Numeros 19
19
Ang Abo sang Baka nga Pula
1Ang Ginoo nagsugo kay Moises kag kay Aaron, 2“Ihatag sa mga Israelinhon ang masunod nga mga pagsulondan: Singgana sila nga magdala sa inyo sang baka nga pula nga wala sing bisan ano nga depekto kag wala pa matakdi sing gota, 3kag ihatag ninyo ini sa kay Eleazar nga pari. Pagadalhon ini sa gwa sang kampo kag pagaihawon sa iya atubang.#19:3 Pagadalhon…atubang: ukonDalhon niya ini sa gwa sa sidlangan sang kampo kag ihawon ini. 4Dayon si Eleazar magakuha sang dugo sini kag paagi sa iya tudlo iwisik ini sing makapito sa atubangan sang Tolda sang akon presensya. 5Ang bilog nga sapat lakip ang panit, ang karne, ang dugo, kag ang mga kasudlan, pagasunogon sa atubang sang pari. 6Dayon magakuha sia sing kahoy nga sedro, isa ka salingsing sang tanom nga isopo, kag pula nga panapton kag ihaboy ini tanan sa tunga sang ginasunog nga baka. 7Sa tapos sini, kinahanglan labhan niya ang iya mga bayu kag magpaligo sia sa tubig, kag dayon sarang na sia makasulod sa kampo, pero magapabilin sia nga di-matinlo tubtob sa gab-i. 8Ang tawo nga nagsunog sang baka kinahanglan maglaba man sang iya mga bayu kag magpaligo sa tubig, pero magapabilin man sia nga di-matinlo tubtob sa gab-i. 9Dayon#Heb. 9:13. ang isa ka tawo nga matinlo magtipon sang mga abo sang baka kag ibutang niya ini sa isa ka matinlo nga duog sa gwa sang kampo, sa diin pagataguon ini para sa katilingban sang mga Israelinhon, agod gamiton sa pagtimpla sang tubig nga ginagamit sa pagkuha sang pagkadi-matinlo. Ini nga tulomanon ginahimo sa pagkuha sang sala. 10Ang tawo nga nagtipon sang mga abo kinahanglan maglaba sang iya mga bayu, pero magapabilin sia nga di-matinlo tubtob sa gab-i. Ini nga pagsulondan pagatumanon sang mga Israelinhon kag sang mga dumoluong nga nagaestar upod sa ila sa tanan nga panahon nga palaabuton.
Ang Pagtandog sang Isa ka Bangkay
11“Ang bisan sin-o nga makatandog sang isa ka bangkay, mangindi-matinlo sa sulod sang pito ka adlaw. 12Kinahanglan magpaninlo sia sang iya kaugalingon sang tubig nga ginagamit sa pagpaninlo sa ikatlo nga adlaw kag ikapito nga adlaw, kag dayon manginmatinlo sia. Pero kon indi sia magpaninlo sang iya kaugalingon sa ikatlo kag ikapito nga adlaw, indi sia manginmatinlo. 13Ang bisan sin-o nga makatandog sang isa ka bangkay kag wala nagapaninlo sang iya kaugalingon magapabilin nga di-matinlo, tungod kay wala sia mawisiki sang tubig nga ginagamit sa pagpaninlo. Gindagtaan niya ang Tolda sang Ginoo kag indi na sia pagkabigon nga isa sang mga tawo sang Dios.
14“Nahanungod sang tawo nga napatay sa isa ka tolda, ang bisan sin-o nga yara sa sulod sang tolda sa tion sang pagkapatay ukon ang bisan sin-o nga makasulod sa tolda mangindi-matinlo sa sulod sang pito ka adlaw. 15Ang tagsa ka banga ukon kolon sa sulod sang tolda nga wala sing takop mangindi-matinlo man. 16Ang bisan sin-o nga nakatandog sang tawo nga ginpatay ukon sang tawo nga napatay sa wayang ukon ang bisan sin-o nga nakatandog sang tul-an sang tawo ukon sang isa ka lulobngan, ina nga tawo mangindi-matinlo sa sulod sang pito ka adlaw.
17“Sa pagkuha sang pagkadi-matinlo, kuhaon ang abo sang baka nga pula nga ginsunog sa pagkuha sang sala, kag ibutang ini sa kolon kag buboan sang tab-ang nga tubig. 18Nahauna, ang tawo nga matinlo magkuha sing salingsing sang isopo, itum-oy ini sa tubig, kag wisikan ang tolda, ang tanan nga butang nga yara sa sulod sini, kag ang mga tawo nga yadto didto. Ikaduha, ang tawo nga matinlo magwisik sang tubig sa tawo nga nakatandog sang tul-an sang tawo ukon sang isa ka bangkay ukon sang isa ka lulobngan. 19Sa ikatlo kag sa ikapito nga adlaw, ang tawo nga matinlo magwisik sing tubig sa tawo nga di-matinlo. Sa ikapito nga adlaw, pagatinluan niya ang amo nga tawo. Sa tapos ini nga tawo makalaba sang iya mga bayu kag makapaligo sa tubig, manginmatinlo sia sa pagtunod sang adlaw.
20“Ang bisan sin-o nga mangindi-matinlo kag wala nagapaninlo sang iya kaugalingon magapabilin nga di-matinlo, tungod kay wala sia mawisiki sang tubig nga ginagamit sa pagpaninlo. Ginadagtaan niya ang Tolda sang Ginoo kag indi na sia pagkabigon nga isa sang mga katawhan sang Dios. 21Ini nga pagsulondan pagatumanon ninyo sa tanan nga panahon nga palaabuton. Ang tawo nga nagawisik sang tubig nga ginagamit sa pagpaninlo kinahanglan maglaba man sang iya mga bayu; ang bisan sin-o nga makatandog sang tubig magapabilin nga di-matinlo tubtob sa gab-i. 22Ang bisan ano nga matandog sang tawo nga di-matinlo mangindi-matinlo, kag ang bisan sin-o nga makatandog sini magapabilin nga di-matinlo tubtob sa gab-i.”
Currently Selected:
Numeros 19: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
