Jeremias 52
52
Ang Pagkapukan sang Jerusalem
(2 Hari 24:18–25:7)
1Si Sedequias nag-edad sing baynte uno ka tuig sang nanginhari sia sang Juda, kag naggahom sia sa Jerusalem sa sulod sang onse ka tuig. Ang ngalan sang iya iloy amo si Hamutal nga anak sang isa pa gid ka Jeremias nga nag-estar sa siudad sang Libna. 2Si Haring Sedequias nagpakasala batok sa Ginoo, subong sang ginhimo ni Haring Joaquim. 3Ang Ginoo naakig gid sa mga tawo sang Jerusalem kag Juda, kag gintabog niya sila sa iya panulok.
Si Sedequias nagbato kay Haring Nabucodonosor sang Babilonia, 4gani#Ezeq. 24:2. sang ika-10 nga adlaw sang ika-10 nga bulan sang ikasiyam nga tuig nga si Sedequias amo ang hari, si Nabucodonosor nag-abot upod ang bug-os niya nga hangaway, kag nagsalakay sang Jerusalem. Nagpatindog sila sang ila kampo sa gwa sang siudad, kag naghimo sing trinsera sa palibot sini, 5kag ginkibon nila ini tubtob sa ika-11 nga tuig sang paggahom ni Sedequias. 6Sa ikasiyam nga adlaw sang ikap-at nga bulan sang amo man nga tuig, sang tama gid ang gutom sa bagay nga ang mga tawo wala na sing makaon, 7ang#Ezeq. 33:21. mga pader sang siudad nabulwang. Ang tanan nga mga soldado nakapalagyo sang gab-i, bisan pa nga ginalibutan sang mga taga-Babilonia ang siudad. Nag-agi sila sa hardin sang hari, nag-agi sa pwerta nga alagyan nga nagaangot sang duha ka mga pader, kag nagpalagyo sila padulong sa Kapatagan sang Jordan. 8Pero ang mga hangaway sang Babilonia naglagas kay Haring Sedequias kag nadakpan nila sia sa mga kapatagan malapit sa Jerico, kag ginbayaan sia sang tanan niya nga mga soldado. 9Si Sedequias gindala kay Haring Nabucodonosor nga yadto didto sa siudad sang Ribla sa kadutaan sang Hamat, kag didto ginhukman sia ni Nabucodonosor. 10Sa Ribla ginpapatay sang hari sang Babilonia ang mga anak nga lalaki ni Sedequias samtang si Sedequias nagatan-aw. Iya man ginpapatay ang tanan nga mga opisyales sang Juda. 11Sa#Ezeq. 12:13. tapos sini ginpalukat niya ang mga mata ni Sedequias, kag ginpakadenahan sia agod dalhon sa Babilonia. Si Sedequias nagpabilin sa bilangguan sa Babilonia tubtob sa adlaw nga napatay sia.
Ang Paglaglag sang Templo
(2 Hari 25:8-17)
12Sa ika-10 nga adlaw sang ikalima nga bulan sang ika-19 nga tuig nga si Nabucodonosor hari sang Babilonia, si Nebusaradan, manuglaygay sang hari kag pangulo sang iya hangaway, nagsulod sa Jerusalem. 13Ginsunog#1 Hari 9:8. niya ang Templo, ang palasyo sang hari, kag ang mga balay sang tanan nga kinilala nga mga tawo sa Jerusalem, 14kag ang iya mga soldado nagguba sang mga pader sang siudad. 15Dayon gindala ni Nebusaradan sa Babilonia#52:15 Babilonia: Sa HebreoBabilonia ang iban sang pinakaimol nga mga tawo. ang tanan nga mga tawo nga nabilin sa siudad subong mga bihag, lakip ang mga nagbuylog sa iya, kag ang nabilin nga batid nga mga manug-obra. 16Pero ginbilin niya sa duta sang Juda ang labing imol nga mga tawo nga wala sing pagkabutang, kag ginpaobra niya sila sa mga talamnan sang ubas kag mga uma.
