing painoino kag butig sing pagtoo; 9apang indi sila mag-uswag kay ang ila kabuangan magadayag sa tanan, subong sang ila sadtong duha ka tawo.
10Karon napanilagan mo ang akon pagtolon-an, akon paggawi, akon tinutuyo sa kabuhi, akon pagtoo, akon pagpailub, akon gugma, akon pagkalig-on, 11mga paghingabut sa akon, mga pag-antus nakon, ang nahanabu sa akon sa Antioquia,#Binu. 13:14-52. sa Iconio,#Binu. 14:1-7. kag sa Listra,#Binu. 14:8-20. ang mga paghingabut nga akon ginbatas; walay sapayan sa ila tanan ginluwas ako sang Ginoo. 12Sa pagkamatuud ang tanan nga buut magkabuhi sing diosnon kay Cristo Jesus magaantus sing paghingabut, 13samtang ang malaut nga mga tawo kag mga malimbong magalain kag magalain pa, nga nagadaya kag ginadayaan. 14Apang padayon ka sa natun-an mo kag nasaligan sing malig-on, nga nakahibalo kon kay sin-o mo natun-an ini 15kag kon paano nga kutub sang imo pagkabata nahibaloan mo ang balaan nga mga kasulatan nga makapaalam sa imo sa kaluwasan paagi sa pagtoo kay Cristo Jesus. 16Ang bug-os nga kasulatan ginbugna sang Dios kag mapuslanon sa pagpanudlo, sa pagsabdong, sa pagsaway, kag sa paghanas sa pagkamatarung, 17agud nga ang tawo sang Dios mahimpit, nga masangkapan nga sa tagsa ka maayong buhat.
Currently Selected:
2 TIMOTEO 3: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
