Josue 13
13
Ang Duta nga Pagaagawon pa
1Karon tigulang na gid si Josue. Ang Ginoo nagsiling sa iya, “Tigulang na gid ikaw, pero madamo pa ang mga duta nga kinahanglan agawon. 2Amo pa ini ang mga nabilin: ang bug-os nga kadutaan sang mga Filistinhon, kag ang bug-os nga kadutaan sang mga Gesurnon, 3kag subong man sang bug-os nga kadutaan sang mga Abimnon sa bagatnan. Ang duta halin sa sapa sang Sihor, sa dulonan sang Ehipto, tubtob sa aminhan sa dulonan sang Ekron, nga ginakabig nga iya sang mga Canaanhon; ang mga hari sang mga Filistinhon nag-estar sa Gaza, Asdod, Askelon, Gat, kag Ekron. 4Ang bug-os nga kadutaan sang mga Canaanhon, kag Meara nga iya sang mga Sidonhon, halin sa Afec, tubtob sa dulonan sang mga Amornon; 5ang duta sang mga Gebalnon, ang bug-os nga Libano sa sidlangan, halin sa Baalgad sa kunsaran sang Bukid sang Hermon, tubtob sa Salamputan sang Hamat. 6Ini#Num. 33:54. nagalakip sang bug-os nga kadutaan sang mga Sidonhon nga nagaestar sa kabakuloran sa gintung-an sang mga Bukid sang Libano kag Misrepot-maim. Pagatabugon ko sila tanan pa gwa samtang nagaabanse ang mga Israelinhon. Pamartidahon mo ang duta para sa mga Israelinhon nga mangin-ila kaugalingon, subong sang ginsugo ko nga himuon mo. 7Gani karon, partidaha ini nga duta sa siyam ka tribo kag sa katunga nga tribo ni Manases, nga mangin-ila pagapanag-iyahan.”
Ang Napamartida nga Kadutaan sa Sidlangan sang Jordan
8Ang#Num. 32:33; Deut. 3:12. mga tribo ni Ruben kag Gad, kag ang katunga nga tribo ni Manases nakabaton na sang ila parti sang duta sa sidlangan nga bahin sang Suba sang Jordan. Amo ini ang ginhatag sa ila ni Moises nga alagad sang Ginoo. 9Ang ila duta naglambot halin sa Aroer nga yara sa higad sang Kapatagan sang Arnon, kag ang siudad sa tunga sang kapatagan, kag ang bug-os nga mataas nga kapatagan sang Medeba tubtob sa Dibon. 10Ini naglakip sang tanan nga mga siudad nga ginagamhan ni Sihon nga hari sang mga Amornon nga naggahom sang Hesbon, tubtob sa dulonan sang mga Amonhon. 11Naglakip ini sang Galaad kag ang mga duta nga gin-estaran sang mga Gesurnon kag mga Maacatnon, ang bug-os nga Bukid sang Hermon, kag ang bug-os nga Basan tubtob sa Salca, 12lakip ang ginharian ni Og, ang nabilin sang mga Refaimnon, nga naggahom sa Astarot kag Edrei. Ginlutos ni Moises ini nga mga tawo, kag gintabog sila pa gwa. 13Pero wala gintabog sang mga Israelinhon pa gwa ang mga Gesurnon kag ang mga Maacatnon. Ini nga mga tawo nagaestar gihapon sa Israel.
14Pero#Deut. 18:1. si Moises wala maghatag sing duta sa tribo ni Levi. Ang ila pagabatunon subong ila bahin amo ang mga halad nga sinunog sa Ginoo, ang Dios sang Israel suno sa ginsiling sang Ginoo kay Moises.
