Baruc 4
4
1Ang#Sir. 24:23. Kaalam amo ang libro sang mga sugo sang Dios, ang Kasugoan nga magapabilin sa gihapon. Ang mga nagatuman sa iya magakabuhi, pero ang mga nagabiya sa iya mapatay. 2Mga tawo sang Israel, magbalik kamo sa Kaalam kag hupti sia. Maglakat kamo padulong sa katahom sang iya kasanag. 3Indi pag-ihatag ang aton mahimayaon nga prebilihiyo sa iban nga mga tawo. 4Daw ano ka malipayon sa aton, O katawhan sang Israel, may bentaha kita sa paghibalo kon ano ang makapahamuot sa Dios!
Ang Paglipay sa Jerusalem
5Magpakaisog, mga tawo ko, kamo ang nagapadayon nga mabuhi ang ngalan ni Israel. 6Ginbaligya kamo sa Hentil nga mga pungsod, pero wala kamo ginlaglag. Gintugyan kamo sang Dios sa inyo mga kaaway tungod kay ginpaakig ninyo sia. 7Sang maghalad kamo sang mga sakripisyo sa mga demonyo, kag indi sa Dios, ginpaakig ninyo sia nga nagtuga sa inyo. 8Nalipat kamo sa Walay Katapusan nga Dios nga nagbatiti sa inyo subong isa ka bata, kag gani gindala ninyo ang kalisod sa Jerusalem nga nanginkasubong sang iloy sa inyo. 9Ang Jerusalem nakakita nga ginsilutan kamo sang Dios tungod kay naakig sia sa inyo, kag nagsiling ang Jerusalem sa kaiping niya nga mga siudad, “Tan-awa ang daku nga kalalat-an nga ginpadala sa akon sang Dios. 10Nakita ko ang akon mga anak nga lalaki kag babayi nga gindala subong mga bihag, ang pagkabihag nga gintugot sang Walay Katapusan nga Dios sa ila. 11Ginsapupo ko sa daku nga kalipay ang akon mga kaanakan, pero naghibi kag nagpangasubo ako sang kuhaon sila sa akon. 12Wala sing bisan isa nga magkasadya sa akon kasubo, sa karon nga balo na ako kag madamo sang akon mga kaanakan ang ginkuha sa akon. Nagtalikod sila sa Kasugoan sang Dios kag ang ila mga sala nagbuhat sa akon nga isa ka pinatumbayaan nga siudad. 13Wala nila gintahod ang iya mga sugo kag wala sila magpangabuhi suno sa ginatudlo sini, nagpamatok sila sa iya mga pagtuytoy sa dalan sang katarungan.
14“Kamo nga kaiping nga mga siudad, dali kamo kag tan-awa kon paano ang ginpadala subong bihag ang akon mga anak sang Walay Katapusan nga Dios. 15Gikan sa malayo nga lugar, ginpadala niya sa ila ang isa ka walay huya nga pungsod, pungsod nga nagahambal sang dumoluong nga pulong, nga wala nagatahod sa mga tigulang kag wala nagakaluoy sa mga bata. 16Ining mga tawo nagdala sang akon pinalangga nga mga anak nga lalaki kag nagkuha sang akon mga anak nga babayi kag nabilin ako nga balo, nagaisahanon sing lubos.
17“Mga anak ko nga nabihag, wala ako sing mahimo sa pagbulig sa inyo. 18Sia nga nagpadala sa inyo sing silot, sia lamang ang makaluwas sa inyo gikan sa inyo mga kaaway. 19Mga anak, tumana ninyo ang inyo luyag, pangabuhi kamo sang inyo kaugalingon nga kabuhi! Nagaisahanon ako. 20Gin-uba ko ang bayu nga akon ginsuksok sa tion sang paghidait, kag nag-ilis ako sang bayu sang paglalaw. Magapangayo ako sing bulig sa Walay Katapusan nga Dios samtang buhi ako.
21“Magpakaisog kamo, mga anak ko, kag magpangayo sing bulig sa Ginoo. Pagaluwason niya kamo gikan sa pagpigos sa inyo, kag sa gahom sang inyo mga kaaway. 22Nagasalig ako nga sa madali, ang Walay Katapusan nga Dios magaluwas sa inyo. Ang Balaan nga Dios, ang inyo walay katapusan nga manluluwas magalipay sa akon sa tion nga magkaluoy sia sa inyo. 23Naghibi kag naggurahab ako sang kuhaon kamo sa akon, pero ang Dios magapabalik sa inyo kag magalipay sa akon sa wala sing katapusan. 24Subong nga ang mga kaiping nga mga siudad nagtan-aw sang pagbihag sa inyo, sa amo man sa indi madugay makita nila ang Walay Katapusan nga Dios nga magaabot sa iya mahimayaon nga pagkahalangdon sa pagluwas sa inyo. 25Mga anak ko, antusa ninyo nga may pagpailob ang mga pagsilot sang Dios. Ginhingabot kamo sang inyo mga kaaway, pero sa indi madugay makita ninyo ang ila kalaglagan kag manginmakaluluoy sila sa idalom sang inyo gahom. 26Mga anak ko nga nasobrahan sing pagpalangga, nag-usoy kamo sing mabudlay nga dalan, gindala kamo kasubong sang mga karnero nga nadakop sa pagsalakay sang mga kaaway.
