Sirac 40
40
Ang Kapiutan sang Tawo
1Ang tama nga kabudlayan gintigana para sa tagsa ka tawo.
Ang isa ka mabug-at nga gota natakod sa mga anak ni Adan,
halin sang paggwa nila sa tiyan sang ila iloy,
tubtob sa adlaw nga magbalik sila sa iloy sang tanan.
2Ang nagapuno sa ila sing kahangawa kag nagahatag sing kahadlok sa ila tagipusoon
amo ang kulba sa adlaw sang kamatayon.
3Bisan ang isa ka tawo nagapungko sa mahimayaon nga trono
ukon nagaigod sa yab-ok kag abo,
4halin sa tawo nga nagabayo sing granate kag nagasuksok sang korona
tubtob sa tawo nga nagabayo sing sako,
5ang kabug-osan sang kabuhi may kaakig kag kahisa, kinagamo, kag kinagubot,
kahadlok sa kamatayon, pagpaindis-indis, kag pag-ilinaway.
Kag bisan sa kagab-ihon samtang nagapahuway sia sa iya katre,
ang iya katulogon nagahatag lamang sa iya sing bag-o nga kahigayunan, sa pagdumdom sang iya mga palaligban.
6Indi sia makapahuway sa iya paghigda
ang iya pagtulog daw pareho lang nga nagabugtaw sia.
Ginakurog sia sa makakulogmat nga mga dalamguhanon,
kaangay sang isa ka tawo nga nagapalagyo sa inaway.
7Sa tion sang pagtabang nakabugtaw sia,
kag naumpawan sia sa paghibalo nga wala sia sing dapat kahadlukan.
8Sa tanan nga mga tinuga halin sa mga tawo tubtob sa mga kasapatan—
kag makapito ka pilo sa mga makasasala—
9nagaabot ang kamatayon kag pagpaagay sang dugo kag inaway kag espada,
mga kalalat-an, gutom, pag-antos, kag pamalatian.
10Ini tanan gintuga para sa mga di-diosnon,
tungod sa ila nag-abot ang anaw.
11Ang tanan nga mga nagikan sa duta magabalik sa duta.
Ang nagagikan sa tubig magabalik sa dagat.
Ang mga Resulta sang Kalautan
12Ang tanan nga paghamham kag pagkadi-matarong pagadulaon
pero ang husto nga pagtuo magapadayon sa gihapon.
13Ang manggad sang mga malinapason magamala kaangay sang baha,
madula ini kaangay sang daguob sa ulan.
14Kon humlaron niya ang iya mga kamot, masadyahan sia,
sa amo man nga bagay ang mga malinapason malaglag.
15Ang mga salingsing sang mga di-diosnon indi magpananga sing madamo,
ang mahigko nga mga gamot makakita lamang sang matig-a nga bato.
16Ang mga tabun-ak sa tagsa ka linaw kag sa pangpang sang suba,
pagagabuton sa wala pa magtubo ang iban nga hilamon.
17Ang mga buhat sang kaayo kaangay sang paraiso sang kaayuhan,
kag ang kaalwan nagapadayon sing malig-on kaangay sang walay katapusan.
Mga Kalipay sang Kabuhi sang Tawo
18Para sa tawo nga may sarang kag sa tawo nga nagapamugon, ang pangabuhi maayo,
pero mas maayo sa sining duha ang nakakita sing isa ka manggad.
19Ang mga kabataan kag ang pagpatindog sang isa ka siudad nagahatag sing dungog sa isa ka tawo,
pero mas maayo pa sa sini, ang pagtukib sing kinaalam.
Ang mga kabakahan kag mga talamnan sang ubas nagahimo sa imo nga bantog,
pero mas maayo pa sa sini ang himpit nga asawa.
20Ang bino kag musika nagapasadya sang tagipusoon,
pero mas maayo pa sini ang paghigugma sang kaalam.
