Sirac 16
16
Ang Silot sang Dios sa mga Malaut
1Indi ka maghandom sang madamo nga mga kabataan nga wala sing pulos,
kag indi ka magkalipay sa imo mga anak nga di-diosnon.
2Bisan daw ano kadamo sa ila, indi ka maghunahuna nga malipayon ka,
luas kon nagatahod sila sa Ginoo.
3Indi ka magsalig sa ila malawig nga kabuhi
ukon ibutang mo ang imo paglaom sa ila palaabuton.
kay mas maayo pa ang isa ka anak nga nagatahod sa Ginoo,
sang sa isa ka libo nga wala nagatahod sa iya.
Mas maayo pa nga mapatay nga wala sing anak
sang sa may mga anak nga di-diosnon.
4Ang mga pumoluyo sang isa ka siudad maghimo nga magdamo tungod sang kaalam sang isa ka tawo,
pero ang mga kaliwat sang mga tawo nga di-diosnon magakalamatay.
5Madamo sini ang nakita sang akon kaugalingon nga mga mata,
kag sobra pa sini ang nabatian sang akon mga dulonggan.
6Ang kalayo magadabdab sa katilingban sang mga makasasala.
Ang kaakig nagbalingaso sa isa ka pungsod nga rebelde.
7Wala#Gen. 6:4; Klm. Sol. 14:6. ginpatawad sang Dios ang mga higante sang una
nga nagrebelde tungod sa ila pagsalig sa ila kusog.
8Wala niya ginluwas ang mga tawo nga nag-estar upod kay Lot
nga ginkangil-aran sang Dios tungod sang ila pagkabugalon.
9Wala sia sing kaluoy para sa pungsod nga gintalana nga pagalaglagon,
nga ginpapas tungod sang ila mga sala,
10wala man sia sing kaluoy sa sais sientos mil ka mga hangaway
nga nagtingob sa pagkatig-a sang ila ulo.
11Bisan may isa lang ka tawo nga matig-a sing ulo,
manginmakatilingala kon makaluwas sia sa silot.
Kay ang kaluoy kag ang kaakig nagagikan sa Ginoo,
may gahom sia sa pagpatawad kag sa pagkaakig.
12Ang iya kaluoy daku, pero daku man ang iya pagdisiplina.
Ginahukman niya ang tawo suno sa iya mga binuhatan.
13Wala niya ginatugoti nga makapalagyo ang isa ka makasasala upod sa iya kinawatan
kag wala man niya ginapabay-an nga indi mapadyaan ang pagpasensya sang mga diosnon.
14Nagabukas sia sing kahigayunan sa tagsa ka buhat sang kaluoy,
kag ginahimo sang Dios sa tagsatagsa ang nagakabagay sa iya.#16:14 Ang iban nga mga manuskrito nagadugang sang mga bersikulo 15-16: Ang Ginoo nagpatig-a sa hari sang Ehipto nga indi niya ginkilala ang Ginoo, agod nga ang kalibutan magakilala sang mga binuhatan sang Ginoo. 16 Ginapakita niya ang iya kaluoy sa tanan nga mga tinuga, kag ginbahin niya ang iya kasanag sa kadulom paagi sa tunton.
Pat-od nga Balos
17Indi ka magsiling, “Manago ako sa Ginoo,
sin-o bala ang makadumdom sa akon didto sa langit?
Indi ako matalupangdan tungod sang kadamuon,
ano man lang ako kon ipaanggid sa tama kadamo nga mga tinuga?”
18Tan-awa bala, ang kahawaan kag ang mga kalangitan sa ibabaw,
ang kadadalman kag ang duta nagakurog sa iya pag-abot.
19Ang mga kabukiran kag ang mga sadsaran sang duta
nagakurog kon tulokon niya sila.
20“Sin-o bala ang nagatalupangod sini nga mga butang?
Sin-o bala ang nagatinguha sa paghangop sang iya pagginawi?
21Kaangay sang mabaskog nga hangin nga indi makita,
subong man ang kalabanan sang iya ginahimo indi mahibaluan.
22“Sin-o bala ang magasugid kon nahimo ang matarong?
Sin-o bala ang magapaabot sini? Ang kasugtanan tama kalayo.”
23Amo ini ang mga panghunahuna sang tawo nga kulang sa alam,
ang dasudaso nga tawo nga nagatalang kag nanamian sang iya mga kabuangan.
Ang Kaalam sang Dios sa mga Tinuga
24Magpamati ka sa akon, anak ko, kag magtuon ka sing kaalam,
talupangda sing maayo ang akon ginasiling.
25Ipakita ko sa imo ang husto nga disiplina,
kag tudloan ko ikaw sang nagakaigo nga ihibalo.
26Sang pagtuga sang Dios sang iya mga binuhatan sa ginsugoran,
ginhatagan niya sila sang ila mga bulohaton sa tapos sila gintuga.
27Ginpat-od niya sa ila ang ila mga bulohaton sa tanan nga panahon,
halin sa ginsugoran tubtob sa palaabuton.
Wala sila ginagutom kag wala ginakapoy,
kag wala gid nila ginapatumbayaan ang ila mga katungdanan.
28Wala sila nagabunggoanay,
wala gid sila nagasupak sang iya sugo.
29Dayon gintan-aw sang Ginoo ang duta
kag ginpuno niya ini sing maayo nga mga butang.
30Ginpuno niya ang duta sang tagsa ka sahi sang mga sapat,
kag sa sini man nga duta sila magabalik.
