Ezequiel 4
4
Ginpakita ni Ezequiel ang Pagkibon sang Jerusalem
1Ang Dios nagsiling, “Tawo nga mamalatyon, kuha ka sing tisa, kag ibutang ini sa imo atubang. Magkudlit sang mga linya sa pagpakita sang siudad sang Jerusalem. 2Dayon sa pagpakita sang pagkibon sini nga siudad, butangi sing mga trinsera, mga pamakod, mga kampo, kag mga inugbungkal sa bug-os nga palibot sini. 3Kuha ka sang isa ka panid nga salsalon, kag ipahamtang ini subong isa ka pader sa ulot nimo kag sang siudad. Mag-atubang ka sa siudad. Ginakibon ini, kag ikaw ang nagakibon sini. Mangin-isa ini ka tanda sa pungsod sang Israel.
4-5“Dayon maghigda ka sing takilid sa imo wala, kag itungtong ko#4:4 ko: Sa Hebreomo. sa imo ang sala sang pungsod sang Israel. Didto magapabilin ka nga nagaantos sang ila mga sala sa sulod sang 390 ka adlaw. Silutan ko ikaw sing ila kalautan, isa ka adlaw para sa tagsa ka tuig. 6Pagkatapos sini magtakilid ka sa tuo, kay magaantos ka sang sala sang Juda sa sulod sang kwarenta ka adlaw, isa ka adlaw para sa tagsa ka tuig sang ila silot.
7“Tan-awa ang pagkibon sang Jerusalem. Kalukosa ang mga pako sang imo bayu, kag magtagna ka batok sa siudad. 8Gapuson ko ikaw agod indi ka makalisuliso tubtob matapos ang pagkibon.
9“Karon kuha ka sing trigo, sebada, balatong, lentihas, dawa kag espelta. Samoa ini tanan kag maghimo ka sing tinapay. Amo ini ang imo pagakaunon sa sulod sang 390 ka adlaw samtang nagahigda ka nga nagatakilid sa imo wala. 10Sarang ka makakaon sing 1/4 kilo nga tinapay tagsa ka adlaw kag kaisa ka lang magkaon kada-adlaw. 11Duha lang ka tasa nga tubig ang imo imnon kada-adlaw. 12Magdabok ka sing kalayo nga ang gatong mamala nga tai sang tawo. Lutoon mo ang tinapay sa mga baga sini, kag kaunon mo ini sa diin ang tanan makakita sa imo.”
13Ang Ginoo nagsiling, “Ini magapakita sang paagi nga ang mga Israelinhon magakaon sang kalan-on nga ginadumilian sang kasugoan,#4:13 KALAN-ON NGA GINADUMILIAN SANG KASUGOAN: Ang Kasugoan ni Moises nagdumili sa pagkaon sang mga kalan-on nga di-matinlo suno sa seremonya (tan-awa ang Lev. 11). kon paaplaagon ko sila sa iban nga mga pungsod.”
14Pero nagsabat ako, “O Ginoo nga Gamhanan, indi mahimo! Wala ko gid madagtai ang akon kaugalingon. Halin sang bata pa ako, wala gid ako makakaon sing karne sang sapat nga napatay ukon ginpatay sang mga sapat nga talunon. Wala gid ako makakaon sing kalan-on nga di-matinlo.”
15Gani ang Dios nagsiling, “O sigi. Tugotan ko ikaw sa paggamit sang ipot sang baka sa baylo sang tai sang tawo, kag lutoa ang imo tinapay sa sini.”
16Kag nagsiling pa gid ang Dios, “Tawo nga mamalatyon, indi ko na paghatagan sing kalan-on ang Jerusalem. Ang mga pumoluyo didto magakahangawa kag magakahadlok samtang nagasukob sila sang ila kalan-on kag ilimnon. 17Mawad-an sila sing kalan-on kag ilimnon. Madulaan sila sing paglaom kag magakag-as tungod sang ila mga sala.”
Currently Selected:
Ezequiel 4: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
