Joel 3
3
Ang Paghukom sang Dios sa mga Kapungsoran
1Ang Ginoo nagasiling,
“Sa sadto nga tion
pauswagon ko liwat ang Juda kag ang Jerusalem.
2Pagatipunon ko ang tanan nga mga kapungsoran
kag dalhon sila sa Kapatagan sang Josafat.
Didto pagahukman ko sila
tungod sang tanan nga ginhimo nila sa akon nga mga tawo.
Ginpaalaplaag nila ang mga Israelinhon sa iban nga mga kapungsoran
kag ginpartida ang Israel nga akon duta.
3Ginpagabutgabotan nila kon sin-o
ang makaangkon sang mga bihag.
Ginbaligya nila ang mga kabataan nga lalaki kag babayi agod mangin-ulipon
bilang bayad sa mga malain nga mga babayi kag ilimnon.
4“Ano#Isa. 23:1-18; Ezeq. 26:1–28:26; Amos 1:9-10; Zac. 9:1-4; Mat. 11:21-22; Luc. 10:13-14.#Isa. 14:29-31; Jer. 47:1-7; Ezeq. 25:15-17; Amos 1:6-8; Sof. 2:4-7; Zac. 9:5-7. bala ang inyo luyag himuon sa akon, O Tiro, Sidon kag bug-os nga Filistia? Luyag bala kamo sa pagbalos sa akon? Kon amo ina, balusan ko kamo sa labing madali! 5Ginkuha ninyo ang akon pilak kag bulawan kag gindala ninyo ang akon mga manggad sa inyo mga templo. 6Ginbihag ninyo ang mga pumoluyo sang Juda kag Jerusalem malayo sa ila kaugalingon nga pungsod kag ginbaligya sila sa mga Griego. 7Karon kuhaon ko sila halin sa mga lugar nga inyo ginbaligyaan sa ila. Himuon ko sa inyo ang inyo ginhimo sa ila. 8Ipabaligya ko ang inyo mga anak nga lalaki kag babayi sa mga taga-Juda. Ibaligya nila sila sa mga taga-Seba nga ang ila pungsod malayo. Ako, ang Ginoo, naghambal sini.
9“Ipahibalo ini sa mga kapungsoran:
‘Maghanda para sa pag-away,
tawga ang inyo mga hangaway,
tipuna ang tanan ninyo nga mga soldado, kag magpalapit!
10Salsala#Isa. 2:4; Miq. 4:3. ang punta sang inyo mga arado nga mangin-espada
kag ang inyo mga galab nga manginbangkaw.
Bisan ang mga maluya dapat mag-away.
11Magdali kamo kag magpalapit,
tanan kamo nga mga kapungsoran sa palibot,
kag magtipon sa amo nga kapatagan.’”
O Ginoo, padulhoga ang imo gamhanan nga mga hangaway sa pagsalakay sa ila!
12“Dapat maghanda ang mga kapungsoran
kag magpadulong sa kapatagan sang Josafat.
Didto, ako, ang Ginoo, magapungko sa paghukom
sang tanan nga mga kapungsoran sa palibot.
13Tama#Bug. 14:14-16; Bug. 14:19-20; 19:15. sila kalaut,
gani galaba sila subong sang trigo
sa tion sang tig-alani,
linasa sila subong sang paglinas sang ubas sa pulogaan
tubtob nga mag-awas ang bino.”
14Linibulibo
ang yara sa Kapatagan sang Paghukom.
Didto magaabot ang adlaw sang Ginoo
sa labing madali.
15Madulom ang adlaw kag ang bulan,
kag ang mga bituon indi na magsiga.
Ang mga Kaayuhan sang Dios nga Ginhatag sa Juda
16Ang#Amos 1:2. Ginoo nagangurob sa Bukid sang Sion,
nagadaguob ang iya tingog gikan sa Jerusalem,
nagakurog ang duta kag langit.
Pero pagaapinan niya ang iya mga tawo.
17“Dayon, O Israel, mahibaluan mo nga ako amo ang Ginoo nga inyo Dios.
Nagaestar ako sa Sion, ang akon balaan nga bukid.
Ang Jerusalem manginbalaan nga siudad,
indi na gid sia pag-agawon liwat sang mga dumoluong.
18Sa sadto nga tion ang mga bukid nahil-ob sang mga katamnan sang ubas,
makita sa tanan nga mga bakulod ang mga hayop,
may bugana nga tubig sa bug-os nga Juda.
Ang isa ka sapa magailig gikan sa Templo sang Ginoo,
kag magatubig ini sa Kapatagan sang Akasya.
19“Ang Ehipto mangin-isa ka desierto,
kag ang Edom malaglag kag manginwalay pulos,
tungod kay ginsalakay nila ang duta sang Juda
kag ginpamatay ang iya mga tawo nga wala sing sala.
20-21Magatimalos#3:20-21 Ang iban nga dumaan nga mga pagbadbadMagatimalos; sa HebreoIpakilala nga wala sing sala. ako para sa mga ginpamatay,
kag indi ko pagluwason ang mga nakasala.
Ang Juda kag Jerusalem pagaestaran sa walay katubtoban,
kag, ako, ang Ginoo, magaestar sa Bukid sang Sion.”
Currently Selected:
Joel 3: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
