Sirac 41
41
Ang Kamatayon
1O kamatayon, daw ano kapait ang pagdumdom sa imo,
para sa isa ka tawo nga may katawhayan sa tunga sang iya mga pagkabutang,
sa tawo nga wala sing palaligban, nga nagauswag sa tagsa ka butang,
kag may kusog pa sa pagpaayaw sang iya ginakaon
2O kamatayon, ginaabiabi ang imo pamat-od
sa tawo nga nawad-an, sa iya nga nagaluya ang iya kusog,
sa tawo nga nagaluya na sa katigulangon, nga nagapangalisod sa tanan nga butang,
mainiton kag indi na makaagwanta.
3Indi ka magkahadlok sa pamat-od sang kamatayon.
Dumdoma ang nag-abot nga una sa imo kag ang mga magaabot nga nagasunod sa imo.
4Amo ini ang pamatbat sang Ginoo sa tanan nga buhi nga mga tinuga,
gani, ngaa magpamatok ka sa ginapakamaayo sang Labing Mataas?
Bisan ang imo kabuhi maglawig sing napulo ukon isa ka gatos ukon isa ka libo ka tuig,
wala sing may magakabalaka sini sa kalibutan sang mga patay.
Ang Madangatan sang mga Malaut
5Ang mga kabataan sang mga makasasala, makaulogot nga mga anak
kag nagdaku sa malaut nga palibot.
6Ang panublion sang mga anak sang mga makasasala pat-od gid nga magakawala,
ang ila mga kaliwat magaantos sang walay katapusan nga kahuloy-an.
7Ang di-diosnon nga amay pagabasulon sang iya mga kabataan
tungod sang kahuloy-an nga gindala niya sa ila.
8Makaluluoy man kamo, mga tawo nga di-diosnon,
nga nagsikway sang Kasugoan sang Dios nga Labing Mataas.
9Sang inyo pagkatawo,
natawo kamo agod pakamalauton
kag kon mapatay kamo,
ina nga pagpakamalaut amo ang inyo maabutan.
10Ang tanan nga nagagikan sa duta magabalik sa duta,
gani ang malaut magahalin sa pagpakamalaut pakadto sa kalaglagan.
11Ang mga tawo magalalaw sa ila mga patay,
pero ang wala sing pulos nga ngalan sang mga makasasala pagapanason.
12Andami ang imo dungog kay magalawig pa ini sa imo
sang sa isa ka libo nga tinumpok nga bulawan.
13Ang maayo nga kabuhi nagatener sing pila ka mga inadlaw,
pero ang maayo nga kadungganan nagapadayon sa walay katapusan.
Ang mga Dapat Ikahuya
14Tumana ang akon mga pagtudlo kag magpakalinong kamo, mga anak ko.
Ano bala ang pulos sang kaalam nga ginatago
kag sang manggad nga ginalikom?
15Mas maayo pa ang tawo nga nagatago sang iya kabuangan
sang sa tawo nga nagatago sang iya kaalam.
16Karon, itigana ang imo pagkamahuloy-on sa akon igasiling sa imo,
kay indi ang tanan nga pagkamahuloy-on nagakabagay,
kag indi ang tagsa ka kahimtangan husto ang pagkabig sang tanan.
17Sa atubang sang imo amay kag iloy, magkahuya ka tungod sang pagpakighilawas nga imo ginahimo,
kag sa atubang sang prinsipe kag sang hari magkahuya ka tungod sang imo pagbinutig;
18sa atubang sang hukom ukon pangulo, magkahuya ka tungod sang imo sayop,
kag sa atubang sang katilingban magkahuya ka tungod sang imo mga kasal-anan;
sa atubang sang imo upod kag sang imo abyan
magkahuya ka tungod sang imo ginhimo nga di-matarong
19kag sa atubang sang imo mga kaingod
magkahuya ka tungod sang imo pagpangawat.
Sa atubangan sang kamatuoran kag sa kasugtanan sang Dios,
magkahuya ka sa imo paghamboy sang imo siko sa lamisa,
ang paghatag sing mga dulot sa mga nagahikay sini,
20kag sa indi pagsapak sa mga nagatamyaw sa imo:
ang pagtulok sa malain nga babayi,
21kag ang pagsikway sang pangabay sang imo pariente,
ang pagkuha sang parti sang iban,
ang pagkaluyag sa asawa sang iban,
22ang pagpakighirop sa suloguon nga babayi sang iban—
indi ka magpalapit sa iya katre.
Magkahuya ka tungod sang imo ginahambal nga malain sa atubang sang imo mga abyan,
kag indi ka magpanghikay sa tapos ka makahatag sing dulot.
23Magkahuya ka tungod sang imo pagpanugid sang mga kutsokutso
kag tungod sang imo pagluib sang pagsalig sa imo
dayon mahibal-an mo kon ano ang matuod nga huya
kag masapwan mo nga maluyagan ka sang tanan.
