1 Samuel 13
13
Pagpakig-away batok sa mga Filistinhon
1Si Saul nagaedad sing…#13:1 Sa Hebreo nga teksto wala malakip ang numero. ka tuig sang sia nanginhari, kag naggahom sia sa Israel sing…kag duha#13:1 Ang duha indi bug-os nga numero. May bahin sini nga napanas. ka tuig.
2Si Saul nagpili sing 3,000 ka mga Israelinhon kag ang iban ginpapauli niya. Gin-upod niya ang 2,000 sa Mikmas kag sa kabakuloran sang Betel, kag ang 1,000 ginpaupod niya sa iya anak nga si Jonatan sa Gebeat, sa kabakuloran sang tribo ni Benjamin.
3Si Jonatan nagpatay sang pangulo sang mga Filistinhon#13:3 nagpatay…mga Filistinhon: ukonnaglutos sang mga Filistinhon sa ila kampo. sa Geba kag nabatian ini sang mga Filistinhon. Dayon si Saul nagpadala sing mga manugbalita sa pagtawag sang mga Hebreo sa inaway paagi sa pagpatunog sang budyong sa bug-os nga pungsod. 4Ang tanan nga mga Israelinhon nakahibalo nga si Saul nagpatay sang pangulo sang mga Filistinhon, kag ang mga Filistinhon nagdumot sa ila. Gani ang mga tawo nagsabat sa pagpanawag kag nag-upod kay Saul sa Gilgal.
5Ang mga Filistinhon nagtingob sa pagpakig-away sa mga Israelinhon. May 30,000 sila ka mga karwahi sa inaway, 6,000 ka mga manugkabayo, kag may madamo nga mga hangaway kaangay sang balas sa baybay. Nagkadto sila sa Mikmas, sa sidlangan sang Betaben, kag naghimo sila sang ila kampo didto. 6Ginsalakay nila sing tudo gid ang mga Israelinhon kag nabutang sa ital-ital ang mga Israelinhon. Ang iban sang mga Israelinhon nagpanago sa mga kweba kag sa mga gikab, sa dalagku nga mga bato, sa mga buho kag sa mga bubon. 7Ang iban nagtabok sa Suba sang Jordan pakadto sa mga kadutaan sang Gad kag Galaad.
Si Saul didto pa sa Gilgal, kag ang mga tawo nga kaupod niya nagakurog sa kahadlok. 8Naghulat#1 Sam. 10:8. sia kay Samuel sing pito ka adlaw suno sa ginsiling ni Samuel sa iya pero wala mag-abot si Samuel sa Gilgal. Ang mga tawo nag-amat-amat sa pagbiya kay Saul, 9gani nagsiling sia sa ila, “Dalhi ninyo ako diri sing mga halad nga sinunog kag mga halad sa paghiambit.” Gindulot niya ang mga halad nga sinunog, 10kag sang nakatapos gid lang sia, nag-abot si Samuel. Si Saul naggwa sa pagsugata kag sa pag-abiabi sa iya. 11Pero si Samuel nagsiling, “Ano ang ginhimo mo?”
Si Saul nagsabat, “Nakita ko nga ang mga tawo nagabiya na sa akon, kag ikaw wala makaabot suno sa imo ginsiling, kag ang mga Filistinhon nagatipon sa Mikmas. 12Gani naghunahuna ako nga ang mga Filistinhon magasalakay diri sa akon sa Gilgal, kag wala pa ako makapangayo sang bulig sang Ginoo. Gani nagbatyag ako nga kinahanglan gid magdulot ako sing mga halad.”
13Si Samuel nagsabat, “Binuang ang imo ginhimo. Wala ka magtuman sa sugo nga ginhatag sang Ginoo nga imo Dios sa imo. Kon nagtuman ikaw, kuntani magatugot sia sa imo kag sa imo mga kaliwat sa paggahom sa Israel sing walay katapusan. 14Pero#Bin. 13:22. karon ang imo paggahom indi magpadayon. Ang Ginoo magapangita sang tawo nga iya nahamut-an kag iya himuon nga pangulo sa iya mga tawo, tungod kay wala ka magtuman sa iya.”
15Si Samuel naghalin sa Gilgal kag nagpadayon sa iya dalanon. Ang iban nga mga tawo nagsunod kay Saul sa iya paglakat sa pagbuylog sa iya mga tinawo. Naglakat sila halin sa Gilgal pakadto sa Gebeat sa kadutaan sang mga Benjaminhon. Gin-isip ni Saul ang iya mga tinawo, kag mga 600 sila tanan. 16Si Saul kag ang iya anak nga si Jonatan, kag ang ila mga tinawo naghimo sang kampo sa Geba, sa kadutaan sang mga Benjaminhon, samtang ang mga Filistinhon naghimo sang ila kampo sa Mikmas. 17Ang mga hangaway sang mga Filistinhon naggwa sa tatlo ka mga grupo halin sa ila kampo sa pagsalakay: ang isa ka grupo nagpakadto sa Opra, sa kadutaan sang Sual, 18ang isa nagpakadto sa Bet-horon, kag ang isa pa gid nagpakadto sa dulonan sa diin lantawon ang Kapatagan sang Zeboim kag ang desierto.
19Wala sing mga panday sa salsalon nga makita sa Israel tungod kay ang mga Filistinhon nagdumili sa mga Hebreo sa pagsalsal sang mga espada kag mga bangkaw. 20Gani ang mga Israelinhon kinahanglan magkadto sa mga Filistinhon sa pagbaid sang punta sang ila mga arado, mga sadol, mga wasay kag mga garab.#13:20 Ang isa ka dumaan nga pagbadbadmga garab; sa Hebreomga arado. 21Ang bayad sa pagbaid sang mga wasay kag pagkaayo sang mga inugsuntok isa ka diutay nga pilak, kag duha ka bilog nga pilak para sa pagbaid sang mga punta sang arado kag mga sadol. 22Kag sa adlaw sang inaway wala gid sing isa sa Israelinhon nga mga hangaway nga may espada ukon bangkaw luas kay Saul kag sa iya anak nga si Jonatan.
23Ang mga Filistinhon nagpadala sang mga hangaway sa pagbantay sang Alagyan sang Mikmas.
Currently Selected:
1 Samuel 13: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
