Oseas 6
6
Ang Salimpapaw nga Paghinulsol sang mga Tawo
1Ang mga tawo nagasiling, “Dali, mabalik kita sa Ginoo! Gingus-ab niya kita, pero sia gid ang magaayo sa aton. Ginpilas niya kita, pero pagabugkosan niya ang aton mga pilas. 2Pagkatapos sang duha ka adlaw buhion niya kita. Sa ikatlo nga adlaw pabangunon niya kita, kag magakabuhi kita sa iya atubang. 3Tinguhaan ta ang pagkilala sa Ginoo. Pat-od gid ang iya pag-abot sa aton kaangay sang pagpamanagbanag sang adlaw. Magaabot sia sa aton kaangay sang ulan, subong kapat-od sang ulan sa tingulan nga nagapatubig sang duta.”
4Pero ang Ginoo nagasiling, “O Israel kag Juda, ano bala ang himuon ko sa inyo? Ang paghigugma ninyo sa akon madali madula kaangay sang alapuop sa aga, kaangay ini sang tun-og nga aga pa wala na. 5Gani ginpadala ko sa inyo ang akon mga propeta nga nagadala sang akon pahibalo sang pagsilot kag paglaglag. Ang luyag ko nga himuon ninyo mahapos kag maathag: 6Ang#Mat. 9:13; 12:7. ginapangita ko amo ang inyo malig-on nga paghigugma, kag indi ang inyo mga halad nga hayop. Labing maayo pa nga ang akon mga tawo magkilala sa akon sang sa magdulot sing mga halad nga sinunog sa akon.
7“Pero sang makasulod ini nga mga tawo sa duta sang Adan sa gilayon ginlalis nila ang kasugtanan nga akon ginhimo sa ila. 8Ang Galaad isa ka siudad nga puno sing malaut nga mga tawo kag mga manugpatay. 9Ang mga pari kaangay sang guban sang mga makawat nga nagapamangga sang tawo. Bisan sa dalan pakadto sa balaan nga lugar sa Siquem nagapamatay sila. Hungod gid sa buot ang ginahimo nila nga kalautan! 10Nakita ko ang isa ka makakulogmat nga butang sa Israel: ang akon mga tawo nagdagta sang ila kaugalingon paagi sa ila pagsimba sa mga diosdios.
11“Kag kamo nga mga tawo sang Juda, gintalana ko na ang tion sa pagsilot man sa inyo tungod sang inyo ginahimo.
Currently Selected:
Oseas 6: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