27“Magpakaisog kamo, mga anak ko, kag magpangayo sing bulig sa Dios. Ginsilutan niya kamo, pero indi sia magkalipat sa inyo. 28Subong nga sang una nagpamat-od kamo sa pagtalikod sa Dios, sa karon magbalik kamo kag mag-alagad sa iya nga may napulo ka pilo nga determinasyon sang sa una. 29Sia nga nagpadala sini nga mga kalalat-an sa inyo magaluwas sa inyo kag magadala sa inyo sang walay katapusan nga kalipay.”
Ang Jerusalem Ginpasalig nga Buligan
30Magpakaisog ka, O Jerusalem, ang Dios nga naghatag sa imo sing ngalan, karon magadala sa imo sing paglugpay. 31Magaabot ang kalalat-an sa mga nagpintas sa imo kag nagkalipay sa imo kalaglagan. 32Magaabot ang kalalat-an sa mga yadtong siudad nga nag-ulipon sang imo mga anak. Magaabot ang kalalat-an sa Babilonia, ang siudad nga nagbihag sang imo mga anak. 33Subong nga yadtong siudad nagkalipay sa imo kalaglagan kag nagkasadya sa imo pagkaguba, sa karon magalalaw sia sa iya pag-isahanon. 34Ang iya paghinambog pagabalusan ko sang paglalaw kag pagakuhaon ko ang madamo niya nga mga tawo nga iya ginpabugal. 35Ako, ang Walay Katapusan nga Dios, magadala sa iya sing kalayo, kag ini magasunog sa iya sa sulod sang malawig nga mga inadlaw. Ang iya mga ginub-an pagaestaran sang mga demonyo sa malawig nga panahon.
36Magtulok ka sa sidlangan, O Jerusalem, kag lantawa ang kalipay nga ginadala sang Dios sa imo. 37Lantawa, ang imo mga kaanakan nga ginkuha sa imo nagapalauli. Gintipon sila gikan sa sidlangan kag sa nakatundan suno sa pagmando sang Dios, ang Isa nga Balaan. Kag sa karon nagapalauli sila nga nagakinasadya sa himaya sang Dios.
Currently Selected:
Baruc 4: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Baruc 4
4
1Ang#Sir. 24:23. Kaalam amo ang libro sang mga sugo sang Dios, ang Kasugoan nga magapabilin sa gihapon. Ang mga nagatuman sa iya magakabuhi, pero ang mga nagabiya sa iya mapatay. 2Mga tawo sang Israel, magbalik kamo sa Kaalam kag hupti sia. Maglakat kamo padulong sa katahom sang iya kasanag. 3Indi pag-ihatag ang aton mahimayaon nga prebilihiyo sa iban nga mga tawo. 4Daw ano ka malipayon sa aton, O katawhan sang Israel, may bentaha kita sa paghibalo kon ano ang makapahamuot sa Dios!
Ang Paglipay sa Jerusalem
5Magpakaisog, mga tawo ko, kamo ang nagapadayon nga mabuhi ang ngalan ni Israel. 6Ginbaligya kamo sa Hentil nga mga pungsod, pero wala kamo ginlaglag. Gintugyan kamo sang Dios sa inyo mga kaaway tungod kay ginpaakig ninyo sia. 7Sang maghalad kamo sang mga sakripisyo sa mga demonyo, kag indi sa Dios, ginpaakig ninyo sia nga nagtuga sa inyo. 8Nalipat kamo sa Walay Katapusan nga Dios nga nagbatiti sa inyo subong isa ka bata, kag gani gindala ninyo ang kalisod sa Jerusalem nga nanginkasubong sang iloy sa inyo. 9Ang Jerusalem nakakita nga ginsilutan kamo sang Dios tungod kay naakig sia sa inyo, kag nagsiling ang Jerusalem sa kaiping niya nga mga siudad, “Tan-awa ang daku nga kalalat-an nga ginpadala sa akon sang Dios. 10Nakita ko ang akon mga anak nga lalaki kag babayi nga gindala subong mga bihag, ang pagkabihag nga gintugot sang Walay Katapusan nga Dios sa ila. 11Ginsapupo ko sa daku nga kalipay ang akon mga kaanakan, pero naghibi kag nagpangasubo ako sang kuhaon sila sa akon. 12Wala sing bisan isa nga magkasadya sa akon kasubo, sa karon nga balo na ako kag madamo sang akon mga kaanakan ang ginkuha sa akon. Nagtalikod sila sa Kasugoan sang Dios kag ang ila mga sala nagbuhat sa akon nga isa ka pinatumbayaan nga siudad. 13Wala nila gintahod ang iya mga sugo kag wala sila magpangabuhi suno sa ginatudlo sini, nagpamatok sila sa iya mga pagtuytoy sa dalan sang katarungan.
