2 TESALONICA 2
2
Ang Tawo sang Sala Igapahayag
1Karon nahanungud sa pag-abut sang aton Ginoong Jesu-Cristo kag sang aton pagtipon sa pagsugata sa iya,#1 Tes. 4:15-17. ginapakilooy namun sa inyo, mga kauturan, 2nga indi kamo sa hinali magpatublag sa inyo hunahuna ukon magmaligban, bisan paagi sa espiritu ukon sa polong, ukon sa sulat nga daw gikan sa amon, subong nga yari na ang adlaw sang Ginoo. 3Walay tawo nga maglimbong sa inyo sa bisan anong bagay; kay inang adlaw indi mag-abut, kon indi anay mag-abut ang pagtalikod sa pagtoo, kag mapahayag ang tawo sang sala, ang anak sang kalaglagan, 4nga nagasumpung kag nagapakataas sang iya kaugalingon batok sa tanan nga ginatawag dios ukon ginasimba,#Dan. 11:36. sa bagay nga nagalingkod sia sa templo sang Dios, nga nagapaka-Dios sang iya kaugalingon. 5Wala bala kamo makadumdum nga sang kaupud pa ako ninyo ginsugiran ko kamo sini? 6Kag nahibal-an ninyo ang nagapugung sa iya karon agud nga mapahayag sia sa iya tion. 7Kay ang tinago sang pagkamalinapason nagapanghikot na; lamang may nagapugung karon tubtub nga makuha sia. 8Kag niyan ipahayag ang malinapason, kag si Ginoong Jesus magapatay sa iya sa ginhawa sang iya baba#Isa. 11:4. kag magalaglag sa iya paagi sa iya pagpahayag kag pag-abut. 9Ang pag-abut sang malinapason paagi sa pagpanghikot ni Satanas manginsa bug-os nga gahum kag sa butig nga mga tanda kag mga kalatingalahan,#Mat. 24:24. 10kag sa bug-os nga malauton nga daya sa mga nagakawala, kay nagdumili sila sa paghigugma sang kamatooran kag agud nga maluwas. 11Busa ang Dios nagapadala sa ila sing dakung pagtalang, agud nga magtoo sila sang kabutigan, 12agud nga matagudilian ang tanan nga wala magtoo sang kamatooran kondi nagkalipay sa pagkadimatarung.
Ginpili sa Kaluwasan
13Apang kinahanglan kami sa gihapon magpasalamat sa Dios tungud sa inyo, mga kauturan nga hinigugma sang Ginoo, kay ginpili kamo sang Dios kutub sa ginsuguran nga maluwas, paagi sa pagpakabalaan sang Espiritu kag pagtoo sa kamatooran. 14Sa sini gintawag niya kamo paagi sa amon maayong balita, agud nga maagum ninyo ang himaya sang aton Ginoong Jesu-Cristo. 15Gani niyan, mga kauturan, tindug sing malig-on kag huptan ang mga napalaton nga gintudlo namun sa inyo, paagi sa polong ukon sa sulat.
16Karon ang aton Ginoong Jesu-Cristo gid, kag ang Dios nga aton Amay, nga naghigugma sa aton kag naghatag sa aton sing dayon nga paglipay kag maayong paglaum paagi sa bugay, 17maglipay sang inyo mga tagiposoon kag magpalig-on sa ila sa tanan nga maayong buhat kag polong.
Currently Selected:
2 TESALONICA 2: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
