Ezequiel 9
9
Ginsilutan ang Jerusalem
1Dayon nabatian ko ang Dios nga nagasinggit, “Palapit kamo, mga tawo nga magasilot sang siudad. Dalha ninyo ang inyo mga armas.” 2Sa gilayon nag-abot ang anom ka mga lalaki halin sa naaminhan sang nagwa nga pwerta sang Templo nga ang kada-isa may armas nga dala. May upod sila nga isa ka lalaki nga nagabayo sing lino, nga nagadala sing inugsulat. Nagsulod sila kag nagtindog sa tupad sang altar nga bronsi.
3Dayon ang masilaw nga kasanag nga nagapahayag sang presensya sang Dios sang Israel nagpaibabaw halin sa mga kerubin#9:3 MGA KERUBIN: Tan-awa ang Lista sang mga Pulong. sa diin didto ini kag nagpakadto sa pwertahan sang Templo. Gintawag sang Ginoo ang tawo nga nagabayo sing lino, 4“Kadto#Bug. 7:3; 9:4; 14:1. ka sa bug-os nga siudad sang Jerusalem kag markahi ang tagsa ka agtang sang tagsatagsa nga nagaantos kag ginabudlayan tungod sang mga makangilil-ad nga mga butang nga ginahimo sa siudad.”
5Kag nabatian ko ang Dios nga nagasiling sa iban nga mga tawo, “Sunda ninyo sia sa siudad kag pamatya ninyo ang mga tawo nga wala luoyluoy kag wala sing ibilin. 6Pamatya ninyo ang tigulang nga mga lalaki, pamatan-on nga mga lalaki, pamatan-on nga mga babayi, mga iloy, kag mga kabataan. Pero indi ninyo pag-anha ang bisan sin-o nga may marka sa agtang. Magsugod kamo diri sa akon Templo.” Gani nagsugod sila sa mga pangulo nga nagatindog didto sa Templo.
7Ang Dios nagsiling sa ila, “Dagtai ninyo ang Templo. Pun-a ninyo ang iya mga pasiyuhan sing mga bangkay. Dalia ninyo!” Gani ginsugoran nila ang pagpamatay sang mga tawo sa siudad.
8Samtang nagapadayon ang pagpamatay, didto ako nga nagaisahanon. Naghapa ako sa duta kag nagsinggit, “O Ginoo nga Gamhanan, naakig ka gid bala sa Jerusalem nga pamatyon mo ang tanan nga nabilin sa Israel?”
9Ang Dios nagsabat, “Ang mga tawo sang Israel kag Juda nakahimo sang dalagku nga mga sala. Nagpamatay sila sa bug-os nga duta kag ginpuno nila ang Jerusalem sing kalautan. Nagasiling sila, ‘Ginsikway sang Ginoo ang aton pungsod. Ang Ginoo indi makakita sa aton.’ 10Gani karon indi ako magpatawad ukon magkaluoy sa bisan kay sin-o. Himuon ko sa ila ang ila ginhimo sa iban.”
11Dayon ang tawo nga nagabayo sing lino nagbalik kag nagsiling sa Ginoo, “Gintuman ko ang imo sugo.”
Currently Selected:
Ezequiel 9: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
