Sirac 17
17
1Ang#Gen. 1:26-28; 2:7. Ginoo nagahimo sang tawo gikan sa duta
kag sa duta man ginapabalik.
2Ginpat-od niya ang kalawigon sang kabuhi sang mga tawo,
kag ginhatagan sila sing awtoridad sa tanan nga mga butang sa duta.
3Ginpabayuan niya sila sing kusog kaangay sang iya kaugalingon,
kag ginhimo niya sila kaangay sa iya dagway.
4Ginbutang niya sa tanan nga mga tinuga ang pagkahadlok sa tawo,
kag ginhimo sia nga agalon sang mga kasapatan kag mga kapispisan.#17:4 Ang iban nga mga manuskrito nagadugang sang bersikulo 5: Ang Ginoo naghatag sa ila sang lima ka igdulongog, pero ginhatagan sila niya sang ikaanom nga igdulongog nga amo ang kaalam, kag ang ikapito nga amo ang painuino, nga amo ang makabulig sa ila sa pagsaysay kon ano ang nagaabot sa ila paagi sa igdulongog.
6Ginhatagan niya sila sing baba kag dila, mga mata kag mga dulonggan,
kag ginhatagan niya sila sing tagipusoon nga mahinangpanon.
7Ginpuno#Gen. 2:17. niya sila sing ihibalo kag paghangop
kag ginpahayag sa ila ang maayo kag malaut.
8Gin-iwagan niya ang ila mga tagipusoon,
sa pagpakita sa ila sang pagkadaku sang iya mga binuhatan.#17:8 Ang iban nga mga manuskrito nagadugang sang bersikulo 9: Kag ginpahanugotan niya sila sa pagpabugal sa walay katapusan sang iya makatilingala nga mga buhat.
10Pagadayawon nila ang iya balaan nga ngalan,
samtang nagasugid sila sang pagkadaku sang iya mga binuhatan.
11Ginhatagan man niya sila sing ihibalo
kag ginhatagan sila sing kasugoan sang kabuhi.
12Naghimo sia sing walay katapusan nga kasugtanan upod sa ila,
kag ginpahayag sa ila ang iya mga sugo.
13Nakita nila ang iya mahimayaon nga pagkahari,
nabatian nila ang himaya sang iya tingog.
14Ginsingganan niya sila, “Mag-andam kamo sa tanan nga buhat nga malain,”
kag gintudloan niya ang tagsa ka tawo sang iya katungdanan sa iya isigkatawo.
Ang Dios Hukom
15Ang ila mga ginahimo indi malipdan sa iya mga mata,
indi gid matago sa iya panulok.#17:15 Ang iban nga mga manuskrito nagadugang sang mga bersikulo 16-17a: 16 Halin sa pagkabata nagpadayon sila sa ila pagkamalaut, ang ila mga tagipusoon pareho sang bato, kag daw indi nila mahimo nga magpakatawo. 17 Iya ginpihak ang mga pungsod sang bug-os nga kalibutan.
Para sa tagsa ka pungsod nagpili sia sing pangulo,
pero ginpili niya ang Israel nga mangin-iya kaugalingon.#17:17 Ang iban nga mga manuskrito nagadugang sang bersikulo 18: Si Israel ang iya panganay nga iya ginadisiplina samtang ginapadaku, ginahatagan sia niya sang kapawa sang iya paghigugma kag wala gid ginpabayaan.
19Ang tanan nga ginahimo nila maathag sa iya subong sang kapawa sang adlaw,
kag nagapadayon sia sa pagtan-aw sang ila mga pagginawi.
20Ang ila malain nga ginahimo indi matago sa Ginoo,
ginatan-aw niya ang ila mga sala.#17:20 Ang iban nga mga manuskrito nagadugang sang bersikulo 21: Kay ang Ginoo maluloy-on kag kahibalo sang iya mga tinuga, gani iya sila ginluwas kag wala sila ginpabayaan. 22Ang paghatag sa mga kubos ginapakamahal niya subong sang singsing nga inugpat-in,
kag ang iya pagkaalwan subong sang tawotawo sang iya mata.
23Sa ulihi magabangon sia sa pagbalos sa ila,
kag magatupa sa ila ang ila nagakaigo nga silot.
24Pero ginabuksan niya ang kahigayunan sa mga mahinulsulon sa pagbalik sa iya,
kag nagahatag sia sing pagpabakod sa mga nadulaan sing paglaom.
Ang Pagtawag sa Paghinulsol
25Magbalik#Jer. 3:12. sa Ginoo kag magbiya sa sala,
magpangamuyo ka sa iya atubang kag magabuhin ang imo sala.
26Magbalik sa Labing Mataas kag isikway ang kalautan,
kag kangil-ari ang tanan nga kalautan.
27Sin-o#Sal. 6:5; Isa. 38:18; Bar. 2:17-18. bala ang magadayaw sa Labing Mataas sa lugar sang mga patay,
kon ang mga buhi indi maghimo sini paagi sa paghimaya sa iya?
28Ang patay kag ang tanan nga nagtaliwan na wala na nagadayaw.
Nagadayaw lamang sa Ginoo ang mga buhi kag ang may maayo sing kalawasan.
29Daw ano ka daku sang kaluoy sang Ginoo
kag sang iya pagpatawad sa mga nagabalik sa iya!
30Ang tawo indi makaangkon sang tanan nga butang,
kay ang tawo mamalatyon.
31May mas masanag pa bala sang sa adlaw? Pero nagadulom ini kon may eklipsi.
Ang unod kag ang dugo nagahunahuna sing malaut lamang.
32Ang Ginoo nagapanilag sang mga hangaway sang mataas nga kalangitan.
Pero ang tanan nga mga tawo mga yab-ok lamang kag abo.
