Sirac 46
46
Si Josue
1Si#Jos. 1:1–11:23. Josue nga anak ni Nun isganan sa inaway,
kag nagbulos sia kay Moises subong isa ka propeta.
Takos sia sa iya ngalan,
kag isa sia ka gamhanan nga manluluwas sang pinili nga mga tawo
sang Ginoo nga nagtimalos sa mga kaaway nga nagsumpong sa iya,
kag gindala niya ang Israel sa panublion sini.
2Daw ano ka dalayawon sang pagbayaw niya sang iya mga butkon
sa pagbalabad sang iya espada batok sa mga siudad!
3Sin-o bala ang nakapakita sang amo nga kaisog?
Sia mismo ang nagpakig-away para sa Ginoo.
4Wala bala ginpunggi ang adlaw sang iya kamot,
kag ang isa ka adlaw nahimo nga duha?
5Nagpanawag sia sa Gamhanan nga Dios nga Labing Mataas,
samtang ginaipit sia sang iya mga kaaway sa tagsa ka kilid,
6kag ang gamhanan nga Ginoo nagsabat sa iya
paagi sa mabaskog nga pag-ulan sang yelo nga daw mga bato.
Ginlutos niya ang kaaway nga pungsod,
kag sa dulhogan sang Bet-horon ginlaglag niya ang tanan nga mga kasumpong,
agod ang mga kapungsoran magkilala sang iya kinaadman sa inaway
kag makahibalo nga ang ila kaaway amo ang Ginoo.
Si Caleb
7Sumolunod#Num. 14:6-10; 11:21; Jos. 14:6-11. si Josue sang Isa nga Gamhanan, kag sang panahon ni Moises nag-alagad sia sing matutom,
sia kag si Caleb nga anak ni Jepune,
paagi sa pagsumpong sang bug-os nga katilingban,
sa pagpugong sa mga tawo sa pagpakasala,
kag sa pagpahipos sang mga pagkumod sang pagrebelde.
8Gani ining duha lamang ang nabilin
sa sais sientos mil ka mga tawo nga naglakat,
kag nakasulod sila sa ila panublion
pakadto sa maayo kag mapatubason nga duta.
9Ang Ginoo naghatag sing kusog kay Caleb,
nga gin-angkon niya tubtob sang pagtigulang niya,
agod sa pagtaklad sa mga kabukiran
nga ginpanag-iyahan pa sang iya mga kaliwat subong nga panublion,
10agod makita sang tanan nga mga kaanakan ni Israel
nga maayo gid ang magsunod sa Ginoo.
Ang mga Hukom
11Subong#Huk. 1:1–16:31. man ang mga hukom, ang tagsatagsa nanginbantog sa ila panahon,
mga tawo nga wala magsimba sa iban nga mga dios,
sila nga wala magtalikod sa Ginoo,
kabay nga bendisyunan ang ila mga handumanan!
12Kabay nga ang ila mga tul-an mabuhi liwat sa lulobngan,
kabay nga ang ila bantog nga mga ngalan
nasunod sang ila mga anak.
Si Samuel
13Si#1 Sam. 3:19-20; 7:9-11; 10:1; 12:3; 16:13; 28:18-19. Samuel palangga sang Ginoo,
propeta sia sang Ginoo, nagpasad sang ginharian,
kag naghaplas sang mga pangulo sang iya mga tawo.
14Suno sa Kasugoan sang Ginoo ginhukman niya ang katilingban,
kag ang Ginoo nagbantay kay Jacob.
15Paagi sa iya kaugalingon nga pagkatutom, ginkilala sia nga isa ka propeta.
Paagi sa iya mga pulong nakilala sia nga masaligan nga propeta.
16Nagpanawag sia sa Ginoo, ang Isa nga Gamhanan,
sang ginlibutan sia sang iya mga kaaway,
paagi sa paghalad sang kordero nga nagasuso pa.
17Kag ang Ginoo nagdaguob halin sa langit,
kag ginpabati niya ang iya tingog paagi sa daguob;
18ginpamatay niya ang mga pangulo sang kaaway,
kag ang tanan nga mga pangulo sang mga Filistinhon.
19Sa wala pa ang tion sang iya walay katapusan nga pagpahuway,
nagpanaksihon sia sa atubang sang Ginoo kag sang iya hinaplas,
“Wala sing pagkabutang, bisan isa ka pares nga sandalyas,
nga akon ginkuha sa bisan sin-o nga tawo.”
Kag wala sing isa nga nagsumbong sa iya.
20Kag bisan sa tapos sia mapatay nagpahayag sia liwat
nga nagapaandam sa hari sang iya kamatayon,
ginbayaw niya ang iya tingog gikan sa duta sa pagpakitluoy subong propeta,
sa pagpanas sang kalautan sang mga tawo.
Currently Selected:
Sirac 46: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012