Bugna 17
17
Ang Bantog nga Babayi nga Nagabaligya sang Iya Dungog
1Dayon#Jer. 51:13. ang isa sang pito ka mga anghel nga may pito ka mga yahong nagkadto sa akon kag nagsiling, “Dali ka kag ipakita ko sa imo kon paano pagasilutan ang bantog nga babayi nga nagabaligya sang iya dungog, inang daku nga siudad nga ginpatindog malapit sa madamo nga mga suba. 2Ang#Isa. 23:17; Jer. 51:7. mga hari sang duta nagpakighilawas sa sining babayi, kag ang mga tawo sang kalibutan nagkalahubog sa pag-inom sang bino sang iya pagpakighilawas.”
3Gingamhan#Bug. 13:1. ako sang Espiritu, kag gindala ako sang anghel sa desierto. Didto nakita ko ang isa ka babayi nga nagapungko sa pula nga sapat nga nasulatan sang mga ngalan sa iya bug-os nga lawas, nga nagapakamalaut sa Dios. Ang sapat may pito ka mga ulo kag napulo ka mga sungay. 4Ang#Jer. 51:7. babayi nagabayo sing granate kag pula, nga napamugtakan sang mga bulawan, malahalon nga mga bato, kag mga perlas. May ginauyatan sia nga kupa nga bulawan nga puno sang malaw-ay kag mahigko nga mga butang nga bunga sang iya pagpakighilawas. 5Sa iya agtang nasulat ang ngalan nga may tinago nga kahulogan nga amo ang masunod: “Ang daku nga Babilonia, iloy sang tanan nga mga babayi nga nagabaligya sang ila dungog, kag mga tawo sang kalibutan nga nagahimo sing kangil-aran sa ila kapareho.” 6Nakita ko nga ang babayi nahubog sang dugo sang mga tumoluo, kag sang dugo sang mga ginpamatay tungod sang ila pag-unong kay Jesus.
Daku gid ang akon katingala sang pagkakita ko sa iya. 7Ginpamangkot ako sang anghel, “Ngaa nga natingala ka? Sugiran ko ikaw sang tinago nga kahulogan sang babayi kag sang sapat nga iya ginasakyan, ang sapat nga may pito ka mga ulo kag napulo ka mga sungay. 8Ang#Dan. 7:7; Bug. 11:7; Sal. 69:28. sapat nga imo nakita buhi sadto anay, pero karon patay na. Manuggowa na ini halin sa buho nga tama ka dalom kag ini pagalaglagon. Ang mga tawo nga nagakabuhi diri sa duta, nga ang ila mga ngalan wala masulat sa libro sang kabuhi sa wala pa matuga ang kalibutan, matingala gid sa ila pagtulok sa sapat. Kay sadto anay buhi ini, pero karon patay na, kag magapakita pa ini liwat.
9“Nagakinahanglan ini sing kaalam kag paghangop. Ang pito ka mga ulo amo ang pito ka mga bakulod nga ginapungkuan sang babayi. Sila amo man ang pito ka mga hari: 10ang lima sa ila napukan, ang isa nagagahom pa, kag ang isa wala pa makaabot. Kon mag-abot sia, magagahom sia sa indi lamang madugay. 11Kag ang sapat nga sadto anay buhi, pero karon patay na, amo ang ikawalo nga hari nga isa sang pito ka mga hari, kag ini sia pagalaglagon.
12“Ang#Dan. 7:24. napulo ka mga sungay nga imo nakita amo ang napulo ka mga hari nga wala pa makasugod sa paggahom, pero pagahatagan sila sing awtoridad sa paggahom subong mga hari sa sulod sang isa ka oras upod sa sapat. 13Ining napulo ka mga hari may isa lamang ka tinutuyo, kag ginhatag nila ang ila gahom kag awtoridad sa sapat. 14Magapakig-away sila batok sa Kordero, pero ang Kordero kag ang iya matutom nga mga sumolunod nga iya pinili kag tinawag, magadaog sa ila. Kay ang Kordero amo ang Ginoo sang mga ginoo kag ang Hari sang mga hari.”
15Nagsiling man sa akon ang anghel: “Ang mga tubig nga imo nakita diin nagapungko ang babayi nga nagabaligya sang iya dungog, amo ang mga kapungsoran, mga katawhan, mga rasa, kag mga linggwahe. 16Ang napulo ka mga sungay nga imo nakita, kag ang sapat, magadumot sa babayi nga nagabaligya sang iya dungog. Pagakuhaon nila ang tanan nga yara sa iya kag bayaan nila sia nga hublas. Pagakaunon nila ang iya unod, kag sunogon nila sia sa kalayo. 17Kay ang Dios nagbutang sing handom sa ila mga tagipusoon sa pagtuman sang iya tinutuyo, paagi sa ila paghilisugot kag pagtugyan sa sapat sang ila gahom sa pagdumala, tubtob matuman ang ginsiling sang Dios.
18“Ang babayi nga imo nakita amo ang daku nga siudad nga nagagahom sa mga hari sang duta.”
Currently Selected:
Bugna 17: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