Ang Kadutaan nga Ginhatag sa Tribo ni Ruben
15Ginhatag ni Moises ang bahin sang duta sa mga panimalay sang tribo ni Ruben nga mangin-ila pagapanag-iyahan. 16Ang ila duta naglambot halin sa Aroer nga yara sa higad sang Kapatagan sang Arnon kag ang siudad sa tunga sang kapatagan, kag lakip ang bug-os nga mataas nga kapatagan sa palibot sang Medeba. 17Naglakip ini sang Hesbon kag ang tanan nga mga siudad sa mataas nga kapatagan: ang Dibon, Bamot Baal, Bet-baalmeon, 18Jahaz, Kedemot, Mefaat, 19Kiryataim, Sibma, Seret-sahar sa bakulod sang kapatagan, 20Bet-peor, ang mga dulhogan sang Bukid sang Pisga, kag Bet-hesimot. 21Ini naglakip sang tanan nga mga siudad sang mataas nga kapatagan, kag sang bug-os nga ginharian ni Sihon, nga hari sang mga Amornon nga naggahom sa Hesbon. Ginlutos sia ni Moises kag subong man ang mga pangulo sang Midian nga amo sanday Evi, Rekem, Sur, Hur, kag Reba. Ini sila tanan nagdumala sa idalom ni Haring Sihon. 22Ang isa sang mga tawo nga ginpatay sang mga Israelinhon amo si Balaam, nga manugpakot, nga anak nga lalaki ni Beor. 23Ang Suba sang Jordan amo ang dulonan sang tribo ni Ruben. Amo ini ang mga siudad kag mga banwa nga ginhatag sa mga panimalay sang tribo ni Ruben nga mangin-ila pagapanag-iyahan.
Ang Kadutaan nga Ginhatag sa Tribo ni Gad
24Ginhatag man ni Moises ang bahin sang duta sa mga panimalay sang tribo ni Gad nga mangin-ila pagapanag-iyahan. 25Ang ila kadutaan naglakip sang Jazer kag sang tanan nga mga siudad sang Galaad, ang katunga sang duta sang mga Amonhon tubtob sa Aroer, nga yara sa sidlangan sang Raba. 26Naglambot ini halin sa Hesbon tubtob sa Ramat-mispe kag Betonim, halin sa Mahanaim tubtob sa dulonan sang Lodebar. 27Sa Kapatagan sang Jordan sa nasidlangan nga bahin, nagalakip ini sang Bet-haram, Bet-nimra, Sucot kag Sapon, ang nabilin sang ginharian ni Sihon nga hari sang Hesbon. Ang dulonan amo ang Suba sang Jordan tubtob sa aminhan sa nailawod nga bahin sang Linaw sang Galilea. 28Amo ini ang mga siudad kag mga banwa nga ginhatag sa mga panimalay sang tribo ni Gad nga mangin-ila pagapanag-iyahan.
Ang Kadutaan nga Ginhatag sa Tribo ni Manases nga yara sa Sidlangan
29Ginhatag ni Moises ang bahin sang duta sa mga panimalay sang katunga nga tribo ni Manases nga mangin-ila pagapanag-iyahan. 30Ang ila kadutaan naglambot halin sa Mahanaim, lakip ang bug-os nga Basan, ang bug-os nga ginharian ni Og nga hari sang Basan, kag ang tanan nga sesenta ka mga banwa sang Jair nga yara sa Basan. 31Naglakip ini sang katunga sang Galaad, subong man sang Astarot kag Edrei, ang mga siudad sang ginharian ni Og sa Basan. Ginpanghatag ini sa mga panimalay sang katunga sang mga kaliwat ni Maquir nga anak ni Manases.
32Amo ini ang pagpamartida ni Moises sang duta sa kapatagan sang Moab, sa sidlangan sang Jerico kag Jordan. 33Pero#Num. 18:20; Deut. 18:2. si Moises wala maghatag sing duta sa tribo ni Levi nga mangin-ila pagapanag-iyahan. Ginsingganan sila ni Moises nga ang ila palanublion amo ang bahin sang mga halad sa Ginoong Dios sang Israel.
Currently Selected:
Josue 13: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
