Josue 19
19
Ang Kadutaan nga Ginhatag sa Tribo ni Simeon
1Ang ikaduha nga bahin sang duta ginhatag sa mga panimalay sang tribo ni Simeon. Ang ila kadutaan yara sa tunga sang kadutaan nga ginhatag sa tribo ni Juda. 2Naglakip#1 Cron. 4:28-33. ini sang Beerseba, Seba, Molada, 3Hasar-sual, Bala, Esem, 4Eltolad, Betul, Horma, 5Ziklag, Bet-markabot, Hasar-susa, 6Bet-lebaot, kag Saruhen: trese ka mga siudad, lakip ang ila mga kabanwahanan.
7Yara man ang Ayin, Rimon, Eter, kag Asan: apat ka mga siudad, lakip ang mga kabanwahanan sa palibot sini. 8Naglakip ini sang tanan nga mga kabanwahanan sa palibot sini nga mga siudad tubtob sa Baalat-beer ukon Rama sa nabagatnan. Amo ini ang duta nga nabaton sang mga panimalay sang tribo ni Simeon subong ila ginapanag-iyahan. 9Ang bahin ni Simeon yara nasakop sa bahin sang kadutaan ni Juda. Ang kadutaan nga natuon kay Juda tama ka daku sang sa ila kinahanglanon, gani ginhatag ang bahin sang iya kadutaan sa tribo ni Simeon.
Ang Kadutaan nga Ginhatag sa Tribo ni Zabulon
10Ang ikatlo nga bahin sang duta ginhatag sa mga panimalay sang tribo ni Zabulon. Ang duta nga nabaton nila naglambot tubtob sa Sarid. 11Halin didto ang dulonan nagtaklad pa nakatundan, pakadto sa Marala, nga nagatambi sa Dabeset kag sa sapa sa sidlangan sang Jokneam. 12Sa tabok sang Sarid, nagpadayon ini sa sidlangan pakadto sa dulonan sang Kislot-tabor, dayon pa Daberat kag nagtaklad pa Hapia. 13Halin didto nagpadayon ini pa sidlangan pakadto sa Gat-heper, kag sa Etkasin, nga nagaliko padulong sa Nea pakadto sa Rimon. 14Sa naaminhan nga dulonan nagliko ini pakadto sa Hanaton, kag nag-untat ini sa Kapatagan sang Iptael. 15Naglakip ini sang Katat, Nahalal, Simron, Idala, kag Betlehem: dose ka mga siudad, lakip ang mga kabanwahanan sa palibot sini. 16Ini nga mga siudad kag ang ila mga kabanwahanan yara sa kadutaan nga nabaton sang mga panimalay sang tribo ni Zabulon subong ila ginapanag-iyahan.
Ang Kadutaan nga Ginhatag sa Tribo ni Isacar
17Ang ikap-at nga bahin sang duta ginhatag sa mga panimalay sang tribo ni Isacar. 18Ang kasangkaron sini naglakip sang Jezreel, Kesulot, Sunem, 19Haparaim, Sion, Anaharat, 20Rabit, Kision, Ebes, 21Remet, Enganim, Enhada, kag Betpases. 22Ang dulonan naglambot man sa Bukid sang Tabor, sa mga siudad sang Sahasuma kag sang Bet-semes, kag nagtapos ini sa Suba sang Jordan. Naglakip ini sang desi-sais ka mga siudad kag ang mga kabanwahanan sa palibot sini. 23Ini nga mga siudad kag ang ila mga kabanwahanan yara sa kadutaan nga nabaton sang mga panimalay sang tribo ni Isacar subong ila ginapanag-iyahan.
Ang Kadutaan nga Ginhatag sa Tribo ni Aser
24Ang ikalima nga bahin sang duta ginhatag sa mga panimalay sang tribo ni Aser. 25Ang kasangkaron sini naglakip sang Helkat, Hali, Beten, Aksap, 26Alamelek, Amad, kag Misal. Sa nakatundan nayon nagtambi ini sa Carmel kag sa Sihor-libnat. 27Samtang nagliko ini pa sidlangan, ang dulonan nagpadulong pa Betdagon nga nagatambi sa Zabulon kag sa Kapatagan sang Iptael padulong sa aminhan pakadto sa Betemek kag Neiel. Nagpadayon ini pa aminhan pakadto sa Kabul, 28Ebron, Rehob, Hamon, Kana, tubtob sa Daku nga Sidon. 29Ang dulonan nagliko dayon pakadto sa Rama, kag nagalambot sa Tiro, ang siudad nga nalibutan sing mga pader. Nagliko dayon ini pakadto sa Hosa, kag nag-untat ini sa Dagat sang Mediteraneo. Naglakip ini sang Mahalab, Aczib, 30Uma, Afec, kag Rehob: baynte dos ka mga siudad, lakip ang mga kabanwahanan sa palibot sini. 31Ini nga mga siudad kag ang ila mga kabanwahanan yara sa kadutaan nga nabaton sang mga panimalay sang tribo ni Aser subong ila ginapanag-iyahan.
