Deuteronomio 27
27
Ang mga Kasugoan sang Dios nga Nasulat sa mga Bato
1Dayon si Moises upod sa mga pangulo sang Israel nagsiling sa mga tawo, “Tumana ninyo ang tanan nga mga sugo nga akon ginahatag sa inyo sini nga adlaw. 2Sa#Jos. 8:30-32. adlaw nga magtabok kamo sa Suba sang Jordan kag magsulod sa duta nga ginahatag sa inyo sang Ginoo nga inyo Dios, magtumpok kamo sang dalagku nga mga bato, hapulasa ini sang apog, 3kag isulat ang tanan nga mga kasugoan kag mga pagtudlo sa sini nga mga bato. Kon makasulod na kamo sa maayo kag mapatubason nga duta nga ginsaad sa inyo sang Ginoo, ang Dios sang inyo mga katigulangan, 4kag didto na kamo sa tabok sang Jordan, ipahamtang ini nga mga bato sa Bukid sang Ebal, suno sa akon ginasugo sa inyo karon nga adlaw, kag hapulasa ini sing apog. 5Magpatindog#Exo. 20:25. kamo sing altar didto nga nahimo sa mga bato nga wala ninyo paggamiti sang gamit nga salsalon, 6tungod kay ang altar nga ginapatindog ninyo para sa Ginoo nga inyo Dios kinahanglan nga nahimo sa mga bato nga wala mabasbasi. Didto idulot ninyo ang mga halad nga pagasunogon, 7kag didto ihalad kag kaunon ninyo ang mga halad sa paghiambit kag magkalipay kamo sa atubang sang Ginoo nga inyo Dios. 8Sa mga bato nga nahapulas sang mga apog isulat sing maathag ang tagsa ka pulong sang mga kasugoan sang Dios.”
9Dayon si Moises upod sa mga pari nga Levita nagsiling sa tanan nga mga tawo sang Israel, “Mga tawo sang Israel maghipos kamo kag magpamati sa akon. Sa sini nga adlaw nangin-iya kamo mga tawo sang Ginoo nga inyo Dios. 10Gani tumana ninyo sia kag himua ang tanan niya nga mga kasugoan nga ginahatag ko sa inyo sa sini nga adlaw.”
Ang mga Pagpakamalaut sa Di-pagtuman
11Dayon ginsingganan ni Moises ang mga tawo sang Israel, 12“Sa#Deut. 11:29; Jos. 8:33-35. tapos kamo makatabok sa Jordan, ini nga mga tribo magatindog sa Bukid sang Gerizim kon ang mga tawo ginabendisyunan: Simeon, Levi, Juda, Isacar, Jose, kag Benjamin. 13Kag ini nga mga tribo magatindog sa Bukid sang Ebal kon ang mga tawo ginapakamalaut: Ruben, Gad, Aser, Zabulon, Dan, kag Neftali. 14Ang mga Levita magahambal sini nga mga pulong sa mabaskog nga tingog:
15“‘Pakamalauton#Exo. 20:4; 34:17; Lev. 19:4; 26:1; Deut. 4:15-18; 5:8. sang Dios ang bisan sin-o nga nagahimo sang diosdios nga bato, kahoy, ukon metal kag nagasimba sini sing tago lang. Ang Ginoo nagakaakig sa nagasimba sa diosdios.’
“Dayon ang tanan nga mga tawo magasiling, ‘Kabay pa!’
16“‘Pakamalauton#Exo. 20:12; Deut. 5:16. sang Dios ang bisan sin-o nga wala nagatahod sa iya amay ukon iloy.’
“Dayon ang tanan nga mga tawo magasiling, ‘Kabay pa!’
17“‘Pakamalauton#Deut. 19:14. sang Dios ang bisan sin-o nga nagahalin sang muhon sang iya kapareho nga Israelinhon.’
“Dayon ang tanan nga mga tawo magasiling, ‘Kabay pa!’
18“‘Pakamalauton#Lev. 19:14. sang Dios ang bisan sin-o nga nagapatalang sang bulag.’
“Dayon ang tanan nga mga tawo magasiling, ‘Kabay pa!’
19“‘Pakamalauton#Exo. 22:21; 23:9; Lev. 19:33-34; Deut. 24:17-18. sang Dios ang bisan sin-o nga nagadaugdaog sang mga dumoluong, mga ilo, kag mga balo.’
“Dayon ang tanan nga mga tawo magasiling, ‘Kabay pa!’
20“‘Pakamalauton#Lev. 18:8; 20:11; Deut. 22:30. sang Dios ang bisan sin-o nga nagapakahuya sa iya amay paagi sa pagpakighilawas sa isa sang mga asawa sang iya amay.’
“Dayon ang tanan nga mga tawo magasiling, ‘Kabay pa!’
21“‘Pakamalauton#Exo. 22:19; Lev. 18:23; 20:15. sang Dios ang bisan sin-o nga nagapakighilawas sa sapat.’
“Dayon ang tanan nga mga tawo magasiling, ‘Kabay pa!’
22“‘Pakamalauton#Lev. 18:9; 20:17. sang Dios ang bisan sin-o nga nagapakighilawas sa iya utod nga babayi, ukon sa iya utod nga babayi sa amay ukon sa iloy.’
“Dayon ang tanan nga mga tawo magasiling, ‘Kabay pa!’
23“‘Pakamalauton#Lev. 18:17; 20:14. sang Dios ang bisan sin-o nga nagapakighilawas sa iya ugangan nga babayi.’
“Dayon ang tanan nga mga tawo magasiling, ‘Kabay pa!’
24“‘Pakamalauton sang Dios ang bisan sin-o nga nagapatay sa tago sang isa ka tawo.’
“Dayon ang tanan nga mga tawo magasiling, ‘Kabay pa!’
25“‘Pakamalauton sang Dios ang bisan sin-o nga nagabaton sing suhol sa pagpatay sing isa ka tawo nga wala sing sala.’
“Dayon ang tanan nga mga tawo magasiling, ‘Kabay pa!’
26“‘Pakamalauton#Gal. 3:10. sang Dios ang bisan sin-o nga wala nagatuman sang tanan nga mga kasugoan kag mga pagtulon-an sang Dios.’
“Dayon ang tanan nga mga tawo magasiling, ‘Kabay pa!’
Currently Selected:
Deuteronomio 27: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