21Ang plawta kag arpa nagapanami sang kanta,
pero mas maayo pa sa sini ang manami nga tingog.
22Ang mata naluyag magtan-aw sang kaayo kag katahom,
pero mas maayo pa sa sini ang berde nga ugbos sang mais.
23Ang isa ka abyan ukon kaupod ginaabiabi sa gihapon,
pero mas maayo pa sa sini ang isa ka asawa kag bana.#40:23 isa ka asawa kag bana: Sa Hebreo isa ka maalam nga asawa.
24Ang mag-ulotod kag ang mga kadampig maayo sa mga panahon sang kinagamo,
pero mas maayo pa sa sini ang kaalwan sa paglimos.
25Ang bulawan kag pilak magapalig-on sang imo mga tiil,
pero mas maayo pa sa sini ang maayo nga laygay.
26Ang manggad kag kusog nagapalig-on sang tagipusoon,
pero mas maayo pa sa sini ang pagtahod sa Ginoo.
Ang tawo nga nagatahod sa Ginoo indi pagkulangon sang bisan ano,
ang tawo nga nagaangkon sini, indi na kinahanglan magpangita sing apin.
27Ang pagtahod sa Ginoo kaangay sang paraiso sang kaayuhan.
Ginapanaptan sini ang tawo sing sobra pa sang sa himaya.
Ang Pagpakilimos
28Anak ko, indi ka magkabuhi paagi sa pagpakilimos,
mas maayo pa nga mapatay sang sa magpakilimos.
29Ang kabuhi sang isa ka tawo nga nagasalig lang sa lamisa sang iban nga tawo,
indi sarang matawag nga kabuhi.
Ginadagtaan niya ang iya tutonlan sang kalan-on sang iban,
ang tawo nga may tinun-an kag maayo nga batasan indi gid maghimo sini.
30Ang pagpakilimos mahapos ibungat sang tawo nga wala sing huya,
pero sa ulihi magasunog ini sang iya tiyan.
Currently Selected:
Sirac 40: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Sirac 40
40
Ang Kapiutan sang Tawo
1Ang tama nga kabudlayan gintigana para sa tagsa ka tawo.
Ang isa ka mabug-at nga gota natakod sa mga anak ni Adan,
halin sang paggwa nila sa tiyan sang ila iloy,
tubtob sa adlaw nga magbalik sila sa iloy sang tanan.
2Ang nagapuno sa ila sing kahangawa kag nagahatag sing kahadlok sa ila tagipusoon
amo ang kulba sa adlaw sang kamatayon.
3Bisan ang isa ka tawo nagapungko sa mahimayaon nga trono
ukon nagaigod sa yab-ok kag abo,
4halin sa tawo nga nagabayo sing granate kag nagasuksok sang korona
tubtob sa tawo nga nagabayo sing sako,
5ang kabug-osan sang kabuhi may kaakig kag kahisa, kinagamo, kag kinagubot,
kahadlok sa kamatayon, pagpaindis-indis, kag pag-ilinaway.
Kag bisan sa kagab-ihon samtang nagapahuway sia sa iya katre,
ang iya katulogon nagahatag lamang sa iya sing bag-o nga kahigayunan, sa pagdumdom sang iya mga palaligban.
6Indi sia makapahuway sa iya paghigda
ang iya pagtulog daw pareho lang nga nagabugtaw sia.
Ginakurog sia sa makakulogmat nga mga dalamguhanon,
kaangay sang isa ka tawo nga nagapalagyo sa inaway.
7Sa tion sang pagtabang nakabugtaw sia,
kag naumpawan sia sa paghibalo nga wala sia sing dapat kahadlukan.
8Sa tanan nga mga tinuga halin sa mga tawo tubtob sa mga kasapatan—
kag makapito ka pilo sa mga makasasala—
9nagaabot ang kamatayon kag pagpaagay sang dugo kag inaway kag espada,
mga kalalat-an, gutom, pag-antos, kag pamalatian.
