Isaias 20
20
Ang Tanda sang Hublas nga Propeta
1Sa sugo ni Sargon nga hari sang Asiria, ginsalakay sang mga heneral sang mga hangaway sang Asiria ang siudad sang Asdod nga iya sang mga Filistinhon. 2Mga tatlo ka tuig sa wala pa sini, ang Ginoo nagsiling kay Isaias nga anak ni Amoz sa pag-uba sang bayu nga sako kag sang iya sandalyas. Gintuman niya ini kag naglibutlibot nga hublas kag nagatiniil. 3Sang naagaw ang Asdod, ang Ginoo nagsiling, “Ang akon alagad nga si Isaias naglibutlibot nga hublas kag nagatiniil lang sa sulod sang tatlo ka tuig. Amo ini ang tanda kon ano ang mahanabo sa Ehipto kag sa Etiopia. 4Ang hari sang Asiria magadala sang iya mga bihag nga hublas halin sa sining duha ka mga pungsod. Pamatan-on kag tigulang, magalakat nga nagatiniil lang kag hublas nga nagapakahuya sa Ehipto. 5Yadtong mga nagasalig sa Etiopia kag nagapabugal nahanungod sa Ehipto matublag kag madulaan sila sing paglaom. 6Kon mag-abot ina nga tion, ang mga tawo nga nagaestar sa baybayon sang Filistia magasiling, ‘Tan-awa kon ano ang natabo sa mga tawo nga aton ginasaligan nga makaapin sa aton gikan sa hari sang Asiria! Sa ano bala nga paagi kita maluwas?’”
Currently Selected:
Isaias 20: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