17Ginpamuka#1 Hari 7:15-47. sang mga taga-Babilonia ang mga haligi nga bronsi kag ang mga tulongtungan nga yadto sa Templo, lakip ang daku nga tangke sang tubig nga nahimo sa bronsi nga yadto man didto, kag gindala nila ang tanan nga bronsi pa Babilonia. 18Gindala man nila ang mga pala kag ang mga sulodlan sang abo nga ginagamit sa pagtinlo sang altar, ang mga sangkap nga ginagamit sa pagpalong sang mga suga, ang mga labador nga ginasalod sa dugo sang mga halad, ang mga yahong nga ginagamit sa pagsunog sang insyenso, kag ang tanan nga mga sangkap nga bronsi nga ginagamit sa pag-alagad sa Templo. 19Ginkuha nila ang tanan nga nahimo sa bulawan ukon pilak: ang mga yahongyahong, ang mga sulodlan sang mga baga, ang mga labador nga ginsalod sa dugo sang mga halad, ang mga sulodlan sang abo, ang mga kandelirohan, ang mga yahong nga ginagamit para sa insyenso, kag ang mga yahong nga ginagamit sa pag-ula sang mga halad nga ilimnon. 20Ang mga butang nga bronsi nga ginpahimo ni Haring Solomon para sa Templo—ang duha ka mga haligi, ang mga tulongtungan, ang dalagku nga tangke sang tubig, kag ang dose ka toro nga mga baka nga nagatukod sini—ini sila tama kabug-at nga timbangon. 21-22Ang duha ka mga haligi pareho: ang tagsa sa ila may kataason nga baynte siete ka tapak, kag ang iya kadako palibot desi-otso ka tapak. Guab ini sa sulod, kag ang kadamulon sang metal tatlo ka pulgada. Ang punta sang tagsa ka haligi may bahin nga bronsi nga may kataason nga pito kag tunga ka tapak, kag sa palibot sini may mga rehas nga naadornohan sang mga granada, kag ini tanan nahimo man sa bronsi. 23Sa rehas sang tagsa ka haligi may 100 tanan ka mga granada, kag ang nobentay sais sini makita gikan sa duta.
Ang mga Judio Gindala pa Babilonia
(2 Hari 25:18-21, 27-30)
24Dugang pa sini, si Nebusaradan, ang pangulo nga opisyal, nagdala kay Seraya nga Pinakamataas nga pari, kay Sofonias nga pari madason kay Seraya, kag ang tatlo pa ka iban nga importante nga mga opisyales sang Templo subong mga binilanggo. 25Gikan sa siudad nagkuha sia sing isa ka opisyal nga nagpangulo anay sang mga hangaway, sing pito ka mga manuglaygay sang hari nga yadto pa didto sa siudad, ang kabulig sang komandante nga gintugyanan sang mga papeles sang mga soldado, kag sesenta pa ka iban nga mga tawo nga importante. 26Gindala sila ni Nebusaradan sa hari sang Babilonia, nga yadto didto sa siudad sang Ribla. 27Didto sa Ribla sa kadutaan sang Hamat, ang hari sang Babilonia nagpabunal sa ila kag ginpapatay sila.
Gani ang mga tawo sang Juda gindala subong mga binilanggo gikan sa ila duta. 28Amo ini ang lista sang mga tawo nga gindala ni Haring Nabucodonosor subong mga binilanggo: sa iya ikapito nga tuig subong hari, gindala niya ang 3,023 ka mga tawo, 29kag sa iya ika-18 nga tuig, 832 gikan sa Jerusalem; 30kag sa iya ika-23 nga tuig, si Nebusaradan nagdala sing 745 ka mga tawo. Tanantanan, 4,600) ka mga tawo ang gindala.
31Sang tuig nga si Ebilmerodac nanginhari sang Babilonia, nagpakita sia sang iya kaluoy kay Haring Joaquin sang Juda paagi sa pagpagwa sa iya sa bilangguan. Natabo ini sa ika-25 nga adlaw sang ika-12 nga bulan sang ika-37 nga tuig sa tapos si Joaquin gindala subong binilanggo. 32Gintratar ni Ebilmerodac sing maayo si Joaquin, kag ginhatagan niya sia sing palangakuan nga mas dungganon pa sang sa palangakuan nga iya ginhatag sa iban nga mga hari nga nabihag upod sa iya sa Babilonia. 33Gani si Joaquin gintugotan sa pag-ilis sang iya mga bayu nga ginagamit sa bilangguan kag sa pagkaon upod sa hari tubtob nga buhi pa sia. 34Sa tagsa ka adlaw, samtang nagakabuhi pa sia, ginhatagan sia sing pang-adlaw-adlaw nga galastuhon para sa iya mga kinahanglanon.
Currently Selected:
Jeremias 52: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
