Ang Kaalam ni Solomon 4
4
1Mas#Sir. 16:3. maayo nga nagaangkon ka sang virtud bisan pa nga wala ka sing mga kabataan. Pagakilalahon sang mga tawo kag sang Dios ang imo virtud kag tungod sina indi ikaw malipatan sa walay katubtoban. 2Ang virtud nagahatag sing pagsulondan sa mga katawhan. Kon wala ini, ila mabatyagan ang pagkakulang sa ila kabuhi. Ang virtud amo ang pinakamahal nga premyo sa gihapon nga sarang maangkon sang tawo, kag ini magapabilin nga labing mahal sa walay katapusan. Amo ini ang pinakadungganon sa kabug-osan sang maayo nga pamatasan nga maangkon sang tawo.
3Bisan daw ano kadamo sang kabataan nga matawo sa ginadumilian nga pag-asawahay, wala gid bisan isa sa ila ang manginmadinalag-on. Mga unon sila, wala sila sing mapag-on nga sadsaran kag indi makapanggamot sing madalom. 4Kasubong sila sang mga kahoy nga manabaw ang mga gamot, magapanglumbay sila, pero magahilay sa mahinay nga huyop sang hangin kag ang bagyo magaluka sa ila. 5Magakalabali ang ila mga sanga sa wala pa ini maghamtong, ang ila bunga indi magkalaluto kag indi ini mapuslan. 6Sa Adlaw sang Paghukom ang mga kabataan nga natawo sa ginadumilian nga pag-asawahay manginsaksi sa sala sang ila mga ginikanan kag magapanaksi batok sa ila.
7Pero, ang matarong nga mga tawo makakita sang kapahuwayan bisan pa nga mapatay sila nga lamharon. 8Ginatahod naton ang mga tigulang, pero indi tungod kay nagkabuhi sila sing malawig nga mga tinuig. 9Ang kaalam kag katarungan amo ang mga talandaan sang pagkahamtong nga nagaupod sa katigulangon.
Ang Ehemplo ni Enoc
10May#Gen. 5:21-24; Sir. 44:16; Heb. 11:5. yara anay nga tawo nga ginhingalanan kay Enoc. Nagpahamuot sia sa Dios kag ang Dios naghigugma sa iya. Samtang nagkabuhi sia sa tunga sang mga makasasala, ginkuha sia sang Dios 11agod nga ang kalautan kag kabutigan indi makahalit sa iya panghunahuna kag kalag. 12Kita tanan nakahibalo nga ang mga tawo sarang mahaylo sang kalautan sa bagay nga indi na nila makilala ang maayo bisan pa nga ila ini makita. Ang inosente nga mga tawo mangin-garok sa ila handom sa bagay nga ang ila lamang mapanumdom amo ang ila luyag. 13Ining tawo nga si Enoc nakaangkon sang pagkahimpit sa malip-ot lamang nga mga tinuig—pagkahimpit nga indi maangkon sang iban nga mga tawo bisan pa sa bug-os nila nga kabuhi. 14Nahamuot gid ang Ginoo sa kabuhi ni Enoc nga iya sia ginbawi sing madali sa sining malaut nga kalibutan. Nahibaluan sang mga tawo ang iya pagtaliwan pero wala sila makahangop. Daw wala sila makahibalo 15nga ang Dios maluloy-on kag mainawaon sa iya kaugalingon nga mga tawo; ginaapinan niya ang iya mga pinili.
Ang Madangatan sang mga Malaut
16Bisan patay na ang matarong nga mga tawo, ila gihapon ginabutang sa kahuloy-anan ang mga malaut nga nagakabuhi pa. Sa ila katigulangon, ang malaut nga mga tawo pagapakahuy-an sang mga pamatan-on nga nakadangat na pagkahimpit. 17Ang mga maalam mapatay ayhan nga bataon, pero ang mga malaut indi makahangop nga ini amo ang paagi sang Ginoo sa pagluwas sa ila. 18Ila ginapakanubo ang kamatayon sang maalam nga tawo, pero ang Ginoo sa indi madugay magakadlaw sa ila. Sa ila pagkapatay, indi sila mahatagan sang dungganon nga lubong. Bisan pa ang mga minatay magatamay sa ila sing walay katapusan. 19Ang Dios magapamatay sa ila. Kasubong sang dalagku nga mga balay nga gin-uyog ang mga sadsaran, magakapukan sila kag mangintinumpokan sang kalaglagan. Manginyara sila sa gihapon sa tunga sang pag-antos. Madali sila nga malipatan sang mga tawo. 20Magakahadlok sila sa Adlaw sang Paghukom sa diin pagaisipon ang ila mga sala, ang mga buhat sang ila pagkadi-matinumanon magapanaksi sa pagkondenar sa ila.
