Oseas 14
14
Ang Pakitluoy ni Oseas sa Israel
1Mga tawo sang Israel, magbalik na kamo sa Ginoo nga inyo Dios. Tungod sang inyo sala nasandad kag napukan kamo. 2Magbalik kamo sa Ginoo, kag himua ninyo ini nga pangamuyo nga inyo halad sa iya: “Patawara kami sang amon mga sala, kag batuna ang amon pangamuyo, kag magadayaw kami sa imo suno sa amon ginsaad. 3Ang Asiria indi gid makaluwas sa amon, kag ang amon mga karwahi sa inaway indi makaapin sa amon. Indi na gid kami magsiling liwat sa amon mga diosdios, ‘Kamo amo ang amon Dios.’ O Ginoo, ikaw nagakaluoy sa ila nga wala na sing iban nga ginadangpan.”
Ang Ginoo Nagasaad sing Bag-o nga Kabuhi sa Israel
4Ang Ginoo nagasiling,
“Pabalikon ko sa akon ang akon mga tawo.
Higugmaon ko sila sa bug-os ko nga tagipusoon,
kay wala na ako naakig sa ila.
5Sa mga tawo sang Israel
manginkaangay ako sang ulan sa mamala nga duta.
Magapamukadkad sila kaangay sang mga bulak,
magapanggamot sila sing madalom
kaangay sang mga kahoy sa Libano.
6Magapanalingsing sila
kag manginmatahom kaangay sang mga kahoy nga olivo.
Manginmahamot sila
kaangay sang mga sedro sa Libano.
7Sa liwat magakabuhi sila sa idalom sang akon pag-apin.
Magalagtom sila kaangay sang hardin
kag manginmabungahon kaangay sang talamnan sang ubas.
Manginbantog sila kaangay sang bino sa Libano.
8Ang mga tawo sang Israel#14:8 Ang isa ka dumaan nga pagbadbadAng mga tawo sang Israel; sa HebreoIsrael, ako. indi na magsapak sang mga diosdios,
sabton ko ang ila mga pangamuyo kag tatapon ko sila.
Kaangay sang madabong nga kahoy, pagapasilungan ko sila.
Ako ang ginahalinan sang tanan nila nga mga kaayuhan.
Ang Katapusan
9Kabay nga sila nga mga maalam makahangop sang ginasulat diri kag ila ini huptan sa ila tagipusoon. Ang mga dalanon sang Ginoo husto, kag ang matarong nga mga tawo nagakabuhi sa pagsunod sini, pero ang mga makasasala nagakasandad tungod kay wala sila nagakabuhi suno sa sini nga mga dalanon.
Currently Selected:
Oseas 14: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