10Ini tanan gintuga para sa mga di-diosnon,
tungod sa ila nag-abot ang anaw.
11Ang tanan nga mga nagikan sa duta magabalik sa duta.
Ang nagagikan sa tubig magabalik sa dagat.
Ang mga Resulta sang Kalautan
12Ang tanan nga paghamham kag pagkadi-matarong pagadulaon
pero ang husto nga pagtuo magapadayon sa gihapon.
13Ang manggad sang mga malinapason magamala kaangay sang baha,
madula ini kaangay sang daguob sa ulan.
14Kon humlaron niya ang iya mga kamot, masadyahan sia,
sa amo man nga bagay ang mga malinapason malaglag.
15Ang mga salingsing sang mga di-diosnon indi magpananga sing madamo,
ang mahigko nga mga gamot makakita lamang sang matig-a nga bato.
16Ang mga tabun-ak sa tagsa ka linaw kag sa pangpang sang suba,
pagagabuton sa wala pa magtubo ang iban nga hilamon.
17Ang mga buhat sang kaayo kaangay sang paraiso sang kaayuhan,
kag ang kaalwan nagapadayon sing malig-on kaangay sang walay katapusan.
Mga Kalipay sang Kabuhi sang Tawo
18Para sa tawo nga may sarang kag sa tawo nga nagapamugon, ang pangabuhi maayo,
pero mas maayo sa sining duha ang nakakita sing isa ka manggad.
19Ang mga kabataan kag ang pagpatindog sang isa ka siudad nagahatag sing dungog sa isa ka tawo,
pero mas maayo pa sa sini, ang pagtukib sing kinaalam.
Ang mga kabakahan kag mga talamnan sang ubas nagahimo sa imo nga bantog,
pero mas maayo pa sa sini ang himpit nga asawa.
20Ang bino kag musika nagapasadya sang tagipusoon,
pero mas maayo pa sini ang paghigugma sang kaalam.
21Ang plawta kag arpa nagapanami sang kanta,
pero mas maayo pa sa sini ang manami nga tingog.
22Ang mata naluyag magtan-aw sang kaayo kag katahom,
pero mas maayo pa sa sini ang berde nga ugbos sang mais.
23Ang isa ka abyan ukon kaupod ginaabiabi sa gihapon,
pero mas maayo pa sa sini ang isa ka asawa kag bana.#40:23 isa ka asawa kag bana: Sa Hebreo isa ka maalam nga asawa.
24Ang mag-ulotod kag ang mga kadampig maayo sa mga panahon sang kinagamo,
pero mas maayo pa sa sini ang kaalwan sa paglimos.
25Ang bulawan kag pilak magapalig-on sang imo mga tiil,
pero mas maayo pa sa sini ang maayo nga laygay.
26Ang manggad kag kusog nagapalig-on sang tagipusoon,
pero mas maayo pa sa sini ang pagtahod sa Ginoo.
Ang tawo nga nagatahod sa Ginoo indi pagkulangon sang bisan ano,
ang tawo nga nagaangkon sini, indi na kinahanglan magpangita sing apin.
27Ang pagtahod sa Ginoo kaangay sang paraiso sang kaayuhan.
Ginapanaptan sini ang tawo sing sobra pa sang sa himaya.
Ang Pagpakilimos
28Anak ko, indi ka magkabuhi paagi sa pagpakilimos,
mas maayo pa nga mapatay sang sa magpakilimos.
29Ang kabuhi sang isa ka tawo nga nagasalig lang sa lamisa sang iban nga tawo,
indi sarang matawag nga kabuhi.
Ginadagtaan niya ang iya tutonlan sang kalan-on sang iban,
ang tawo nga may tinun-an kag maayo nga batasan indi gid maghimo sini.
30Ang pagpakilimos mahapos ibungat sang tawo nga wala sing huya,
pero sa ulihi magasunog ini sang iya tiyan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012