Currently Selected:
Sirac 41: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Sirac 41
41
Ang Kamatayon
1O kamatayon, daw ano kapait ang pagdumdom sa imo,
para sa isa ka tawo nga may katawhayan sa tunga sang iya mga pagkabutang,
sa tawo nga wala sing palaligban, nga nagauswag sa tagsa ka butang,
kag may kusog pa sa pagpaayaw sang iya ginakaon
2O kamatayon, ginaabiabi ang imo pamat-od
sa tawo nga nawad-an, sa iya nga nagaluya ang iya kusog,
sa tawo nga nagaluya na sa katigulangon, nga nagapangalisod sa tanan nga butang,
mainiton kag indi na makaagwanta.
3Indi ka magkahadlok sa pamat-od sang kamatayon.
Dumdoma ang nag-abot nga una sa imo kag ang mga magaabot nga nagasunod sa imo.
4Amo ini ang pamatbat sang Ginoo sa tanan nga buhi nga mga tinuga,
gani, ngaa magpamatok ka sa ginapakamaayo sang Labing Mataas?
Bisan ang imo kabuhi maglawig sing napulo ukon isa ka gatos ukon isa ka libo ka tuig,
wala sing may magakabalaka sini sa kalibutan sang mga patay.
Ang Madangatan sang mga Malaut
5Ang mga kabataan sang mga makasasala, makaulogot nga mga anak
kag nagdaku sa malaut nga palibot.
6Ang panublion sang mga anak sang mga makasasala pat-od gid nga magakawala,
ang ila mga kaliwat magaantos sang walay katapusan nga kahuloy-an.
7Ang di-diosnon nga amay pagabasulon sang iya mga kabataan
tungod sang kahuloy-an nga gindala niya sa ila.
8Makaluluoy man kamo, mga tawo nga di-diosnon,
nga nagsikway sang Kasugoan sang Dios nga Labing Mataas.
9Sang inyo pagkatawo,
natawo kamo agod pakamalauton
kag kon mapatay kamo,
ina nga pagpakamalaut amo ang inyo maabutan.
10Ang tanan nga nagagikan sa duta magabalik sa duta,
gani ang malaut magahalin sa pagpakamalaut pakadto sa kalaglagan.
11Ang mga tawo magalalaw sa ila mga patay,
pero ang wala sing pulos nga ngalan sang mga makasasala pagapanason.
12Andami ang imo dungog kay magalawig pa ini sa imo
sang sa isa ka libo nga tinumpok nga bulawan.
13Ang maayo nga kabuhi nagatener sing pila ka mga inadlaw,
pero ang maayo nga kadungganan nagapadayon sa walay katapusan.
Ang mga Dapat Ikahuya
14Tumana ang akon mga pagtudlo kag magpakalinong kamo, mga anak ko.
Ano bala ang pulos sang kaalam nga ginatago
kag sang manggad nga ginalikom?
15Mas maayo pa ang tawo nga nagatago sang iya kabuangan
sang sa tawo nga nagatago sang iya kaalam.
16Karon, itigana ang imo pagkamahuloy-on sa akon igasiling sa imo,
kay indi ang tanan nga pagkamahuloy-on nagakabagay,
kag indi ang tagsa ka kahimtangan husto ang pagkabig sang tanan.
17Sa atubang sang imo amay kag iloy, magkahuya ka tungod sang pagpakighilawas nga imo ginahimo,
kag sa atubang sang prinsipe kag sang hari magkahuya ka tungod sang imo pagbinutig;
18sa atubang sang hukom ukon pangulo, magkahuya ka tungod sang imo sayop,
kag sa atubang sang katilingban magkahuya ka tungod sang imo mga kasal-anan;
sa atubang sang imo upod kag sang imo abyan
magkahuya ka tungod sang imo ginhimo nga di-matarong
19kag sa atubang sang imo mga kaingod
magkahuya ka tungod sang imo pagpangawat.
Sa atubangan sang kamatuoran kag sa kasugtanan sang Dios,
magkahuya ka sa imo paghamboy sang imo siko sa lamisa,
ang paghatag sing mga dulot sa mga nagahikay sini,
20kag sa indi pagsapak sa mga nagatamyaw sa imo:
ang pagtulok sa malain nga babayi,
21kag ang pagsikway sang pangabay sang imo pariente,
ang pagkuha sang parti sang iban,
ang pagkaluyag sa asawa sang iban,
22ang pagpakighirop sa suloguon nga babayi sang iban—
indi ka magpalapit sa iya katre.
Magkahuya ka tungod sang imo ginahambal nga malain sa atubang sang imo mga abyan,
kag indi ka magpanghikay sa tapos ka makahatag sing dulot.
23Magkahuya ka tungod sang imo pagpanugid sang mga kutsokutso
kag tungod sang imo pagluib sang pagsalig sa imo
dayon mahibal-an mo kon ano ang matuod nga huya
kag masapwan mo nga maluyagan ka sang tanan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012