Mga Taga-Colosas 4
4
1Mga#Efe. 6:9. agalon, himua ang matarong kag ang nagakabagay sa inyo mga ulipon. Dumdoma nga may Agalon man kamo sa langit.
Mga Laygay
2Magpadayon kamo sa pagpangamuyo nga may pagpasalamat sa Dios, kag magbantay kamo samtang nagapangamuyo. 3Subong man magpangamuyo kamo para sa amon, agod nga ang Dios maghatag sa amon sing maayo nga kahigayunan sa pagwali sang iya pulong nahanungod sang sekrito ni Cristo. Kay amo ini ang kabangdanan nga karon nabilanggo ako. 4Gani, magpangamuyo kamo nga mawali ko ini sing maathag suno sa dapat ko himuon.
5Magmanginmaalam#Efe. 5:16. kamo sa inyo pagsinalayo upod sa mga di-tumoluo, kag gamita sing maayo ang tanan nga kahigayunan nga yara sa inyo. 6Ang#Klm. Sol. 8:12. inyo panghambal kinahanglan makapahamuot kag makawiwili sa gihapon, kag dapat nga makahibalo kamo magsabat sing nagakaigo sa tanan nga mga tawo.
Katapusan nga mga Pag-abiabi
7Ang#Bin. 20:4; 2 Tim. 4:12.#Efe. 6:21-22. aton hinigugma nga utod nga si Tiquico nga isa ka matutom nga manugpangabudlay kag masigkaalagad sa hilikuton sang Ginoo, amo ang magasugid sa inyo sang tanan nahanungod sang akon kahimtangan. 8Amo ini ang kabangdanan nga ginapadala ko sia sa inyo, agod nga malipay kamo kon masugiran niya kamo kon ano ang amon kahimtangan. 9Kaupod#Filem. 10-12. niya si Onesimo, ang aton hinigugma kag matutom nga utod, nga katapo sang inyo grupo. Sugiran nila kamo sang tanan nga nagakatabo diri.
10Ginaabiabi#Bin. 19:29; 27:2; Filem. 24; Bin. 12:12, 25; 13:13; 15:37-39. kamo ni Aristarco nga kaupod ko diri sa bilangguan kag ginaabiabi man kamo ni Marcos nga pakaisa ni Bernabe. (Ginsingganan na kamo nga batunon ninyo sia kon mag-abot sia dira sa inyo.) 11Si Josue nga ginahingalanan Justo nagaabiabi man sa inyo. Ini sila nga tatlo amo lamang ang mga Judio nga karon nagatuo kay Cristo nga nagapangabudlay upod sa akon para sa Ginharian sang Dios, kag daku gid ang ila nabulig sa akon.
12Nagaabiabi#Col. 1:7; Filem. 23. sa inyo si Epafras, isa man ka katapo ninyo kag alagad ni Cristo Jesus. Pirme sia nagapangamuyo sa Dios sing hugot sa iya tagipusoon para sa inyo, nga magmalig-on kamo, maghamtong kag napasalig sing bug-os sa inyo pagtuo kay Cristo kag nagatuman sing himpit sang iya kabubot-on. 13Ako gid makasaksi kon daw ano ang iya pagpangabudlay para sa inyo kag sa mga taga-Laodicea kag sa mga taga-Hierapolis. 14Si#2 Tim. 4:11; Filem. 24; 2 Tim. 4:10; Filem. 24. Lucas, ang aton pinalangga nga doktor, kag si Demas nagaabiabi man sa inyo.
15Ipalambot ang amon pagpanginbulahan sa mga kautoran sa Laodicea, kay Ninfa kag sa iglesia nga nagatipon sa iya balay. 16Sa tapos ninyo mabasa ini nga sulat, ipabasa man ninyo ini sa iglesia sa Laodicea. Kag subong man basaha ninyo ang sulat nga ginpadala ko sa ila. 17Kag#Filem. 2. singgana si Arquipo nga tapuson niya ang bulohaton nga ginhatag sa iya sang Ginoo.
18Ako, si Pablo, amo gid ang nagasulat sini nga mga pag-abiabi. Indi ninyo pagkalimti nga may gapos ako nga mga kadena!
Kabay nga ang pagpakamaayo sang Dios manginyara sa inyo.
Currently Selected:
Mga Taga-Colosas 4: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