14“Kamo nga kaiping nga mga siudad, dali kamo kag tan-awa kon paano ang ginpadala subong bihag ang akon mga anak sang Walay Katapusan nga Dios. 15Gikan sa malayo nga lugar, ginpadala niya sa ila ang isa ka walay huya nga pungsod, pungsod nga nagahambal sang dumoluong nga pulong, nga wala nagatahod sa mga tigulang kag wala nagakaluoy sa mga bata. 16Ining mga tawo nagdala sang akon pinalangga nga mga anak nga lalaki kag nagkuha sang akon mga anak nga babayi kag nabilin ako nga balo, nagaisahanon sing lubos.
17“Mga anak ko nga nabihag, wala ako sing mahimo sa pagbulig sa inyo. 18Sia nga nagpadala sa inyo sing silot, sia lamang ang makaluwas sa inyo gikan sa inyo mga kaaway. 19Mga anak, tumana ninyo ang inyo luyag, pangabuhi kamo sang inyo kaugalingon nga kabuhi! Nagaisahanon ako. 20Gin-uba ko ang bayu nga akon ginsuksok sa tion sang paghidait, kag nag-ilis ako sang bayu sang paglalaw. Magapangayo ako sing bulig sa Walay Katapusan nga Dios samtang buhi ako.
21“Magpakaisog kamo, mga anak ko, kag magpangayo sing bulig sa Ginoo. Pagaluwason niya kamo gikan sa pagpigos sa inyo, kag sa gahom sang inyo mga kaaway. 22Nagasalig ako nga sa madali, ang Walay Katapusan nga Dios magaluwas sa inyo. Ang Balaan nga Dios, ang inyo walay katapusan nga manluluwas magalipay sa akon sa tion nga magkaluoy sia sa inyo. 23Naghibi kag naggurahab ako sang kuhaon kamo sa akon, pero ang Dios magapabalik sa inyo kag magalipay sa akon sa wala sing katapusan. 24Subong nga ang mga kaiping nga mga siudad nagtan-aw sang pagbihag sa inyo, sa amo man sa indi madugay makita nila ang Walay Katapusan nga Dios nga magaabot sa iya mahimayaon nga pagkahalangdon sa pagluwas sa inyo. 25Mga anak ko, antusa ninyo nga may pagpailob ang mga pagsilot sang Dios. Ginhingabot kamo sang inyo mga kaaway, pero sa indi madugay makita ninyo ang ila kalaglagan kag manginmakaluluoy sila sa idalom sang inyo gahom. 26Mga anak ko nga nasobrahan sing pagpalangga, nag-usoy kamo sing mabudlay nga dalan, gindala kamo kasubong sang mga karnero nga nadakop sa pagsalakay sang mga kaaway.
27“Magpakaisog kamo, mga anak ko, kag magpangayo sing bulig sa Dios. Ginsilutan niya kamo, pero indi sia magkalipat sa inyo. 28Subong nga sang una nagpamat-od kamo sa pagtalikod sa Dios, sa karon magbalik kamo kag mag-alagad sa iya nga may napulo ka pilo nga determinasyon sang sa una. 29Sia nga nagpadala sini nga mga kalalat-an sa inyo magaluwas sa inyo kag magadala sa inyo sang walay katapusan nga kalipay.”
Ang Jerusalem Ginpasalig nga Buligan
30Magpakaisog ka, O Jerusalem, ang Dios nga naghatag sa imo sing ngalan, karon magadala sa imo sing paglugpay. 31Magaabot ang kalalat-an sa mga nagpintas sa imo kag nagkalipay sa imo kalaglagan. 32Magaabot ang kalalat-an sa mga yadtong siudad nga nag-ulipon sang imo mga anak. Magaabot ang kalalat-an sa Babilonia, ang siudad nga nagbihag sang imo mga anak. 33Subong nga yadtong siudad nagkalipay sa imo kalaglagan kag nagkasadya sa imo pagkaguba, sa karon magalalaw sia sa iya pag-isahanon. 34Ang iya paghinambog pagabalusan ko sang paglalaw kag pagakuhaon ko ang madamo niya nga mga tawo nga iya ginpabugal. 35Ako, ang Walay Katapusan nga Dios, magadala sa iya sing kalayo, kag ini magasunog sa iya sa sulod sang malawig nga mga inadlaw. Ang iya mga ginub-an pagaestaran sang mga demonyo sa malawig nga panahon.
36Magtulok ka sa sidlangan, O Jerusalem, kag lantawa ang kalipay nga ginadala sang Dios sa imo. 37Lantawa, ang imo mga kaanakan nga ginkuha sa imo nagapalauli. Gintipon sila gikan sa sidlangan kag sa nakatundan suno sa pagmando sang Dios, ang Isa nga Balaan. Kag sa karon nagapalauli sila nga nagakinasadya sa himaya sang Dios.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012