Sirac 3
3
Mga Katungdanan sa mga Ginikanan
1Mga anak, magpamati kamo sa akon nga inyo amay,
tumana ang akon ginasiling sa inyo, kag indi kamo maano.
2Kay ang Ginoo nagapasidungog sa isa ka amay paagi sa iya mga anak,
kag ang katarungan sang isa ka iloy ginakilala sang iya mga anak.
3Ang nagatahod sa iya amay nagaangkon sang kapatawaran sang iya mga sala.
4Kag ang nagapasidungog sang iya iloy kaangay sang isa nga nagatipon sing manggad.
5Ang nagatahod sa iya amay magakalipay upod sa iya kaugalingon nga mga anak
kag pagapamatian sia sa adlaw nga sia magpangamuyo.
6Ang nagapasidungog sang iya amay magakabuhi sing malawig.
Sia nga nagabulig sa iya iloy nagatuman sa Ginoo.
7Nagaalagad sia sa iya mga ginikanan subong sang iya ginahimo sa Ginoo.
8Tahura#Exo. 20:12. ang imo amay sa pulong kag sa buhat,
agod makabaton ka sang iya bendisyon.
9Tungod kay ang bendisyon sang isa ka amay nagapalig-on sang mga panimalay sang iya mga kabataan,
samtang ang pagpakamalaut sang isa ka iloy nagarumpag sang ila mga sadsaran.
10Indi pagpasidunggi ang imo kaugalingon paagi sa pagpakahuya sang imo amay
kay ang kahuy-anan sang imo amay wala nagahatag sang kadungganan sa imo.
11Ang isa ka tawo may dungog kon ginapasidunggan niya ang iya amay,
kag ang mga kabataan nga wala nagatahod sa ila iloy nagadala sing kahuloy-an sa ila mga kaugalingon.
12Anak ko, tatapa ang imo amay sa iya katigulangon,
kag indi sia pagpaugtasa samtang sia nagakabuhi.
13Bisan nga wala na sia sa iya husto nga panghunahuna,
buligan mo sia, kag indi sia pagtamaya samtang mabakod kag maayo ang imo lawas.
14Kay ang kaayo sa isa ka amay indi gid malimtan,
ini manginbayad sa imo mga sala.
15Sa adlaw sang imo kalisdanan, pagadumdomon sang Ginoo ang imo kaayo kag sia magabulig sa imo,
kag ang imo mga sala magakatunaw kaangay sang yelo nga ginainitan.
16Ang tawo nga nagabiya sa iya amay kaangay sang tawo nga nagapasipala sa Dios,
kag ang nagapaakig sa iya iloy ginapakamalaut sang Ginoo.
Ang Pagpaubos
17Anak ko, indi ka magbugalon sa imo mga bulohaton,
kag pagapalanggaon ikaw labi pa sang sa nagapatuyang nga manughatag.
18Sa#Fil. 2:3. nagadaku ikaw labi pa gid nga magpaubos ka,
kag dayon ang Ginoo magapakita sang iya kaayo sa imo.#3:18 Ang iban nga mga manuskrito sa Griego nagadugang sang bersikulo 19: Madamo ang ginabayaw kag ginahangad, pero ang sekrito sang Dios ginapahayag sa mapainuboson; sa Hebreo: ang kaluoy sang Dios daku, kag ginapahayag niya ang iya sekrito sa ila nga mapainuboson.
20Bisan nga daku ang gahom sang Ginoo,
ginabaton niya ang pagsimba sang mapainuboson.
21Indi ka magtinguha sa paghangop sang mga butang nga tama kabudlay para sa imo,
kag indi ka mag-usisa sang labaw sa imo masarangan.
22Hunahunaa#Deut. 29:29. ang Kasugoan nga ginhatag sa imo,
indi pagpaligbi ang mga butang nga wala ginpahayag sang Ginoo sa imo.
23Indi pagpasilabti ang mga bagay nga indi mo masarangan,
ang gintudlo sa imo labaw na sang masarangan sang tawhanon nga painuino.
24Madamo ang napatalang paagi sa ila pagpakutpakot,
kag ang sayop nga panghunahuna nagbaylo sang ila paghukom.#3:24 Ang iban nga mga manuskrito sang Griego nagadugang sang bersikulo 25: Kon wala ikaw mata, indi ikaw makakita, indi ka magsugid nga may kaalam ka kon wala ka sini. 26Ang matig-a sing tagipusoon may malain nga maabutan sa katapusan,
kag ang nagahigugma sang katalagman mapatay paagi sina.
27Ang matig-a sing tagipusoon nagadala sing mabug-at nga mga palaligban,
ang makasasala nagapadayon sa pagpakasala.
28Wala sing bulong para sa masakit sang isa ka tawo nga bugalon,
tungod kay ang kalautan nakapanggamot na sa iya.
29Ang may paghangop nga tawo magahupot sang maayo nga mga pulong sa iya tagipusoon,
ang nagapamati nga dulonggan amo ang ginahandom sang maalam.
Ang Paghatag sa mga Imol
30Subong nga ang tubig nagapalong sang nagadabadaba nga kalayo,
amo man ang paglimos nagabayad sang sala.
31Ang nagabalos sang maayo nga mga binuhatan nagadumdom sang palaabuton,
sa tion sang iya pagkapukan may makita sia nga dalangpan.
