Baruc 3
3
1“O Makagagahom nga Ginoo, Dios sang Israel, nagapanawag kami sa imo gikan sa kaidadalman sang amon natublag kag nalapyo nga mga kalag. 2Pamatii kami, O Ginoo, kag maluoy ka sa amon tungod kay nakasala kami batok sa imo. 3Nagagahom ka subong hari nga wala sing katapusan, pero kami mamatay kag magataliwan sing dayon. 4O Makagagahom nga Ginoo, Dios sang Israel, pamatii ang amon pangamuyo. Kasubong kami sang mga patay. Ang amon mga katigulangan nagpakasala batok sa imo, ang Ginoo nga ila Dios. Wala sila nagtuman sa imo kag nagaantos kami tungod sang ila mga sala. 5Kalimti ang mga kalautan nga ginbuhat sang amon mga katigulangan sadto anay, kag sa sini nga panahon panumdoma lamang ang imo gahom kag maayo nga ngalan, 6kay ikaw ang Ginoo nga amon Dios kag dayawon namon ikaw. 7Ginpahadlok mo kami sa imo agod nga magpangamuyo kami sa imo. Diri sa lugar diin kami ginbihag magadayaw kami sa imo tungod kay ginbayaan namon ang mga sala sang amon mga katigulangan. 8Ginlapta mo kami sa mga kapungsoran kag ila kami ginyaguta kag ginpakamalaut. Ginasilutan mo kami tungod sang mga sala sang amon mga katigulangan sang maglalis sila sa imo, ang Ginoo nga amon Dios.”
Sa Pagdayaw sa Kaalam
9Magpamati#Hulo. 4:20-22. ka, O Israel, sa mga sugo nga nagasaad sang kabuhi, magpamati ka kag manginmaalam ikaw. 10O Israel, ngaa nga yara ka sa kadutaan sang imo mga kaaway? Ngaa nga nanigulang ka sa duta sang mga dumoluong? Indi ka matinlo suno sa seremonya, kasubong ka sang patay. 11Naisip na ikaw upod sa mga minatay. Pero ngaa? 12Tungod kay ginbayaan mo ang ginahalinan sang Kaalam! 13Kon naglakat ka sa dalanon sang Dios, kuntani nagkabuhi ka sa paghidait nga wala sing katapusan. 14Magtuon ka kon sa diin makita ang paghangop, kabakod kag maayo nga ihibalo. Dayon mahibaluan nimo kon diin makita ang malawig kag madinalag-on nga kabuhi, ang kapawa nga magatuytoy sa imo kag ang paghidait.
15Wala#Job 28:12, 20. pa sing nakasalapo kon sa diin nagaestar ang Kaalam ukon nakasulod sa iya balay nga talaguan sang manggad, 16-17kag ang mga nagtinguha sa pagtukib sa iya nagkaladula: ang mga pangulo sang mga pungsod, ang mga nagapangayam agod malingaw, ang mga nakatipon sang madamo nga mga bulawan kag pilak nga ginasaligan sang tanan kag ginatinguhaan sa pag-angkon bisan sa ano nga paagi, 18ang mga nagapalibog kag nagapadihot kon paano makaangkon sang manggad, pero wala sing may ginbilin nga mga binuhatan. 19Tanan sila nagkaladula kag nagpadulong sa kalibutan sang mga patay. Ang ila lugar gintal-usan sang iban. 20Ang naulihi nga kaliwatan natawo kag nagkabuhi sa duta, pero sila man wala nakatukib sang alagyan padulong sa ihibalo. Wala sila makakita sang dalan padulong sa Kaalam ukon nakaangkon sa iya. 21Napaslawan man ang ila mga kaanakan. 22Ang mga taga-Canaan wala nakakita sang Kaalam. Subong man ang mga taga-Edom 23bisan pa nga nagtinguha sila sa pagpangita sini. Ang alagyan padulong sa Kaalam wala matukibi sang mga negosyante sang Meran kag Tema ukon sang mga manunulat sang himohimo nga sugilanon ukon bisan pa sang iban nga nagapangita sang paghangop.
