Sirac 4
4
1Anak ko, indi pagkuhai ang imol sang iya palangabuhian,
indi sila pagpahulata sa ila mga pagkinahanglan.
2Indi pagdugangi ang pag-antos sang mga ginagutom,
indi pagpaakiga ang tawo sa iya kalisdanan.
3Indi pagpaugtasa ang nagakaakig
kag indi pagpahulata ang waaywaay nga nagapaabot sang imo limos.
4Indi pagsikwaya ang makaluluoy nga pobre,
kag indi pagtalikdi ang isa ka imol.
5Indi mo pag-ipalayo ang imo mga mata sa nawad-an,
indi ka maghatag sing kahigayunan sa tawo nga magpakamalaut sa imo,
6kay kon ang isa ka tawo magpakamalaut sa imo sa kapait sang iya tagipusoon,
ang iya Manunuga magapamati sang iya pangamuyo.
7Tinguhaa nga palanggaon ka sang katilingban,
kag magtahod ka sa tawo nga may awtoridad.
8Pamatii ang imol nga tawo
kag sabta nga may pagtahod ang iya panamyaw.
9Luwasa ang ginapigos sa kamot sang mapiguson,
kag magmalig-on ka sa imo mga paghukom.
10Magmanginkaangay ka sang amay sa mga ilo,
kag magmanginkaangay ka sang maayo nga bana sa mga balo.
Dayon ikaw mangin-anak sang Labing Mataas,
nga ang iya gugma sa imo magalabaw pa sang sa gugma sang imo iloy.
Ang Kaalam subong Manunodlo
11Ang Kaalam nagasagod sang iya mga anak,
kag nagatatap sa mga nagapangita sa iya.
12Ang nagahigugma sang Kaalam nagahigugma sang kabuhi,
ang nagaalagad sa iya sing aga pa mapun-an sing kalipay.
13Ang tawo nga nagaangkon sa iya magaagom sang kadungganan,
bisan diin sia makadto pagabendisyunan sia sang Ginoo.
14Ang mga nagaalagad sa iya nagaalagad sa balaan nga Dios,
kag ang Ginoo nagahigugma sa mga nagahigugma sang Kaalam.
15Ang mga nagatuman sa iya nagahukom sing husto,
kag ang mga nagapamati sa iya magakabuhi nga malig-on.
16Kon itugyan niya ang iya kaugalingon sa Kaalam maangkon niya sia,
kag ipapanubli niya sia sa iya mga kaliwat.
17Bisan sa primero ginatuytuyan sia sang Kaalam sa likuliko nga mga dalan,
nga nagahatag ini sa iya sing kahadlok kag kaluya,
kag ginapaantos sia paagi sa disiplina
tubtob nga masaligan sia sang Kaalam,
kag ginatilawan sia paagi sa mga kabudlayan,
18sa katapusan pabalikon niya sia sa dalan nga matadlong
kag ipahayag sa iya ang tinago sang Kaalam.
19Pero kon magpalayo sia, ang Kaalam magasikway sa iya,
kag pabay-an niya sia kon ano ang iya maabutan.
Kahuloy-an kag ang Tawhanon nga Pagtahod
20Anak ko, gamita sing maayo ang imo tinion kag amligi ang imo kaugalingon batok sa kalautan,
kag indi pagpakahuy-i ang imo kaugalingon.
21Kay may yara nga kahuy-anan nga nagapadulong sa sala,
subong nga may kahuya nga nagapadulong sa kadungganan kag kaayuhan.
22Indi ka magpakita nga ikaw may pinilian sa imo kaugalingon nga kalainan,
kag indi ka magpasugot sang imo kalaglagan.
23Indi ka maghipos kon kinahanglan
kag indi pagtagoa ang imo kaalam.
24Kay ang kaalam makilala paagi sa hambal,
kag ang tinun-an sang isa ka tawo mahibal-an sa iya mga pulong.
25Indi ka magbais batok sa kamatuoran,
kundi magkahuya ka sa imo kulang nga kaalam.
26Indi ka magkahuya sa pagkilala sang imo kaugalingon nga mga sala,
indi ka magtinguha sa pagsumpong batok sa sulog sang suba.
27Indi mo pagpanubuon ang imo kaugalingon sa isa ka buangbuang nga tawo,
kag indi pagpasulabiha ang gamhanan nga tawo.
28Magpakig-away ka tungod sa kamatuoran tubtob sa kamatayon,
kag ang Ginoo nga Dios magapakig-away sa pag-apin sa imo.
29Indi ka magdasudaso sa imo paghambal
pero uyaya kag mapinatumbayaon sa imo bulohaton.
30Indi ka magmangin-isa ka leon sa imo balay
ukon mangin-isa ka talawan sa atubang sang imo mga suloguon.
31Indi#Bin. 20:35. paghumlara ang imo kamot sa pagbaton
kag indi pagkipua ini kon imo na turno ang paghatag.