Currently Selected:
Sirac 3: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Sirac 3
3
Mga Katungdanan sa mga Ginikanan
1Mga anak, magpamati kamo sa akon nga inyo amay,
tumana ang akon ginasiling sa inyo, kag indi kamo maano.
2Kay ang Ginoo nagapasidungog sa isa ka amay paagi sa iya mga anak,
kag ang katarungan sang isa ka iloy ginakilala sang iya mga anak.
3Ang nagatahod sa iya amay nagaangkon sang kapatawaran sang iya mga sala.
4Kag ang nagapasidungog sang iya iloy kaangay sang isa nga nagatipon sing manggad.
5Ang nagatahod sa iya amay magakalipay upod sa iya kaugalingon nga mga anak
kag pagapamatian sia sa adlaw nga sia magpangamuyo.
6Ang nagapasidungog sang iya amay magakabuhi sing malawig.
Sia nga nagabulig sa iya iloy nagatuman sa Ginoo.
7Nagaalagad sia sa iya mga ginikanan subong sang iya ginahimo sa Ginoo.
8Tahura#Exo. 20:12. ang imo amay sa pulong kag sa buhat,
agod makabaton ka sang iya bendisyon.
9Tungod kay ang bendisyon sang isa ka amay nagapalig-on sang mga panimalay sang iya mga kabataan,
samtang ang pagpakamalaut sang isa ka iloy nagarumpag sang ila mga sadsaran.
10Indi pagpasidunggi ang imo kaugalingon paagi sa pagpakahuya sang imo amay
kay ang kahuy-anan sang imo amay wala nagahatag sang kadungganan sa imo.
11Ang isa ka tawo may dungog kon ginapasidunggan niya ang iya amay,
kag ang mga kabataan nga wala nagatahod sa ila iloy nagadala sing kahuloy-an sa ila mga kaugalingon.
12Anak ko, tatapa ang imo amay sa iya katigulangon,
kag indi sia pagpaugtasa samtang sia nagakabuhi.
13Bisan nga wala na sia sa iya husto nga panghunahuna,
buligan mo sia, kag indi sia pagtamaya samtang mabakod kag maayo ang imo lawas.
14Kay ang kaayo sa isa ka amay indi gid malimtan,
ini manginbayad sa imo mga sala.
15Sa adlaw sang imo kalisdanan, pagadumdomon sang Ginoo ang imo kaayo kag sia magabulig sa imo,
kag ang imo mga sala magakatunaw kaangay sang yelo nga ginainitan.
16Ang tawo nga nagabiya sa iya amay kaangay sang tawo nga nagapasipala sa Dios,
kag ang nagapaakig sa iya iloy ginapakamalaut sang Ginoo.
Ang Pagpaubos
17Anak ko, indi ka magbugalon sa imo mga bulohaton,
kag pagapalanggaon ikaw labi pa sang sa nagapatuyang nga manughatag.
18Sa#Fil. 2:3. nagadaku ikaw labi pa gid nga magpaubos ka,
kag dayon ang Ginoo magapakita sang iya kaayo sa imo.#3:18 Ang iban nga mga manuskrito sa Griego nagadugang sang bersikulo 19: Madamo ang ginabayaw kag ginahangad, pero ang sekrito sang Dios ginapahayag sa mapainuboson; sa Hebreo: ang kaluoy sang Dios daku, kag ginapahayag niya ang iya sekrito sa ila nga mapainuboson.
20Bisan nga daku ang gahom sang Ginoo,
ginabaton niya ang pagsimba sang mapainuboson.
21Indi ka magtinguha sa paghangop sang mga butang nga tama kabudlay para sa imo,
kag indi ka mag-usisa sang labaw sa imo masarangan.
22Hunahunaa#Deut. 29:29. ang Kasugoan nga ginhatag sa imo,
indi pagpaligbi ang mga butang nga wala ginpahayag sang Ginoo sa imo.
23Indi pagpasilabti ang mga bagay nga indi mo masarangan,
ang gintudlo sa imo labaw na sang masarangan sang tawhanon nga painuino.
24Madamo ang napatalang paagi sa ila pagpakutpakot,
kag ang sayop nga panghunahuna nagbaylo sang ila paghukom.#3:24 Ang iban nga mga manuskrito sang Griego nagadugang sang bersikulo 25: Kon wala ikaw mata, indi ikaw makakita, indi ka magsugid nga may kaalam ka kon wala ka sini. 26Ang matig-a sing tagipusoon may malain nga maabutan sa katapusan,
kag ang nagahigugma sang katalagman mapatay paagi sina.
27Ang matig-a sing tagipusoon nagadala sing mabug-at nga mga palaligban,
ang makasasala nagapadayon sa pagpakasala.
28Wala sing bulong para sa masakit sang isa ka tawo nga bugalon,
tungod kay ang kalautan nakapanggamot na sa iya.
29Ang may paghangop nga tawo magahupot sang maayo nga mga pulong sa iya tagipusoon,
ang nagapamati nga dulonggan amo ang ginahandom sang maalam.
Ang Paghatag sa mga Imol
30Subong nga ang tubig nagapalong sang nagadabadaba nga kalayo,
amo man ang paglimos nagabayad sang sala.
31Ang nagabalos sang maayo nga mga binuhatan nagadumdom sang palaabuton,
sa tion sang iya pagkapukan may makita sia nga dalangpan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012