Currently Selected:
Sirac 16: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Sirac 16
16
Ang Silot sang Dios sa mga Malaut
1Indi ka maghandom sang madamo nga mga kabataan nga wala sing pulos,
kag indi ka magkalipay sa imo mga anak nga di-diosnon.
2Bisan daw ano kadamo sa ila, indi ka maghunahuna nga malipayon ka,
luas kon nagatahod sila sa Ginoo.
3Indi ka magsalig sa ila malawig nga kabuhi
ukon ibutang mo ang imo paglaom sa ila palaabuton.
kay mas maayo pa ang isa ka anak nga nagatahod sa Ginoo,
sang sa isa ka libo nga wala nagatahod sa iya.
Mas maayo pa nga mapatay nga wala sing anak
sang sa may mga anak nga di-diosnon.
4Ang mga pumoluyo sang isa ka siudad maghimo nga magdamo tungod sang kaalam sang isa ka tawo,
pero ang mga kaliwat sang mga tawo nga di-diosnon magakalamatay.
5Madamo sini ang nakita sang akon kaugalingon nga mga mata,
kag sobra pa sini ang nabatian sang akon mga dulonggan.
6Ang kalayo magadabdab sa katilingban sang mga makasasala.
Ang kaakig nagbalingaso sa isa ka pungsod nga rebelde.
7Wala#Gen. 6:4; Klm. Sol. 14:6. ginpatawad sang Dios ang mga higante sang una
nga nagrebelde tungod sa ila pagsalig sa ila kusog.
8Wala niya ginluwas ang mga tawo nga nag-estar upod kay Lot
nga ginkangil-aran sang Dios tungod sang ila pagkabugalon.
9Wala sia sing kaluoy para sa pungsod nga gintalana nga pagalaglagon,
nga ginpapas tungod sang ila mga sala,
10wala man sia sing kaluoy sa sais sientos mil ka mga hangaway
nga nagtingob sa pagkatig-a sang ila ulo.
11Bisan may isa lang ka tawo nga matig-a sing ulo,
manginmakatilingala kon makaluwas sia sa silot.
Kay ang kaluoy kag ang kaakig nagagikan sa Ginoo,
may gahom sia sa pagpatawad kag sa pagkaakig.
12Ang iya kaluoy daku, pero daku man ang iya pagdisiplina.
Ginahukman niya ang tawo suno sa iya mga binuhatan.
13Wala niya ginatugoti nga makapalagyo ang isa ka makasasala upod sa iya kinawatan
kag wala man niya ginapabay-an nga indi mapadyaan ang pagpasensya sang mga diosnon.
14Nagabukas sia sing kahigayunan sa tagsa ka buhat sang kaluoy,
kag ginahimo sang Dios sa tagsatagsa ang nagakabagay sa iya.#16:14 Ang iban nga mga manuskrito nagadugang sang mga bersikulo 15-16: Ang Ginoo nagpatig-a sa hari sang Ehipto nga indi niya ginkilala ang Ginoo, agod nga ang kalibutan magakilala sang mga binuhatan sang Ginoo. 16 Ginapakita niya ang iya kaluoy sa tanan nga mga tinuga, kag ginbahin niya ang iya kasanag sa kadulom paagi sa tunton.
Pat-od nga Balos
17Indi ka magsiling, “Manago ako sa Ginoo,
sin-o bala ang makadumdom sa akon didto sa langit?
Indi ako matalupangdan tungod sang kadamuon,
ano man lang ako kon ipaanggid sa tama kadamo nga mga tinuga?”
18Tan-awa bala, ang kahawaan kag ang mga kalangitan sa ibabaw,
ang kadadalman kag ang duta nagakurog sa iya pag-abot.
19Ang mga kabukiran kag ang mga sadsaran sang duta
nagakurog kon tulokon niya sila.
20“Sin-o bala ang nagatalupangod sini nga mga butang?
Sin-o bala ang nagatinguha sa paghangop sang iya pagginawi?
21Kaangay sang mabaskog nga hangin nga indi makita,
subong man ang kalabanan sang iya ginahimo indi mahibaluan.
22“Sin-o bala ang magasugid kon nahimo ang matarong?
Sin-o bala ang magapaabot sini? Ang kasugtanan tama kalayo.”
23Amo ini ang mga panghunahuna sang tawo nga kulang sa alam,
ang dasudaso nga tawo nga nagatalang kag nanamian sang iya mga kabuangan.
Ang Kaalam sang Dios sa mga Tinuga
24Magpamati ka sa akon, anak ko, kag magtuon ka sing kaalam,
talupangda sing maayo ang akon ginasiling.
25Ipakita ko sa imo ang husto nga disiplina,
kag tudloan ko ikaw sang nagakaigo nga ihibalo.
26Sang pagtuga sang Dios sang iya mga binuhatan sa ginsugoran,
ginhatagan niya sila sang ila mga bulohaton sa tapos sila gintuga.
27Ginpat-od niya sa ila ang ila mga bulohaton sa tanan nga panahon,
halin sa ginsugoran tubtob sa palaabuton.
Wala sila ginagutom kag wala ginakapoy,
kag wala gid nila ginapatumbayaan ang ila mga katungdanan.
28Wala sila nagabunggoanay,
wala gid sila nagasupak sang iya sugo.
29Dayon gintan-aw sang Ginoo ang duta
kag ginpuno niya ini sing maayo nga mga butang.
30Ginpuno niya ang duta sang tagsa ka sahi sang mga sapat,
kag sa sini man nga duta sila magabalik.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012