Currently Selected:
Ang Kaalam ni Solomon 4: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Ang Kaalam ni Solomon 4
4
1Mas#Sir. 16:3. maayo nga nagaangkon ka sang virtud bisan pa nga wala ka sing mga kabataan. Pagakilalahon sang mga tawo kag sang Dios ang imo virtud kag tungod sina indi ikaw malipatan sa walay katubtoban. 2Ang virtud nagahatag sing pagsulondan sa mga katawhan. Kon wala ini, ila mabatyagan ang pagkakulang sa ila kabuhi. Ang virtud amo ang pinakamahal nga premyo sa gihapon nga sarang maangkon sang tawo, kag ini magapabilin nga labing mahal sa walay katapusan. Amo ini ang pinakadungganon sa kabug-osan sang maayo nga pamatasan nga maangkon sang tawo.
3Bisan daw ano kadamo sang kabataan nga matawo sa ginadumilian nga pag-asawahay, wala gid bisan isa sa ila ang manginmadinalag-on. Mga unon sila, wala sila sing mapag-on nga sadsaran kag indi makapanggamot sing madalom. 4Kasubong sila sang mga kahoy nga manabaw ang mga gamot, magapanglumbay sila, pero magahilay sa mahinay nga huyop sang hangin kag ang bagyo magaluka sa ila. 5Magakalabali ang ila mga sanga sa wala pa ini maghamtong, ang ila bunga indi magkalaluto kag indi ini mapuslan. 6Sa Adlaw sang Paghukom ang mga kabataan nga natawo sa ginadumilian nga pag-asawahay manginsaksi sa sala sang ila mga ginikanan kag magapanaksi batok sa ila.
7Pero, ang matarong nga mga tawo makakita sang kapahuwayan bisan pa nga mapatay sila nga lamharon. 8Ginatahod naton ang mga tigulang, pero indi tungod kay nagkabuhi sila sing malawig nga mga tinuig. 9Ang kaalam kag katarungan amo ang mga talandaan sang pagkahamtong nga nagaupod sa katigulangon.
Ang Ehemplo ni Enoc
10May#Gen. 5:21-24; Sir. 44:16; Heb. 11:5. yara anay nga tawo nga ginhingalanan kay Enoc. Nagpahamuot sia sa Dios kag ang Dios naghigugma sa iya. Samtang nagkabuhi sia sa tunga sang mga makasasala, ginkuha sia sang Dios 11agod nga ang kalautan kag kabutigan indi makahalit sa iya panghunahuna kag kalag. 12Kita tanan nakahibalo nga ang mga tawo sarang mahaylo sang kalautan sa bagay nga indi na nila makilala ang maayo bisan pa nga ila ini makita. Ang inosente nga mga tawo mangin-garok sa ila handom sa bagay nga ang ila lamang mapanumdom amo ang ila luyag. 13Ining tawo nga si Enoc nakaangkon sang pagkahimpit sa malip-ot lamang nga mga tinuig—pagkahimpit nga indi maangkon sang iban nga mga tawo bisan pa sa bug-os nila nga kabuhi. 14Nahamuot gid ang Ginoo sa kabuhi ni Enoc nga iya sia ginbawi sing madali sa sining malaut nga kalibutan. Nahibaluan sang mga tawo ang iya pagtaliwan pero wala sila makahangop. Daw wala sila makahibalo 15nga ang Dios maluloy-on kag mainawaon sa iya kaugalingon nga mga tawo; ginaapinan niya ang iya mga pinili.
Ang Madangatan sang mga Malaut
16Bisan patay na ang matarong nga mga tawo, ila gihapon ginabutang sa kahuloy-anan ang mga malaut nga nagakabuhi pa. Sa ila katigulangon, ang malaut nga mga tawo pagapakahuy-an sang mga pamatan-on nga nakadangat na pagkahimpit. 17Ang mga maalam mapatay ayhan nga bataon, pero ang mga malaut indi makahangop nga ini amo ang paagi sang Ginoo sa pagluwas sa ila. 18Ila ginapakanubo ang kamatayon sang maalam nga tawo, pero ang Ginoo sa indi madugay magakadlaw sa ila. Sa ila pagkapatay, indi sila mahatagan sang dungganon nga lubong. Bisan pa ang mga minatay magatamay sa ila sing walay katapusan. 19Ang Dios magapamatay sa ila. Kasubong sang dalagku nga mga balay nga gin-uyog ang mga sadsaran, magakapukan sila kag mangintinumpokan sang kalaglagan. Manginyara sila sa gihapon sa tunga sang pag-antos. Madali sila nga malipatan sang mga tawo. 20Magakahadlok sila sa Adlaw sang Paghukom sa diin pagaisipon ang ila mga sala, ang mga buhat sang ila pagkadi-matinumanon magapanaksi sa pagkondenar sa ila.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012