Currently Selected:
Sirac 17: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Sirac 17
17
1Ang#Gen. 1:26-28; 2:7. Ginoo nagahimo sang tawo gikan sa duta
kag sa duta man ginapabalik.
2Ginpat-od niya ang kalawigon sang kabuhi sang mga tawo,
kag ginhatagan sila sing awtoridad sa tanan nga mga butang sa duta.
3Ginpabayuan niya sila sing kusog kaangay sang iya kaugalingon,
kag ginhimo niya sila kaangay sa iya dagway.
4Ginbutang niya sa tanan nga mga tinuga ang pagkahadlok sa tawo,
kag ginhimo sia nga agalon sang mga kasapatan kag mga kapispisan.#17:4 Ang iban nga mga manuskrito nagadugang sang bersikulo 5: Ang Ginoo naghatag sa ila sang lima ka igdulongog, pero ginhatagan sila niya sang ikaanom nga igdulongog nga amo ang kaalam, kag ang ikapito nga amo ang painuino, nga amo ang makabulig sa ila sa pagsaysay kon ano ang nagaabot sa ila paagi sa igdulongog.
6Ginhatagan niya sila sing baba kag dila, mga mata kag mga dulonggan,
kag ginhatagan niya sila sing tagipusoon nga mahinangpanon.
7Ginpuno#Gen. 2:17. niya sila sing ihibalo kag paghangop
kag ginpahayag sa ila ang maayo kag malaut.
8Gin-iwagan niya ang ila mga tagipusoon,
sa pagpakita sa ila sang pagkadaku sang iya mga binuhatan.#17:8 Ang iban nga mga manuskrito nagadugang sang bersikulo 9: Kag ginpahanugotan niya sila sa pagpabugal sa walay katapusan sang iya makatilingala nga mga buhat.
10Pagadayawon nila ang iya balaan nga ngalan,
samtang nagasugid sila sang pagkadaku sang iya mga binuhatan.
11Ginhatagan man niya sila sing ihibalo
kag ginhatagan sila sing kasugoan sang kabuhi.
12Naghimo sia sing walay katapusan nga kasugtanan upod sa ila,
kag ginpahayag sa ila ang iya mga sugo.
13Nakita nila ang iya mahimayaon nga pagkahari,
nabatian nila ang himaya sang iya tingog.
14Ginsingganan niya sila, “Mag-andam kamo sa tanan nga buhat nga malain,”
kag gintudloan niya ang tagsa ka tawo sang iya katungdanan sa iya isigkatawo.
Ang Dios Hukom
15Ang ila mga ginahimo indi malipdan sa iya mga mata,
indi gid matago sa iya panulok.#17:15 Ang iban nga mga manuskrito nagadugang sang mga bersikulo 16-17a: 16 Halin sa pagkabata nagpadayon sila sa ila pagkamalaut, ang ila mga tagipusoon pareho sang bato, kag daw indi nila mahimo nga magpakatawo. 17 Iya ginpihak ang mga pungsod sang bug-os nga kalibutan.
Para sa tagsa ka pungsod nagpili sia sing pangulo,
pero ginpili niya ang Israel nga mangin-iya kaugalingon.#17:17 Ang iban nga mga manuskrito nagadugang sang bersikulo 18: Si Israel ang iya panganay nga iya ginadisiplina samtang ginapadaku, ginahatagan sia niya sang kapawa sang iya paghigugma kag wala gid ginpabayaan.
19Ang tanan nga ginahimo nila maathag sa iya subong sang kapawa sang adlaw,
kag nagapadayon sia sa pagtan-aw sang ila mga pagginawi.
20Ang ila malain nga ginahimo indi matago sa Ginoo,
ginatan-aw niya ang ila mga sala.#17:20 Ang iban nga mga manuskrito nagadugang sang bersikulo 21: Kay ang Ginoo maluloy-on kag kahibalo sang iya mga tinuga, gani iya sila ginluwas kag wala sila ginpabayaan. 22Ang paghatag sa mga kubos ginapakamahal niya subong sang singsing nga inugpat-in,
kag ang iya pagkaalwan subong sang tawotawo sang iya mata.
23Sa ulihi magabangon sia sa pagbalos sa ila,
kag magatupa sa ila ang ila nagakaigo nga silot.
24Pero ginabuksan niya ang kahigayunan sa mga mahinulsulon sa pagbalik sa iya,
kag nagahatag sia sing pagpabakod sa mga nadulaan sing paglaom.
Ang Pagtawag sa Paghinulsol
25Magbalik#Jer. 3:12. sa Ginoo kag magbiya sa sala,
magpangamuyo ka sa iya atubang kag magabuhin ang imo sala.
26Magbalik sa Labing Mataas kag isikway ang kalautan,
kag kangil-ari ang tanan nga kalautan.
27Sin-o#Sal. 6:5; Isa. 38:18; Bar. 2:17-18. bala ang magadayaw sa Labing Mataas sa lugar sang mga patay,
kon ang mga buhi indi maghimo sini paagi sa paghimaya sa iya?
28Ang patay kag ang tanan nga nagtaliwan na wala na nagadayaw.
Nagadayaw lamang sa Ginoo ang mga buhi kag ang may maayo sing kalawasan.
29Daw ano ka daku sang kaluoy sang Ginoo
kag sang iya pagpatawad sa mga nagabalik sa iya!
30Ang tawo indi makaangkon sang tanan nga butang,
kay ang tawo mamalatyon.
31May mas masanag pa bala sang sa adlaw? Pero nagadulom ini kon may eklipsi.
Ang unod kag ang dugo nagahunahuna sing malaut lamang.
32Ang Ginoo nagapanilag sang mga hangaway sang mataas nga kalangitan.
Pero ang tanan nga mga tawo mga yab-ok lamang kag abo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012