24O Israel, sa pagkadaku sang kalibutan sa diin nagaestar ang Dios! Daw ano kalapad sang iya ginapanag-iyahan! 25Wala ini sang katapusan: wala sing paagi sa pagtakos sini kon daw ano kasangkad ukon kataas. 26Diri#Gen. 6:4; Klm. Sol. 14:6. natawo sang una nga panahon ang bantog nga mga higante, ang gamhanan nga kaliwat kag batid sa inaway. 27Pero ang Dios wala nagpili sa ila nga mangin-iya mga katawhan ukon ginpakita sa ila ang alagyan sang ihibalo. 28Nagkalamatay sila tungod kay wala sila sing paghangop kag sing maayo nga panghunahuna.
29Wala sing may nakasaka sa langit sa pagkuha sang Kaalam agod dalhon ini sa idalom sang mga panganod. 30Wala sing may nagpanakayon patabok sa mga baybayon agod magpangita sang Kaalam ukon nagbakal sini paagi sa puraw nga bulawan. 31Wala sing may nakahibalo sang dalan padulong sa kaalam ukon paano ang pagtukib sang alagyan padulong sa iya.
32Ang Dios lamang amo ang nakahibalo sang Kaalam kag nahibaluan niya ang tanan nga mga butang. Paagi sa iya paghangop natukib niya ang Kaalam. Gintuga niya ang duta para sa tanan nga panahon kag iya ini ginpuno sang tanan nga sahi sang mga sapat. 33Nagkurog ang kasanag kag nagtuman sa iya panawag. Ginpadala niya ini kag nagpakita ini. 34Gintawag niya ang mga bituon kag sa gilayon nagsabat sila; nagpabilin sila sa ila mga lugar kag sing malipayon nagsanag sila sa paglipay sa iya nga nagbuhat sa ila. 35Sia ang aton Dios kag wala na sing iban nga kaangay sa iya. 36Natultolan niya ang kabug-osan sang alagyan padulong sa paghangop kag ginhatag niya ang Kaalam sa kay Israel nga iya hinigugma nga alagad. 37Halin sadto tubtob karon ang Kaalam nagpakita sa duta kag nag-estar sa tunga naton.
Currently Selected:
Baruc 3: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
Baruc 3
3
1“O Makagagahom nga Ginoo, Dios sang Israel, nagapanawag kami sa imo gikan sa kaidadalman sang amon natublag kag nalapyo nga mga kalag. 2Pamatii kami, O Ginoo, kag maluoy ka sa amon tungod kay nakasala kami batok sa imo. 3Nagagahom ka subong hari nga wala sing katapusan, pero kami mamatay kag magataliwan sing dayon. 4O Makagagahom nga Ginoo, Dios sang Israel, pamatii ang amon pangamuyo. Kasubong kami sang mga patay. Ang amon mga katigulangan nagpakasala batok sa imo, ang Ginoo nga ila Dios. Wala sila nagtuman sa imo kag nagaantos kami tungod sang ila mga sala. 5Kalimti ang mga kalautan nga ginbuhat sang amon mga katigulangan sadto anay, kag sa sini nga panahon panumdoma lamang ang imo gahom kag maayo nga ngalan, 6kay ikaw ang Ginoo nga amon Dios kag dayawon namon ikaw. 7Ginpahadlok mo kami sa imo agod nga magpangamuyo kami sa imo. Diri sa lugar diin kami ginbihag magadayaw kami sa imo tungod kay ginbayaan namon ang mga sala sang amon mga katigulangan. 8Ginlapta mo kami sa mga kapungsoran kag ila kami ginyaguta kag ginpakamalaut. Ginasilutan mo kami tungod sang mga sala sang amon mga katigulangan sang maglalis sila sa imo, ang Ginoo nga amon Dios.”
Sa Pagdayaw sa Kaalam
9Magpamati#Hulo. 4:20-22. ka, O Israel, sa mga sugo nga nagasaad sang kabuhi, magpamati ka kag manginmaalam ikaw. 10O Israel, ngaa nga yara ka sa kadutaan sang imo mga kaaway? Ngaa nga nanigulang ka sa duta sang mga dumoluong? Indi ka matinlo suno sa seremonya, kasubong ka sang patay. 11Naisip na ikaw upod sa mga minatay. Pero ngaa? 12Tungod kay ginbayaan mo ang ginahalinan sang Kaalam! 13Kon naglakat ka sa dalanon sang Dios, kuntani nagkabuhi ka sa paghidait nga wala sing katapusan. 14Magtuon ka kon sa diin makita ang paghangop, kabakod kag maayo nga ihibalo. Dayon mahibaluan nimo kon diin makita ang malawig kag madinalag-on nga kabuhi, ang kapawa nga magatuytoy sa imo kag ang paghidait.