Ang Kadutaan nga Ginhatag sa Tribo ni Neftali
32Ang ikan-om nga bahin sang kadutaan ginhatag sa mga panimalay sang tribo ni Neftali. 33Ang naaminhan nga dulonan naggikan sa banwa sang Helep, pakadto sa kahoy nga terebinto malapit sa banwa sang Saanamin, padulong sa Adaminekeb kag Habneel, tubtob sa Lakum, kag nagtapos ini sa Jordan. 34Ang dulonan nagliko sa nakatundan pakadto sa Asnot-tabor, halin didto pakadto sa Hukok, nagatambi sa Zabulon sa bagatnan, sa Aser sa nakatundan, kag sa Jordan #19:34 Ang isa ka dumaan nga pagbadbadsa Jordan; sa HebreoJuda sa Jordan. sa sidlangan. 35Ang mga siudad nga nalibutan sing mga pader amo ang masunod: Sidim, Ser, Hamat, Rakat, Kineret, 36Adama, Rama, Hasor, 37Kedes, Edrei, Enhasor, 38Iron, Megdalel, Horem, Betanat, kag Bet-semes: desi-nwebe ka mga siudad, lakip ang mga kabanwahanan sa palibot sini. 39Ini nga mga siudad kag ang ila mga kabanwahanan yara sa duta nga nabaton sang mga panimalay sang tribo ni Neftali subong ila ginapanag-iyahan.
Ang Kadutaan nga Ginhatag sa Tribo ni Dan
40Ang ikapito nga bahin sang duta ginhatag sa mga panimalay sang tribo ni Dan. 41Ang kasangkaron sini naglakip sang Zora, Estaol, Irsemes, 42Saalabin, Ayalon, Itla, 43Elon, Timna, Ekron, 44Elteke, Gibeton, Baalat, 45Hehud, Beneberak, Gat-rimon, 46Meharkon, kag Rakon, kag subong man ang kadutaan sa palibot sang Jope. 47Sang#Huk. 18:27-29. ulihi, sang gin-agaw ang duta sa mga kaliwat ni Dan, gintaklad nila ang Lesem kag ginsalakay ini. Naagaw nila ini kag ginpamatay ang iya mga pumoluyo. Ila dayon ini ginpanag-iyahan kag nag-estar sila didto. Ginbayluhan nila ang ngalan sang siudad sang Lesem, kag ginhingalanan nila ini nga Dan, suno sa ngalan sang ila katigulangan. 48Ini nga mga siudad kag ang mga kabanwahanan sini yara sa kadutaan nga nabaton sang mga panimalay sang tribo ni Dan subong ila ginapanag-iyahan.
Ang Kadutaan nga Ginhatag sa Tribo ni Josue
49Sang pagkatapos sang mga Israelinhon pagpamartida sang nagkalainlain nga bahin sang duta, ginhatagan nila si Josue, anak ni Nun, sang isa ka puna nga duta subong iya ginapanag-iyahan. 50Suno sa ginsugo sang Ginoo, ginhatag nila sa iya ang siudad nga iya ginpangayo: ang Temnat-Zera sa kabakuloran sang Efraim. Iya liwat ginpatindog ang siudad kag didto nag-estar.
51Si Eleazar nga pari, si Josue nga anak ni Nun, kag ang mga pangulo sang mga panimalay sang mga tribo sang Israel nagpamartida sini nga kadutaan paagi sa pagabutgabot#19:51 PAGABUTGABOT: Tan-awa ang 14:2. sa paghibalo sang kabubot-on sang Ginoo sa pwertahan sang Tolda sang presensya sang Ginoo nga yara sa Silo. Sa sini nga paagi natapos nila nga pagpamartida sang duta.
Currently Selected:
Josue 19: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
