Ezequiel 2
2
Ang Dios Nagatawag kay Ezequiel nga Manginpropeta
Sang makita ko ini, naghapa ako sa duta. Dayon nabatian ko ang isa ka tingog nga 1nagasiling, “Tawo nga mamalatyon, tindog ka. May ihambal ako sa imo.” 2Samtang nagahambal ang tingog, ang Espiritu sang Dios nagsulod sa akon, kag nagpatindog sa akon, kag nabatian ko ang tingog nga nagpadayon sa pagsiling, 3“Tawo nga mamalatyon, ipadala ko ikaw sa mga tawo sang Israel. Nagbato kag nagsumpong sila sa akon. Sa gihapon mabinatuon sila subong man sang ila mga katigulangan. 4Mga matig-a sila sing ulo kag wala sila nagatahod sa akon. Ipadala ko ikaw sa pagsugid sa ila kon ano ang ginasiling ko, ang Ginoo nga Gamhanan. 5Magpamati man sa imo ukon indi yadto nga mga rebelde, basta mahibaluan lang nila nga may isa ka propeta sa tunga nila.
6“Pero ikaw, tawo nga mamalatyon, indi dapat magkahadlok sa ila ukon sang bisan ano nga ila ginasiling. Magapamatok kag magatamay sila sa imo, kag daw pareho lang ini nga ginalibutan ikaw sang mga sapinit kag talungon ukon yara ka nagakabuhi sa tunga sang mga iwiiwi. Pero indi ka magkahadlok sa sinang mga mabinatuon nga mga tawo ukon sa bisan ano nga ila ginasiling. 7Magpamati man sila ukon indi, ihambal sa ila ang bisan ano nga isiling ko sa imo. Dumdoma kon daw ano ka mabinatuon sa ila.
8“Tawo nga mamalatyon, pamatii ang akon ginasiling sa imo. Indi ka magmabinatuon pareho sa ila. Ngangaha ang imo baba kag kauna ang akon ihatag sa imo.” 9Nakita#Bug. 5:1. ko ang isa ka kamot nga nagaduhol sa akon sang isa ka linukot nga tulon-an. 10Ginhumlad niya ini kag nakita ko nga nasulatan ini sa pihak kag sa pihak sang mga panalambiton sang kasubo, paglalaw kag pag-ugayong.
Currently Selected:
Ezequiel 2: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
