Tito 1
1
1Ako si Pablo, isa ka alagad sang Dios kag apostol ni Jesu-Cristo.
Ginpili ako kag ginpadala sa pagpalig-on sang pagtuo sang pinili nga mga katawhan sang Dios kag sa pagtuytoy sa ila padulong sa kamatuoran nga gintudlo sang aton pagtuluohan. 2Ini nga kamatuoran nasandig sa paglaom sa kabuhi nga wala sing katapusan. Ang Dios nga wala nagabutig, nagsaad sa aton sini nga kabuhi, sa wala pa niya matuga ang kalibutan, 3kag sa nagakaigo nga tion iya ini ginpahayag sa iya mga pulong. Gintugyan ini sa akon sang Dios nga aton Manluluwas kag ginawali ko ini suno sa iya sugo.
4Ginasulat#2 Cor. 8:23; Gal. 2:3; 2 Tim. 4:10. ko ini kay Tito, ang akon matuod nga anak suno sa pagtuo nga ginaambit naton tanan nga mga tumoluo.
Kabay nga ang Dios nga Amay kag si Cristo Jesus nga aton Manluluwas magmanginmaayo sa imo kag maghatag sa imo sing paghidait.
Ang Bulohaton ni Tito sa Creta
5Ginbilin ko ikaw sa Creta agod husayon mo ang mga butang nga nagakinahanglan sang paghusay, kag sa pagpili sing mga katigulangan sang iglesia sa tagsa ka banwa. Dumdoma ang mga ginsiling ko sa imo: 6ang#1 Tim. 3:2-7. isa ka tigulang sang iglesia dapat wala sing kasawayan, isa lang ang iya asawa,#1:6 isa lang ang iya asawa: ukonmakaisa lang magpangasawa. kag ang iya mga kabataan dapat mga tumoluo kag indi sila masiling nga abusador ukon di-matinumanon. 7Tungod kay ang pangulo sang iglesia gintugyanan sang hilikuton sang Dios, dapat wala sia sing kasawayan. Dapat indi sia bugalon ukon mainiton, ukon palahubog, ukon palaaway, ukon hakugan sa kwarta. 8Sa baylo, dapat mabinatunon sia sa iya balay sang mga estranghero, maluyagon sa paghimo sang maayo nga mga butang, but-anan, matarong, balaan kag makapugong sang kaugalingon. 9Dapat huptan niya sing malig-on ang pulong sang kamatuoran nga masaligan kag nagasinanto sa pagtulon-an. Sa sini nga paagi sarang niya mapabakod ang iban sa matuod nga pagtulon-an kag mapahayag man niya ang mga kasaypanan sang mga nagapamatok sa sini nga pagtulon-an.
10Kay madamo ang mga nagasumpong, kag nagapatalang sa iban sa ila kabuangan, ilabi na sila nga mga nakonbertir halin sa Judaismo. 11Dapat mo gid tapnaon ang ila mga ginapanghambal, tungod kay ginagamo nila ang bug-os nga mga panimalay paagi sa ila pagpanudlo sang indi dapat nila ipanudlo. Ginahimo nila ini tungod sa makahuloya nga katuyoan nga amo ang pagpangwarta. 12May isa nga taga-Creta, isa man sang ila ginakabig nga mga propeta nga nagsiling, “Ang mga taga-Creta butigon gid, malaut sila nga mga sapat, mga matamad kag mga dalukdalok.” 13Kag ang iya ginsiling matuod. Tungod sini dapat mo sila sawayon sing masakit, agod manginmabakod sila sa pagtuo, 14kag indi na sila magsapak sa patupato nga mga sugilanon sang mga Judio kag sa mga sugo nga ginhimo sang mga tawo nga nagsikway sang kamatuoran. 15Para sa mga putli ang tanan putli, pero wala sing butang nga putli para sa mga nadagtaan kag di-matinuohon, kay ang ila panghunahuna kag konsensya nadagtaan. 16Ina sila nagasugid nga nakilala nila ang Dios, pero ang ila mga buhat nagapanghiwala sini. Mga madumot sila kag di-matinumanon, kag wala sang ikasarang sa paghimo sing maayo.
Currently Selected:
Tito 1: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