Currently Selected:
Sirac 4: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Sirac 4
4
1Anak ko, indi pagkuhai ang imol sang iya palangabuhian,
indi sila pagpahulata sa ila mga pagkinahanglan.
2Indi pagdugangi ang pag-antos sang mga ginagutom,
indi pagpaakiga ang tawo sa iya kalisdanan.
3Indi pagpaugtasa ang nagakaakig
kag indi pagpahulata ang waaywaay nga nagapaabot sang imo limos.
4Indi pagsikwaya ang makaluluoy nga pobre,
kag indi pagtalikdi ang isa ka imol.
5Indi mo pag-ipalayo ang imo mga mata sa nawad-an,
indi ka maghatag sing kahigayunan sa tawo nga magpakamalaut sa imo,
6kay kon ang isa ka tawo magpakamalaut sa imo sa kapait sang iya tagipusoon,
ang iya Manunuga magapamati sang iya pangamuyo.
7Tinguhaa nga palanggaon ka sang katilingban,
kag magtahod ka sa tawo nga may awtoridad.
8Pamatii ang imol nga tawo
kag sabta nga may pagtahod ang iya panamyaw.
9Luwasa ang ginapigos sa kamot sang mapiguson,
kag magmalig-on ka sa imo mga paghukom.
10Magmanginkaangay ka sang amay sa mga ilo,
kag magmanginkaangay ka sang maayo nga bana sa mga balo.
Dayon ikaw mangin-anak sang Labing Mataas,
nga ang iya gugma sa imo magalabaw pa sang sa gugma sang imo iloy.
Ang Kaalam subong Manunodlo
11Ang Kaalam nagasagod sang iya mga anak,
kag nagatatap sa mga nagapangita sa iya.
12Ang nagahigugma sang Kaalam nagahigugma sang kabuhi,
ang nagaalagad sa iya sing aga pa mapun-an sing kalipay.
13Ang tawo nga nagaangkon sa iya magaagom sang kadungganan,
bisan diin sia makadto pagabendisyunan sia sang Ginoo.
14Ang mga nagaalagad sa iya nagaalagad sa balaan nga Dios,
kag ang Ginoo nagahigugma sa mga nagahigugma sang Kaalam.
15Ang mga nagatuman sa iya nagahukom sing husto,
kag ang mga nagapamati sa iya magakabuhi nga malig-on.
16Kon itugyan niya ang iya kaugalingon sa Kaalam maangkon niya sia,
kag ipapanubli niya sia sa iya mga kaliwat.
17Bisan sa primero ginatuytuyan sia sang Kaalam sa likuliko nga mga dalan,
nga nagahatag ini sa iya sing kahadlok kag kaluya,
kag ginapaantos sia paagi sa disiplina
tubtob nga masaligan sia sang Kaalam,
kag ginatilawan sia paagi sa mga kabudlayan,
18sa katapusan pabalikon niya sia sa dalan nga matadlong
kag ipahayag sa iya ang tinago sang Kaalam.
19Pero kon magpalayo sia, ang Kaalam magasikway sa iya,
kag pabay-an niya sia kon ano ang iya maabutan.
Kahuloy-an kag ang Tawhanon nga Pagtahod
20Anak ko, gamita sing maayo ang imo tinion kag amligi ang imo kaugalingon batok sa kalautan,
kag indi pagpakahuy-i ang imo kaugalingon.
21Kay may yara nga kahuy-anan nga nagapadulong sa sala,
subong nga may kahuya nga nagapadulong sa kadungganan kag kaayuhan.
22Indi ka magpakita nga ikaw may pinilian sa imo kaugalingon nga kalainan,
kag indi ka magpasugot sang imo kalaglagan.
23Indi ka maghipos kon kinahanglan
kag indi pagtagoa ang imo kaalam.
24Kay ang kaalam makilala paagi sa hambal,
kag ang tinun-an sang isa ka tawo mahibal-an sa iya mga pulong.
25Indi ka magbais batok sa kamatuoran,
kundi magkahuya ka sa imo kulang nga kaalam.
26Indi ka magkahuya sa pagkilala sang imo kaugalingon nga mga sala,
indi ka magtinguha sa pagsumpong batok sa sulog sang suba.
27Indi mo pagpanubuon ang imo kaugalingon sa isa ka buangbuang nga tawo,
kag indi pagpasulabiha ang gamhanan nga tawo.
28Magpakig-away ka tungod sa kamatuoran tubtob sa kamatayon,
kag ang Ginoo nga Dios magapakig-away sa pag-apin sa imo.
29Indi ka magdasudaso sa imo paghambal
pero uyaya kag mapinatumbayaon sa imo bulohaton.
30Indi ka magmangin-isa ka leon sa imo balay
ukon mangin-isa ka talawan sa atubang sang imo mga suloguon.
31Indi#Bin. 20:35. paghumlara ang imo kamot sa pagbaton
kag indi pagkipua ini kon imo na turno ang paghatag.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012