15Wala#Job 28:12, 20. pa sing nakasalapo kon sa diin nagaestar ang Kaalam ukon nakasulod sa iya balay nga talaguan sang manggad, 16-17kag ang mga nagtinguha sa pagtukib sa iya nagkaladula: ang mga pangulo sang mga pungsod, ang mga nagapangayam agod malingaw, ang mga nakatipon sang madamo nga mga bulawan kag pilak nga ginasaligan sang tanan kag ginatinguhaan sa pag-angkon bisan sa ano nga paagi, 18ang mga nagapalibog kag nagapadihot kon paano makaangkon sang manggad, pero wala sing may ginbilin nga mga binuhatan. 19Tanan sila nagkaladula kag nagpadulong sa kalibutan sang mga patay. Ang ila lugar gintal-usan sang iban. 20Ang naulihi nga kaliwatan natawo kag nagkabuhi sa duta, pero sila man wala nakatukib sang alagyan padulong sa ihibalo. Wala sila makakita sang dalan padulong sa Kaalam ukon nakaangkon sa iya. 21Napaslawan man ang ila mga kaanakan. 22Ang mga taga-Canaan wala nakakita sang Kaalam. Subong man ang mga taga-Edom 23bisan pa nga nagtinguha sila sa pagpangita sini. Ang alagyan padulong sa Kaalam wala matukibi sang mga negosyante sang Meran kag Tema ukon sang mga manunulat sang himohimo nga sugilanon ukon bisan pa sang iban nga nagapangita sang paghangop.
24O Israel, sa pagkadaku sang kalibutan sa diin nagaestar ang Dios! Daw ano kalapad sang iya ginapanag-iyahan! 25Wala ini sang katapusan: wala sing paagi sa pagtakos sini kon daw ano kasangkad ukon kataas. 26Diri#Gen. 6:4; Klm. Sol. 14:6. natawo sang una nga panahon ang bantog nga mga higante, ang gamhanan nga kaliwat kag batid sa inaway. 27Pero ang Dios wala nagpili sa ila nga mangin-iya mga katawhan ukon ginpakita sa ila ang alagyan sang ihibalo. 28Nagkalamatay sila tungod kay wala sila sing paghangop kag sing maayo nga panghunahuna.
29Wala sing may nakasaka sa langit sa pagkuha sang Kaalam agod dalhon ini sa idalom sang mga panganod. 30Wala sing may nagpanakayon patabok sa mga baybayon agod magpangita sang Kaalam ukon nagbakal sini paagi sa puraw nga bulawan. 31Wala sing may nakahibalo sang dalan padulong sa kaalam ukon paano ang pagtukib sang alagyan padulong sa iya.
32Ang Dios lamang amo ang nakahibalo sang Kaalam kag nahibaluan niya ang tanan nga mga butang. Paagi sa iya paghangop natukib niya ang Kaalam. Gintuga niya ang duta para sa tanan nga panahon kag iya ini ginpuno sang tanan nga sahi sang mga sapat. 33Nagkurog ang kasanag kag nagtuman sa iya panawag. Ginpadala niya ini kag nagpakita ini. 34Gintawag niya ang mga bituon kag sa gilayon nagsabat sila; nagpabilin sila sa ila mga lugar kag sing malipayon nagsanag sila sa paglipay sa iya nga nagbuhat sa ila. 35Sia ang aton Dios kag wala na sing iban nga kaangay sa iya. 36Natultolan niya ang kabug-osan sang alagyan padulong sa paghangop kag ginhatag niya ang Kaalam sa kay Israel nga iya hinigugma nga alagad. 37Halin sadto tubtob karon ang Kaalam nagpakita sa duta kag nag-estar sa tunga naton.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012