Jonas 1
1
Si Jonas Wala Magtuman sa Ginoo
1Isa#2 Hari 14:25. ka adlaw, ang Ginoo nagsiling kay Jonas nga anak ni Amitai, 2“Magkadto ka sa Ninive, inang daku nga siudad, kag magwali batok sa sini kay nahibaluan ko kon daw ano kalaut sang iya pumoluyo.” 3Pero sa baylo, si Jonas nagpadulong sa lain nga lugar sa pagpalagyo gikan sa Ginoo. Nagkadto sia sa Jope sa diin may nakita sia nga sakayan nga manugtulak sa España. Nagbayad sia sang iya plete kag nagsakay sia upod sa mga sakayanon padulong sa España, sa diin makapahilayo sia sa Ginoo.
4Pero ang Ginoo nagpadala sing mabaskog nga hangin sa dagat. Tama gid kabaskog ang bagyo sa bagay nga may katalagman nga maguba ang sakayan. 5Hinadlukan gid ang mga sakayanon kag ang tagsatagsa nagpangayo sing tabang sa iya kaugalingon nga dios. Dayon agod mahaganhagan ang katalagman,#1:5 mahaganhagan ang katalagman: ukonmagmag-an ang sakayan. gintagbong nila ang kargamento#1:5 kargamento: ukonkagamitan. sang sakayan sa dagat. Pero si Jonas nakapanaog na sa naidalom nga bahin sang sakayan kag naghigda, kag nagtulog sing mahamuok.
6Nakit-an sia didto sang kapitan sang sakayan kag nagsiling sa iya, “Hoy, ngaa nagatulog ka pa? Magbangon ka kag magpangayo sing tabang sa imo dios. Ayhan makatalupangod sia sa aton kag luwason niya kita.”
7Dayon nagsinilingay ang mga sakayanon, “Maggabutgabot kita agod nga mahibaluan naton kon sin-o ang kabangdanan nga naabtan kita sining katalagman.” Ginhimo nila ini, kag nagabutan ang ngalan ni Jonas. 8Gani nagsiling sila sa iya, “Karon sugiri kami! Sin-o bala ang kabangdanan sini? Ano ang ginahimo mo diri? Taga-diin ka? Sa diin ka nga pungsod naghalin?”
9Nagsabat si Jonas, “Isa ako ka Hebreo. Ako nagasimba sa Ginoo, ang Dios sang langit, nga nagtuga sang dagat kag sang duta.” 10Si Jonas nagsugid sa ila nga nagapalagyo sia sa Ginoo.
Hinadlukan ang mga sakayanon kag nagsiling sila sa iya, “Tama gid kalain ang imo ginhimo!”#1:10 kag nagsiling…ginhimo!: ukonkag ginpamangkot sia, “Ngaa nagpalagyo ka sang subong sini?” 11Nagbaskog nga nagbaskog ang bagyo gani ang mga sakayanon nagpamangkot sa iya, “Ano ang himuon namon sa imo agod mag-untat ang bagyo?”
12Nagsabat si Jonas, “Itagbong ninyo ako sa dagat, kag magauntat ang bagyo. Nahibaluan ko nga ako ang kabangdanan nga nag-abot ining mabaskog nga bagyo sa inyo.”
13Sa baylo nga tumanon nila ang ginsiling ni Jonas gintudohan sang mga sakayanon ang paggaod agod nga magpahigad ang sakayan, pero ang bagyo nagbaskog pa gid kag indi sila makahalin. 14Gani nagpanawag sila sa Ginoo, “Nagapangamuyo kami, O Ginoo, indi kami pagsiluti tungod sang amon pagpatay sini nga tawo! Ikaw, O Ginoo, ang may salabton sini tanan, kag ikaw ang nagahimo sini.” 15Dayon ginhakwat nila si Jonas kag gintagbong sia sa dagat kag sa gilayon naglinaw. 16Tungod sini ang mga sakayanon hinadlukan gid sa Ginoo gani nagdulot sila sing halad kag nagpanaad sa pag-alagad sa iya.
17Ang#Mat. 12:40. Ginoo nagsugo sang isa ka daku nga isda sa paglamon kay Jonas, kag didto sia sa tiyan sang isda sa sulod sang tatlo ka adlaw kag tatlo ka gab-i.
Currently Selected:
Jonas 1: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
